22nd Mar2019

ກະຊວງ ປກສ ເປີດຂະບວນການແຂ່ງຂັ້ນກິລາ ຂ່ຳນັບຮັບຕ້ອນວັນສ້າງຕັ້ງກຳລັງ ປ້ອງກັນຄວາມສະຫງົບ ຄົບຮອບ 58 ປີ

by somchan

ກະຊວງປ້ອງກັນຄວາມສະຫງົບ ເປີດຂະບວນການແຂ່ງຂັ້ນກິລາຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ທີ 5 ເມສາ ປີ 1961- ວັນທີ 5 ເມສາ ປີ 2019 ຄົບຮອບ 58 ປີ ໃນວັນທີ 22 ມີນາ ນີ້ ຢູ່ທີ່ສະ    ໜາມກິລາ ກະຊວງປ້ອງກັນຄວາມສະຫງົບ ໂດຍການໃຫ້ກຽດເຂົ້າຮ່ວມ ຂອງ ພົຕ ສິນທະວົງ ໄຊຍະກອນ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ມີບັນດາຄະນະພັກ, ຄະນະນຳກະຊວງ, ຫົວໜ້າກົມໃຫ່ຍ, ກົມກອງວິຊາສະເພາະອ້ອມຂ້າງກະຊວງປ້ອງກັນຄວາມສະຫງົບ, ພະນັກງານ, ແຂກຖືກເຊີນ, ນັກກິລາ 19 ກົມກອງ ອ້ອມຂ້າງກະຊວງ ແລະ ກອງບັນຊາການ ປກສ ນະຄອນຫຼວງວຽງຈັນເຂົ້າຮ່ວມ.

ພັອ ແສນອາໄລ ບົວອາພອນ ຫົວໜ້າກົມກິລາ ກະຊວງປ້ອງກັນຄວາມສະຫງົບ, ຄະນະຮັບຜິດຊອບຊີ້ນຳລວມຂະບວນການແຂ່ງຂັນກິລາອ້ອມຂ້າງ ກະຊວງປ້ອງກັນຄວາມສະຫງົບ, ໄດ້ກ່າວວ່າ: ການແຂ່ງຂັນກິລາໃນຄັ້ງນີ້ ມີ 8 ປະເພດກິລາ , ກິລາບານເຕະ, ກິລາບານສົ່ງ, ກິລາກະຕໍ້, ກິລາຍິງປືນ, ກິລາເປຕັງ, ກິລາສະເພາະນຸ່ງເຄື່ອງແບບໄວ ແລະ ມ້າງປະກອບປືນອາກ້າ, ກິລາແລ່ນຖົງ, ກິລາດືງເຊືອກ ແລະ ອື່ນໆ.

ພ້ອມດຽວກັນນີ້ ພົຈວ ອຸ່ນຫຼ້າ ວົງພະຈັນ ຮອງຫົວໜ້າກົມໃຫ່ຍການເມືອງປ້ອງກັນຄວາມສະຫງົບ, ຄະນະຮັບຜິດຊອບຊີ້ນຳລວມ ການຈັດງານແຂ່ງຂັນກິລາ ຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 58 ປີ ໄດ້ມີຄຳເຫັນການເປີດຂະບວນການແຂ່ງຂັນກິລາຂື້ນໃນຄັ້ງນີ້ ເພື່ອເປັນການຟື້ນຟູສຸຂະພາບທາງດ້ານຮ່າງກາຍ ແລະ ຈິດໃຈ ໃຫ້ມີຄວາມເຂັ້ມແຂງສົມບູນ ເພື່ອເຮັດສຳເລັດໜ້າທີ່ການເມືອງທີ່ພັກ-ລັດ ແລະ ການຈັດຕັ້ງມອບໝາຍໃຫ້ ມີຜົນສຳເລັດເປັນຢ່າງດີ.

Off

Comments are closed.