25th Jan2019

ກອງປະຊຸມສະຫຼຸບວຽກງານສັນຕິບານທົ່ວປະເທດ ປະຈຳປີ 2018 ແລະ ທິດທາງແຜນການປີ 2019

by somchan

ກອງປະຊຸມສະຫຼຸບວຽກງານສັນຕິບານທົ່ວປະເທດ ປະຈຳປີ 2018 ແລະ ທິດທາງແຜນການປີ 2019 ໄດ້ຈັດໃນວັນທີ 24 ມັງກອນ ນີ້ ພາຍໃຕ້ການເປັນປະທານຂອງ ພົຈວ ບຸນມີ ແສງຄຳຢອງ ຄະນະປະຈຳພັກກະຊວງ ຫົວໜ້າກົມໃຫ່ຍສັນຕິບານມີຄະນະນກົມ, ຄະນະພັກ-ຄະນະບັນຊາ, ພະນັກງານ ຫຼັກແຫຼ່ງກົມກອງອ້ອມຂ້າງ, ບັນດາຫ້ອງ ປກສ ແຂວງ ທົ່ວປະເທດເຂົ້າຮ່ວມ.

ພັອ ໄພວັນ ແມນວິໄລ ຫົວໜ້າຫ້ອງການກົມໃຫ່ຍສັນຕິບານ ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານໃນ 1 ປີ ແລະ ຜ່ານທິດທາງແຜນການໃນຕໍ່ໜ້າ, ເຊິ່ງໃນປີຜ່ານມາກົມໃຫ່ຍສັນຕິບານແມ່ນໄດ້ສຸມໃສ່ການຈັດຕັ້ງປະຕິບັດ 3 ຄາດໝາຍ, 11 ວຽກຍຸດທະສາດ ແລະ 7 ໂຄງການຂອງກົມໃຫ່ຍສັນຕິບານ ເປັນຕົ້ນແມ່ນວຽກງານກວດກາຄົນເຂົ້າ-ອອກເມືອງ ໄດ້ເອົາໃຈໃສ່ດຳເນີນວຽກງານກວດຄົນເຂົ້າ-ອອກເມືອງ, ຕິດຕາມ, ເປົ້າໝາຍຫ້າມເຂົ້າ ສປປ ລາວ – ເປົ້າໝາຍນຳຈັບ, ສົມທົບພາກສ່ວນທີ່ກ່ຽວຂ້ອງອອກວີຊ່າກັບດ່ານ, ກວດກາດ່ານຕ່າງໆ ເພື່ອຍົກລະດັບຂື້ນເປັນດ່ານສາກົນໃນຕໍ່ໜ້າ ໄດ້ເປີດຊຸດຝຶກອົບຮົມວຽກງານກວດຄົນເຂົ້າ-ອອກເມືອງຢູ່ຂັ້ນສູນກາງ ແລະ ທ້ອງຖິ່ນ, ປະຕິບັດວຽກງານກວດຄົນເຂົ້າ-ອອກເມືອງ ດ້ວຍຄວາມສະດວກວ່ອງໄວ, ຮັບປະກັນຖືກຕ້ອງຕາມແນວທາງຂອງພັກ ແລະ ຫຼັກການວິຊາສະເພາະ, ສາມາດກວດກາຄົນເຂົ້າ-ອອກເມືອງໄດ້ທັງໝົດ 6 ລ້ານກວ່າຄົນ, ກວດພົບ ແລະ ປະຕິເສດການຂໍເຂົ້າເມືອງຕໍ່ຜູ້ບໍ່ຄົບເງື່ອນໄຂເຂົ້າ ສປປ ລາວ ມີ 29 ຄົນ 12 ສັນຊາດ, ໄດ້ເອົາໃຈໃສ່ກວດກາ, ຂື້ນທະບຽນຄຸ້ມຄອງຄົນຕ່າງປະເທດທີ່ເຂົ້າມາເຄື່ອນໄຫວຢູ່ ສປປ ລາວ ພ້ອມທັງປະສານສົມທົບກັບພາກສ່ວນກ່ຽວຂ້ອງແກ້ໄຂຄົນຕ່າງປະເທດທີ່ມີການເຄື່ອນໄຫວລະເມີດລະບຽບ-ກົດໝາຍຢູ່ ສປປ ລາວ ຄື: ດຳເນີນຄະດີຄົນຕ່າງປະເທດ 433 ເລື່ອງ, ຜູ້ຖືກຫາ 1,455 ຄົນ, ຍິງ 138 ຄົນ, ໄດ້ອອກບັດໃຫ້ນັກລົງທຶນ 1,785 ຄົນ, ອອກບັດໃຫ້ຊ່ຽວຊານ 1,911 ຄົນ, ຄົ້ນຄວ້າເອກະສານຂໍແຕ່ງດອງ ລະຫວ່າງພົນລະເມືອງລາວກັບຕ່າງປະທດ 265 ຄູ່, ຄົ້ນຄວ້າເອກະສານຄົນຕ່າງປະເທດຂໍຢູ່ລາວຖາວອນ 97 ສະບັບ, ວຽກງານຄຸ້ມຄອງການທ່ອງທ່ຽວໄດ້ເກັບກຳສະຖິຕິແຫຼ່ງທ່ອງທ່ຽວທົ່ວປະເທດ 2,104 ແຫຼ່ງ ບໍລິສັດທ່ອງທ່ຽວທົ່ວປະເທດມີ 439 ບໍລິສັດ, ມີ 85 ສາຂາ, ວິຊາການຄົນຕ່າງປະເທດທີ່ປະຈຳຢູ່ບໍລິສັດທ່ອງທ່ຽວ 120 ຄົນ, ພະນັກງານນຳທ່ຽວທົ່ວປະເທດມີ 1,275 ຄົນ. ໃນກອງປະຊຸມຜູ້ເຂົ້າຮ່ວມຍັງໄດ້ພ້ອມກັນປະກອບຄຳຄິດຄຳເຫັນໃສ່ບົດສະຫຼຸບ ແລະ ທິດທາງແຜນການ ເພື່ອເຮັດໃຫ້ມີເນື້ອໃນເລິກເຊິງ ແລະ ພ້ອມກັນນຳໄປຈັດຕັ້ງປະຕິບັດເຂົ້າໃນວຽກງານວິຊາສະເພາະໃຫ້ມີປະສິດທິຜົນ.

Off

Comments are closed.