21st Jan2019

ພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງ ກອງທັບປະຊາຊົນລາວ ຄົບຮອບ 70 ປີ

by somchan

ພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ໄດ້ຈັດໃນວັນທີ 20 ມັງກອນ ນີ້ ທີ່ວິທະຍາຄານກົມມະດຳ ກະຊວງປ້ອງກັນປະເທດ ໂດຍການເປັນກຽດເຂົ້າຮ່ວມຂອງ ທ່ານ ບຸນຍັງ ວໍລະຈິດ ເລຂາທິການໃຫ່ຍ, ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ ມີບັນດາການນຳພັກ-ລັດ, ອາດີດການນຳພັກ-ລັດ, ພະນັກງານປະຕິວັດອາວຸໂສ, ວິລະຊົນແຫ່ງຊາດ, ນັກຮົບແຂ່ງຂັນ, ຄະນະຜູ້ແທນຈາກກອງທັບ ບັນດາປະເທດເພື່ອນມິດ, ນາຍ ແລະ ພົນທະຫານ, ຕຳຫຼວດ ພະນັກງານລັດຖະກອນ ແລະ ມວນຊົນເຂົ້າຮ່ວມ.

ໂອກາດທີ່ມີຄວາມໝາຍສຳຄັນ ທ່ານ ບຸນຍັງ ວໍລະຈິດ ປະທານປະເທດ ໄດ້ກ່າວສູນທອນພົດວ່າ: ກອນໜ້ານີ້ 70 ປີ ຄືວັນທີ 20 ມັງກອນ 1949 ກອງທັບລາວອິດສະຫຼະ ເຊິ່ງແມ່ນຕົ້ນກຳເນີດຂອງກອງທັບປົດປ່ອຍ, ກອງທັບປະຊາຊົນລາວປະຈຸບັນ ໄດ້ຮັບການສ້າງຕັ້ງຂື້ນຢູ່ເຂດທີ່ໜັ້ນຕາແສງລາວຮູ່ງ-ພຽງສາ ເມືອງຊຽງຄໍ້ ແຂວງຫົວພັນ ໂດຍແມ່ນປະທານໄກສອນ ພົມວິຫານ ເປັນຜູ້ປະກາດສ້າງຕັ້ງ ແລະ ບັນຊາໂດຍກົງ-ພາຍຫຼັງໄດ້ຮັບການສ້າງຕັ້ງຂື້ນ ກອງທັບໄດ້ປະເຊີນໜ້າກັບສັດຕູ ທີ່ມີກຳລັງແຮງເໜືອກວ່າຫຼາຍເທົ່າ ນັບທັງດ້ານກຳລັງພົນ, ອາວຸດ, ຍຸດໂທປະກອນ ແລະ ອື່ນໆ ແຕ່ດ້ວຍນ້ຳໃຈຮັກຊາດອັນສູງສົ່ງ ແລະ ສືບທອດມູນເຊື້ອຕໍ່ສູ້ພິລະອາດຫານບໍ່ຍອມຈຳນົນຂອງບັນພະບູລຸດ ແລະ ຊົນເຊື້ອຊາດລາວ. ຜ່ານການຝຶກຝົນຫຼໍ່ຫຼອມ ແລະ ທົດສອບໃນແປວໄຟຂອງສົງຄາມຕໍ່ສູ້ ເພື່ອຍາດເອົາເອກະລາດແຫ່ງຊາດ, ໃນສະພາບແວດລ້ອມ ແລະ ເງື່ອນໄຂສຸດທີ່ຫຍຸ້ງຍາກລຳບາກ, ກອງທັບໄດ້ສ້າງວິລະກຳອັນລ້ຳເລີດຫຼາຍປະການ, ສ້າງປະຫວັດສາດຍຸກໃໝ່ ແລະ ມູນເຊື້ອວິລະຊົນຂອງຊາດລາວ ວິລະຊົນຢ່າງສະຫງ່າງາມ, ພວກເຮົາມີຄວາມເອອ້າງທະນົງໃຈເປັນຢ່າງຍິ່ງ ທີ່ເຫັນວ່າພາຍໃຕ້ການນຳພາຂອງພັກ, ພະນັກງານ-ນັບຮົບໃນກອງທັບປະຊາຊົນລາວ ໄດ້ເສີ່ມຂະຫຍາຍມູນເຊື້ອຕໍ່ສູ້ເດັດດ່ຽວ, ພິລະອາດຫານ, ບໍ່ຍອມຈຳນົນ, ຍາກປານໃດກໍ່ບຸກ, ທຸກປານໃດກໍ່ສູ້ເຖິງຈະເສຍສະຫຼະກໍ່ບໍ່ຫວາດຫວັ່ນ, ຍາມໃດກໍ່ຕອບສະໜອງຕາມຄວາມຮຽກຮ້ອງຕ້ອງການຂອງພັກ ດ້ວຍຄວາມຈົງຮັກພັກດີ, ຊື່ສັດບໍລິສຸດ ແລະ ເດັດດ່ຽວໜຽວແໜ້ນ, ການເຕີບໃຫ່ຍຂະຫຍາຍຕົວ ແລະ ສູ້ຮົບມີໄຊຂອງກອງທັບ ແມ່ນຍ້ອນກອງທັບຍາມໃດກໍ່ອີງໃສ່ປະຊາຊົນ ເຮັດທຸກສິ່ງທຸກຢ່າງເພື່ອຜົນປະໂຫຍດຂອງປະຊາຊົນ ດ້ວຍຄວາມບໍລິສຸດໃຈ ຍ້ອນແນວນັ້ນຈຶ່ງໄດ້ຮັບຄວາມເອົາໃຈໃສ່ເບິ່ງແຍງດູແລ, ຖະໜອມຫອມຮັກ ແລະ ອູ້ມຊູຊ່ວຍເຫຼືອຈາກປະຊາຊົນບັນດາເຜົ່າ ອັນໄດ້ເປັນບໍ່ເກີດຂອງກອງກຳລັງແຮງທີ່ບໍ່ເຫືອດແຫ້ງ, ກອງທັບປະຊາຊົນລາວສົມແລ້ວທີ່ເປັນກອງທັບວິລະຊົນຂອງຊາດລາວວິລະຊົນ.

ໃນພິທີຍັງໄດ້ຮັບຊົມການເດີນສວນສະໜາມ ເຊິ່ງເລີ່ມຈາກຂະບວນລົດພະນັກງານປະຕິວັດອາວຸໂສ, ຈຸທຸ່ງໄຊກອງປະຊາຊົນລາວ, ກ້ອນກອງທັບອິດສະຫຼະ, ກ້ອນກຳລັງກອງທັບປົດປ່ອຍ, ກ້ອນກຳລັງເພດຍິງ 369, ກ້ອນນາຍທະຫານບົກ, ກ້ອນນາຍທະຫານອາກາດ, ກ້ອນນາຍທະຫານຊາຍແດນ, ກ້ອນນາຍທະຫານຮາບ, ກ້ອນນາຍທະຫານຕີພິເສດ, ກ້ອນນາຍທະຫານລົດຕັງ-ຍານເກາະ, ກ້ອນທະຫານປືນໃຫ່ຍໜ້າດິນ, ກ້ອນທະຫານປ້ອງກັນອາກາດ ກ້ອນທະຫານຊ່າງແສງ, ກ້ອນທະຫານສື່ສານ, ກ້ອນກຳລັງແພດເພດຍິງ, ກ້ອນທະຫານທ້ອງຖິ່ນ, ກ້ອນກຳລັງກອງຫຼອນ, ກ້ອນກຳລັງປ້ອງກັນຕົວ, ຂະບວນລົດທະຫານຮາບ-ຍານເກາະ, ຂະບວນເຫຼົ່າຮົບລົດຕັງ-ຍານເກາະ, ເຫຼົ່າຮົບປືນໃຫ່ຍໜ້າດິນ, ເຫຼົ່າຮົບປ້ອງກັນອາກາດ, ຂະບວນລົດເຫຼົ່າຮົບຊ່າງແສງ, ກ້ອນກອງແກວົງກອງທັບປະຊາຊົນລາວ, ສະແດງຟຸງບິນຕ່າງໆທາງອາກາດ ແລະ ສະແດງໂດດຈ້ອງ ປະກອບທຸງຊາດລາວ, ທຸງພັກ ແລະ ທຸງກາ 70 ປີ ກອງທັບປະຊາຊົນລາວ.

Off

Comments are closed.