25th Jan2019

ເຊື່ອມຊືມສະຕິກອງປະຊຸມຄົບຄະນະບໍລິຫານ ງານສູນກາງພັກຄັ້ງທີ່ 7 ສະໄມທີ່ x

by somchan

 

ກົມໃຫ່ຍການເມືອງປ້ອງກັນຄວາມສະຫງົບ ໄດ້ຈັດຕັ້ງເຊື່ອມຊືມມະຕິກອງປະຊຸມຄົບຄະນະ ບໍລິຫານງານສູນກາງພັກ ຄັ້ງທີ່ 7 ສະໄໝທີ່ x ໃຫ້ສະມາຊິກພັກ-ພະນັກງານ ອ້ອມຂ້າງກົມໃຫ່ຍການເມືອງປ້ອງກັນ ຄວາມສະຫງົບ.ໃນວັນທີ່ 23 ມັງກອນ ນີ້ ໃຫ້ກຽດເຜີຍແຜ່ເອກກະສານ ໂດຍ ພົຈວ ອາລູ ວາລີຊື ຄະນະພັກກະຊວງ ຫົວໜ້າກົມໃຫ່ຍການເມືອງປ້ອງກັນຄວາມສະຫງົບ , ມີຄະນະພັກ-ຄະນະບັນຊາ, ພະນັກງານຫຼັກແຫຼ່ງ ແລະ ສະມາຊິກພັກກົມກອງອ້ອມຂ້າງເຂົ້າຮ່ວມ.

ເອກກະສານທີ່ນຳມາເຊື່ອມຊືມໃນຄັ້ງນີ້ມີ ມະຕິວ່າດ້ວຍການປັບປຸງຮາກຖານ ການເມືອງຂອງລະບອບປະຊາທິປະໄຕປະຊາຊົນຊາວໃຫ້ເຂັ້ໃແຂງ ແລະ ໜັກແໜ້ນ, ມະຕິວ່າດ້ວຍເພີມທະວີ ການນຳພາ ແກ້ໄຂ ຄວາມຍຸງຍາກ ດ້ານເສດຖະກິດ-ການເງີນ ແລະ ສ້າງຄວາມເຂັ້ມແຂງຂອງການຄຸ້ມຄອງມະຫາພາກ, ສະພາບຄວາມເປັນຈີງຂອງຮາກຖານການເມືອງໃນປະຈຸບັນ, ທັດສະນະພື້ນຖານ ແລະ ທິດທາງໜ້າທີ່ ກ່ຽວກັບການ ປັບປຸງຮາກ ຖານການເມືອງໃນຕໍ່ໜ້າ ແລະ ມາດຕະການຈັດຕັ້ງປະຕິບັດ ເຊີ່ງຍາມໃດພັກກໍ່ເດີນຕາມມະຫາຊົນ, ຢືດທັດສະນະ ຖືປະຊາຊົນເປັນກົກ, ເປັນກຳລັງແຮງຂອງການປະຕິວັດ ແລະ ຖືການກໍ່ສ້າງຮາກຖານການເມືອງ ຕິດພັນກັບການພັດທະນາຊົນນະບົດ, ແກັໄຂຄວາມທຸກຍາກຂອງປະຊາຊົນເປັນວຽກຍຸດທະສາດ ທີ່ບໍ່ປ່ຽນແປງທັງເປັນມາດຕະການພື້ນຖານໃນການຈັດຕັ້ງປະຕິບັດແນວທາງ ແຜນນະໂຍບາຍຂອງພັກ, ກົດໝາຍລະບຽບຂອງການຂອງລັດ ເພື່ອເປັນພື້ນຖານອັນໜັກແໜ້ນຂອງລະບອບປະຊາທິປະໄຕປະຊາຊົນ,ເພີມທະວີການມີລະບຽບວິໄນ, ຮັບປະກັນປະຕິບັດການສ້າງກົມກອງໃຫ້ເຂັ້ມແຂງ, ກ້າວສູ່ທັນສະໄໝ, ຕ້ານສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນຖັນແຖວພະນັກງານນັກຮົບ.

Off

Comments are closed.