18th Feb2019

ລມຕ ກະຊວງ ປກສ ຕ້ອນຮັບການເຂົ້າຢ້ຽມ ຂ່ຳນັບ ເອກອັກຄະລັດຖະທູດ ສ ລັດເຊຍ

by somchan

ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງທ່ານ ມິຄາອິນ ລາບານ໋ອບ ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສ ລັດເຊຍ ປະຈຳ ສປປລາວ ໃນວັນທີ 14 ກຸມພາ ນີ້ ເນື່ອງໃນໂອກາດທີ່ທ່ານໄດ້ຮັບຕຳແໜ່ງເປັນລັດຖະມົນຕີກະຊວງປ້ອງກັນຄວາມສະຫງົບຄົນໃໝ່.

ໂອກາດດັ່ງກ່າວ ທ່ານລັດຖະມົນຕີກໍ່ໄດ້ສະແດງຄວາມຕ້ອນຮັບຢ່າງອົບອຸ່ນຕໍ່ການເຂົ້າຢ້ຽມຂ່ຳນັບໃນຄັ້ງນີ້ ພ້ອມນີ້ ທ່ານເອກອັກຄະລັດຖະທູດ ແຫ່ງ ສ ລັດເຊຍ ໄດ້ລາຍງານສະພາບການຕ່າງໆ ໃນການພົວພັນຮ່ວມມືລະຫວ່າງສອງປະເທດລາວ ແລະ ລັດເຊຍ ເວົ້າລວມ, ເວົ້າສະເພາະແມ່ນການຮ່ວມມືລະຫວ່າງກະຊວງປ້ອງກັນຄວາມສະຫງົບລາວກັບອົງການໜັ້ນຄົງ ກໍ່ຄືກະຊວງພາຍໃນ ແຫ່ງ ສ ລັດເຊຍ ໃນຫຼາຍຂົງເຂດວຽກງານ ໂດຍສະເພາະແມ່ນວຽກງານຕ້ານອາຊະຍາກຳ, ການສະກັດກັ້ນ ແລະ ຕ້ານຢາເສບຕິດ ແລະ ວຽກງານອື່ນໆ ໂອກາດນີ້ທັງສອງຝ່າຍຍັງໄດ້ປຶກສາຫາລືກັນຫຼາຍບັນຫາທີ່ພົວພັັນເຖິງການຮ່ວມມືກັນໃນຕໍ່ໜ້າ ເພື່ອເຮັດໃຫ້ມີຄວາມແໜ້ນແຟ້ນຂື້ນກວ່າເກົ່າ.

Off

Comments are closed.