23rd Apr2019

ກະຊວງປ້ອງກັນຄວາມສະຫງົບ ສະຫຼູບການປ້ອງກັນບຸນປີໃໝ່ ລາວ

by somchan

ກະຊວງປ້ອງກັນຄວາມສະຫງົບ ສະຫຼູບການປ້ອງກັນບຸນປີໃໝ່ ລາວ ພສ 2562 ໃນວັນທີ 23 ເມສາ 2019 ນີ້ ເຂົ້າຮ່ວມໂດຍທ່ານ ພົຕ ກົງທອງ ພົງວິຈິດ ຮອງ ລມຕ ກະຊວງ ປກສ, ມີຄະນະກົມໃຫ່ຍ, ກົມກອງ ປກສ ຂອງເລົ່າຫຼົບວິຊາສະເພາະ ທີປະຕິບັດວຽກງານຕົວຈີງເຂົ້າຮ່ວມ.

ພົຈວ ສົມຫວັນ ສາຍລັອງພາ ຮອງຫົວໜ້າຫ້ອງວ່າການກະຊວງ ປກສ ໄດ້ລາຍງານຜົນສຳເລັດການປ້ອງກັນບຸນປີໃໝ່ລາວ ພສ 2562 ໃນລະຫວ່າງວັນທີ 13-17 ເມສາ 2019 ເຊີ່ງກະຊວງ ປກສ ໄດ້ເປັນເຈົ້າການຊີ້ນຳວຽກງານປ້ອງກັນຄວາມສະຫງົບ ໃນຂອບເຂດທົ່ວປະເທດ ລມຕ ກະຊວງ ປກສ ກໍ່ໄດ້ອອກຄຳສັ່ງວ່າດ້ວຍການເພີມທະວີວຽກງານປ້ອງກັນໃນໄລຍະການສະເຫຼີມສະຫຼອງ ພ້ອມທັງແຕ່ງຕັ້ງຄະນະຊີ້ນຳລວມ,ກອງເສນາຊ່ວຍວຽກ ແລະ ຄະນະປະຈຳການຂັ້ນກະຊວງ ຕະຫຼອດ 24 ຊົວໂມງ ທັງສ້າງແຜນປ້ອງກັນລວມ,

ພ້ອມນີ້ບັນດາກົມກອງວິຊາສະເພາະກ່ຽວຂ້ອງກໍ່ມີແຜນການເຄື່ອນໄຫວວຽກງານ ປ້ອງກັນເປັນອັນສະເພາະຂອງຕົນ, ເປັນຕົ້ນກ່ອນໄລຍະບຸນປີໃໝ່ລາວ ກົມຕຳຫຼວດຈາລະຈອນ ກົມໃຫ່ຍຕຳຫຼວດໄດ້ລົງຊີ່ນຳວຽກງານຈາລະຈອນຢູ່ 4 ຈຸດແຂວງພາກໃຕ້ດ 4 ແຂວງພາກເໜືອ ແລະ 2 ແຂວງພາກກາງ ອອກຕັ້ງດ່ານຈັບຄວາມໄວຢູ່ຕາມ້ສັ້ນທາງ 13 ໃຕ້ ແລະ 13 ເໜືຶອ ຕາມພາລະບົດບາດ, ສິດໜ້າທີ ແລະ ການຊີ້ນຳຂອງຂັ້ນເທີງ, ສວນ ປກສ ນະຄອນຫຼວງ ແລະ ປກສ ແຂວງທົ່ວປະເທດກໍ່ໄດ້ເປັນເຈົ້າການສ້າງແຜນປ້ອງກັນຢູ່ໃນຂອບເຂດຄວາມຮັບຜິດຊອບຂອງຕົນ, ກົມຄຸມຄອງສຳມະໂນຄົວ ແລະ ກໍ່ສ້າງຮາກຖານກໍ່ໄດ້ຊີ້ນຳຕຳຫຼວດບໍລິການປະຊາຊົນຢູ່ບັນດາແຂວງ ແລະ ນະຄອນຫຼວງວຽງຈັນ ປຸກລະດົມປະຊາຊົນ ບັນດາເຜົ່າໃຫ້ມີສະຕິ ແລະ ເປັນເຈົ້າການປະກອບສ່ວນໃນວຽກງານ ປກສ ຢູ່ຂັ້ນທ້ອງຖີ່ນຮາກຖານສະພາບການຫຼີ້ນບຸນປີໃໝ່ຂອງປະຊາຊົນລາວບັນດາເຜົ່າໃນຂອບເຂດທົ່ວປະເທດແມ່ນມີຄວາມເບີກບານມ່ວນຊື່ນ ຮັກສາໄດ້ຮິດຄອງປະເພນີອັນດີງາມຂອງຊາດ, ແຕ່ກໍ່ມີບາງບັນຫາເກີດຂື້ນເຊັ້ນການດື່ມສີງມືນເມົາແລັວຂັບຂີ່ລົດ, ນຳໃຊ້ຜາຢາງເຮັດເປັນອ່າງຢູ່ຫຼັງລົດກະບະແລັວຂັບຂີ່ຫຼີ້ນຢູ່ຕາມເສັ້ນທາງ, ການໃຊ້ສາຍຢາງທົດນ້ຳຢູ່ແຄມທາງ,

ນຳໃຊ້ຖົງຢາງໃສ່ນ້ຳແລ້ວດືກແກ່ວງໃສ່ກັນ, ຫຼີ້ນນ້ຳສີເປີເປື້ອນການເປີດເພງສຽງດັງເກີນຂອບເຂດກາຍໂມງເວລາ ແລະ ບັນຫາອື່ນໆ ປະກົດການຫບໍ້ທໍ້ໃນໄລຍະບຸນປີໃໝ່ລາວລະຫວ່າງວັນທີ 13-17 ເມສາ 2019 ມີຄະດີອາຍາໃນທົ່ວປະເທດເກີດຂື້ນທັງໝົດ 51 ລາຍ ໃນນີ້ທົ່ວປະເທດ 28 ລາຍ, ຄະດີຢາເສບຕິດ 3 ລາຍ, ແກ້ໄຂໄດ້ 40 ລາຍ ກັກຜູ້ກະທຳຜິດ 51 ຄົນ/ຍີງ 8 ຄົນ ອຸປະຕິເຫດທົວປະເທດເກີດຂື້ນທັງໝົດ 303 ລາຍ ເສຍຊີວິດ 37 ຄົນ, ສະເພາະ 3 ວັນ ວັນທີ 14-16 ອຸປະຕິເຫດເກີດຂື້ນ 198 ລາຍ ເສຍຊີວິດ 28 ຄົນ ແລະ ມີອັກຄີໄພເກີດຂື້ນທົວປະເທດ 10 ຄັ້ງ ຢູ່ນະຄອນຫຼວງວຽງຈັນ 6 ຄັ້ງ ສາເຫດສ່ວນໃຫ່ຍແມ່ນໄຟ້າລັດວົງຈອນ

ພ້ອມນີ້ໃນກອງປະຊຸມຍັງໄດ້ພ້ອມກັນປະກອບຄຳຄິດຄຳເຫັນ ບັນຫາດ້ານດີ-ດ້ານອ່ອນ ຂໍ້ຄົງຂ້າງດ້ານຕ່າງໆໃນການປະຕິບັດໜ້າທີວຽກງານເພື່ອເປັນທິກທາງໃນປີຕໍ່ໜ້າ.

Off

Comments are closed.