24th Apr2019

ກອງບັນຊາການ ປກສ ນະຄອນຫຼວງວຽງຈັນ ປະກາດປັບປຸງການຈັດຕັ້ງ

by somchan

 

 

ກອງບັນຊາການ ປກສ ນະຄອນຫຼວງວຽງຈັນ ປະກາດປັບປຸງການຈັດຕັ້ງ ໃນວັນທີ 24 ເມສາ 2019 ນີ້ ໂດຍການເຂົ້າຮ່ວມຂອງ ພົຕ ກົງທອງ ພົງວິຈິດ ຮອງ ລມຕ ກະຊວງ ປກສ ມີຄະນະນຳຂອງກອງບັນຊາການ, ຫ້ອງ, ກອງພັນ, ຄ້າຍຄຸມຂັງ, ສູນ ປກສ ເມືອງ9 ຕົວເມືອງ ຕະຫຼອດແຂກຖືກເຊີນເຂົ້າຮ່ວມ.

ພັທ ຄຳພອນ ແສງສາລີຈັນ ຮອງຫົວໜ້າ ກົມຈັດຕັ້ງກົມໃຫ່ຍການເມືອງ ປກສ ໄດ້ຂື້ນຜ່ານຂໍ້ຕົກລົງ ຂອງ ລມຕ ກະຊວງ ປກສ ວ່າດ້ວຍການແຕ່ງຕັ້ງ ແລະ ຍົກຍ້າຍ ນາຍຕຳຫຼວດທີຂື້ນກັບກອງບັນຊາການ ປກສ ນະຄອນຫຼວງວຽງຈັນ ໃນນີ້ແຕ່ງຕັ້ງ ພັທ ສຸກພະຈັນ ບຸດດາຄຳ ແລະ ພັທ ຈັນທອມ ແກ້ວສຸລາໄຊ ເປັນຮອງກອງບັນຊາການ ປກສ ນະຄອນຫຼວງວຽງຈັນ ແລະ ຍົກຍ້າຍ ພັອ ທົງສະຫວັດ ຫຼວງຈັນດາວົງ ແລະ ພັທ ສົມສັກ ປັນຍາສີ ຈາກກອງບັນຊາການ ປກສ ນະຄອນຫຼວງ ໄປຮອງໜ້າທີໃໝ່ຢູ່ກະຊວງ ປກສ

ໃນການປັບປຸງກົງຈັກການຈັດຕັ້ງ ຮອງກອງບັນຊາການ ໃນຄັ້ງນີ້ ກໍ່ເພື່ອສ້າງໃຫ້ ປກສ ນະຄອນຫຼວງ ມີຄວາມໜັກແໜ້ນທາງດ້ານການເມືອງ, ເຂັ້ມແຂງທາງດ້ານການຈັດຕັ້ງ,ທັງສາມາດຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີການເມືອງໃນໄລຍະໃໝ່.

Off

Comments are closed.