19th Feb2019

ກອງປະຊຸມສະຫຼູບວຽກງານປ້ອງກັນຄວາມສະຫງົບ ແຂວງວຽງຈັນປະຈຳປີ 2018

by somchan

ໃນວັນທີ່ 14-15 ກຸມພາ 2019 ນີ ກອງບັນຊາການ ປກສ ແຂວງວຽງຈັນ ໄດ້ສະຫຼູບວຽກງານປ້ອງກັນຄວາມສະຫງົບປະຈຳປີ 2018  ແລະ ວາງທິດທາງແຜນການປີ 2019 ໂດຍການເປັນປະທານຂອງ ທ່ນ ປອ ທອງເຄນບຸນໝັ້ນ ຫົວໜ້າກອງບັນຊາການ ປກສ ແຂວງ ວຽງຈັນ ເປັນກຽດເຂົ້າຮ່ວມຂອງທ່ານ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ,ມີຫົວໜ້າຫ້ອງວ່າການກະຊວງ ປກສ ,ຄະນະພັກ-ຄະນະບັນຊາກອງບັນຊາການ ປກສ ແຂວງ,ມີຫົວໜ້າຫ້ອງ,ຮອງຫ້ອງ,ກອງພັນປ້ອງກັນເຄື່ອນທີ່,ຄ້າຍຄຸມຂັງດັດສ້າງ,ກອງບັນຊາການ ປກສ ເມືອງ 11 ເມືອງ,ແຂກທີ່ຖືກເຊີນພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ.

ພັອ ປອ ທອງເຄນ ບຸນໝັ້ນ ຫົວໜ້າກອງບັນຊາການ ປກສ ແຂວງ ວຽງຈັນ ໄດ້ຕີລາຄາການຈັດຕັ້ງປະຕິບັດວຽກງານປ້ອງກັນຄວາມສະຫງົບ ປະຈຳປີ 2018 ແລະ ວາງທິດທາງແຜນການ ປີ 2019 ໂດຍໄດ້ສັງເກດຕິລາຄາສະພາບການພົ້ນເດັ່ນທີ່ພົວພັນເຖີງວຽກງານຮັກສາຄວາມສະຫງົບທາງດ້ານການເມືອງ ຄວາມເປັນລະບຽບຮຽບຮ້ອຍທາງດ້ານສັງຄົມ ໃນໜື່ງປີຜ່ານມາກຳລັງປ້ອງກັນຄວາມສະຫງົບແຂວງວຽງຈັນໄດ້ເອົາໃຈໃສ່ຊີ້ນຳ-ນຳພາສືກສາອົບຮົມການເມືອງແນວຄິດໃຫ້ແກ່ພະນັກງານນັກຮົບຢ່າງຕໍ່ເນື່ອງ, ຕິດພັນກັບການຈັດຕັ້ງເຜີຍແຜ່ມະຕິຄຳສັງ, ຂໍ້ກຳນົດກົດລະບຽບ, ເອກກະສານສຳຄັນຕ່າງໆໃຫ້ພະນັກງານນັກຮົບ ໃນກຳລັງມີຄວາມອຸນອຽງທຸ່ນທຽງມີຫຼັກໝັ້ນສີນທຳປະຕິວັດດ ຫັນເອົາພະນັກງານລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານໂດຍຕິດພັນກັບວຽກງານສາມສ້າງ ແລະ ການປະຕິບັດ 4 ຄາດໝາຍ ແຜນງານໃຫ່ຍ 41 ໂຄງການ ທີກະຊວງປ້ອງກັນຄວາມສະຫງົບວາງອອກ, ໃນ 1 ປີ ຜ່ານມາແຂວງ ວຽງຈັນ ມີຄະດີເກີດຂື້ນທັງໝົດ 1,172 ເລື່ອງ, ສາມາດມ້າງຄະດີໄດ້ 626 ລາຍ,ກັກຕົວຜູ້ຖືກຫາ 838 ຄົນ, ຍີງ 43 ຄົນ, ທຽບໃສ່ປີຜ່ານມາເຫັນວ່າເພີມຂື້ນ 318 ລາຍ,ໃນນີ້ມ້າງຄະດີເສບຕິດໄດ້ 546 ລາຍ,ກັກຜູ້ກະທຳຜິດ 975 ຄົນ,ຍີງ 132 ຄົນ,ຍືດຢາເສບຕິດປະເພດຕ່າງໆມີ ຂອງກາງຢາບ້າຈຳນວນ 123,994 ເມັດ,ຢາຝີ່ນ 900g ,ຢາໄອ 141 ກິໂລກະລາມ, ລົດໃຫ່ຍ 3 ຄັນ, ລົດຈັກ 51 ຄັນ, ເງີນ 30,811,500 ກີບ, ມີຜູ້ໄດ້ຮັບບາດເຈັບ 266 ຄົນ, ເສຍຊີວິດ 18 ຄົນ, ພາຫານະເປເພ 698 ຄັນ,ທຽບໃສ່ປີຜ່ານມາຄະດີອຸປະຕິເຫດ 114 ລາຍ, ອັກຄີໄພເກີດຂື້ນ 15 ຄັ້ງ ມູນຄ່າຜົນເສຍຫາຍ 6 ຕື້ກວ່າກີບ, ດ້ານວຽກງານການກວດກາເຂົ້າ-ອອກເມືອງ ສາມາດເກັບຄ່າຄົນລາວແຈ້ງເຂົ້າ-ອອກທັງໝົດ42,249 ຄົນ, ຍິງ 26,762 ຄົນ, ຄົນໄທແຈ້ງເຂົ້າ-ອອກດ່ານ 75,219 ຄົນ, ຍິງ 29,279 ຄົນ, ລົດຂົນສົ່ງສີນຄ້າເຂົ້າ-ອອກ ຜ່ານແດນ 758 ຄັນ, ຮົວຜ່ານແດນ ໄດ້ 4,024 ຖ້ຽວ ທົ່ວແຂວງວຽງຈັນມີ 11 ເມືອງ, 443 ບ້ານ, 92,042 ຄອບຄົວ, ມີພົນລະເມືອງທັງໝົດ 461,150 ຄົນ, ບໍ່ທັນຂື້ນສຳມະໂນຄົວ, 90,719 ຄອບຄົວ, ມີ 458,684 ຄົນ, ເກັບສະທິຕິເພື່ອເຂົ້າຖານຂໍ້ມູນລະບົບທັນສະໄໝ 139 ບ້ານ, ມີ 14,294 ຄົນ, ຍິງ 6,266 ຄົນ, ປີ 2018 ສາມາດປະກາດບ້ານປ້ອງກັນຄວາມສະຫງົບໄດ້ 70 ບ້ານ ມີ 10,613 ຄອບຄົວ, ແລະ ວຽກງານອື່ນໆອີກກໍ່ໄດ້ເອົາໃຈໃສ່ຢ່າງຕັ້ງໜ້າ,ສຳລັບແຜນການປີ 2019 ກອງບັນຊາການ ປກສ ແຂວງວຽງຈັນແມ່ນຈະໄດ້ສືບຕໍ່ຈັດຕັ້ງປະຕິບັດເນື້ອໃນ 4 ຄາດໝາຍ,4 ແຜນງານໃຫ່ຍ ແລະ 41 ໂຄງການ ທີກະຊວງປ້ອງກັນຄວາມສະຫງົບວາງອອກ,ສືບຕໍ່ເພີມທະວີການເຄື່ອນໄຫວວຽກງານວິຊາສະເພາະໃຫ້ເຂັ້ມແຂງ ເພື່ອຮັບປະກັນໃຫ້ແຂວວຽງຈັນ ມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ.

ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ກັບຜົນງານແຕ່ລະດ້ານ ທີ່ກຳລັງປ້ອງກັນຄວາມສະຫງົບແຂວງວຽງຈັນຍາດມາໄດ້ໃນ 1 ປີຜ່ານມາ ໄດ້ຮຽກຮ້ອງໃຫ້ຄະນະພັກ-ຄະນະບັນຊາແຕ່ລະຂັ້ນ ໃນກຳລັງປ້ອງກັນຄວາມສະຫງົບແຂວງ ວຽງຈັນຈົ່ງເອົາໃຈໃສ່ຕໍ່ວຽກງານສືກສາອົບຮົມການເມືອງນຳພາແນວຄິດໃຫ້ແກ່ພະນັກງານ-ນັກຮົບ ເປັນບັນຫາສຳຄັນຕົ້ນຕໍ,ຍົກສູງຄວາມຮັບຜິດຊອບຕໍ່ໜ້າທີ່ວຽກງານ, ແນ່ໃສເຮັດໃຫ້ແຂວງວຽງຈັນມີສະຖຽນລະພາບທາງດ້ານການເມືອງ, ມີຄວາມສະຫງົບປອດໄພໂດຍພື້ນຖານ, ຄະນະພັກ-ຄະນະບັນຊາແຕ່ລະຂັ້ນ ຕ້ອງສ້າງແບບແຜນວິທີເຮັດວຽກ, ແບບແຜນວິທີນຳພາໃຫ້ທັນສະໄໝ, ມີຄວາມສາມັກຄີພາຍໃນຢ່າງໜັກແໜັ້ນ, ສືບຕໍ່ຊີ້ນຳ-ນຳພາພະນັກງານ-ນັກຮົບ ຕັ້ງໜ້າເຮັດວຽກງານວິຊາສະເພາະຂອງຕົນໃຫ້ມີຄຸນນະພາບສູງ ແລະ ຍາດໄດ້ຜົນງານຍິ່ງໃຫ່ຍຂື້ນກ່ວາເກົ່າ.

 

 

 

 

 

Off

Comments are closed.