25th Apr2019

ຮອງ ລມຕ ກະຊວງ ປກສ ຕ້ອນຮັບການເຂົ້າຢ້ຽມຂ່ຳນັບຂອງ ພັອ ເລ ຈ້ອງຟຸກ ກະຊວງຕຳຫຼວດ ສສ ຫວຽດນາມ

by somchan

ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງ ປກສ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ພັອ ເລ ຈ້ອງຟຸກ ຮອງຫົວໜ້າກົມກໍ່ສ້າງຂະບວນການ ປ້ອງກັນຄວາມສະຫງົບແຫ່ງຊາດ ກະຊວງຕຳຫຼວດ ສສ ຫວຽດນາມ ພ້ອມຄະນະ, ໃນຕອນບ່າຍຂອງວັນທີ 24 ເມສາ 2019 ໃນໂອກາດທີ່ຄະນະກົມກໍ່ສ້າງຂະບວນການ ປ້ອງກັນຄວາມສະຫງົບແຫ່ງຊາດ ກະຊວງຕຳຫຼວດ ສສ ຫວຽດນາມ ເດີນທາງມາພົບປະເຮັດວຽກຮ່ວມກັບ ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ກະຊວງ ປກສ ລາວ, ເຊິ່ງ ພັອ ເລ ຈ້ອງຟຸກ ໄດ້ລາຍງານວຽກງານທີ່ໄດ້ມາພົບປະຖອດຖອນບົດຮຽນຮ່ວມກັບ ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ, ໂດຍສະເພາະແມ່ນຂອດການປະສານງານ ການຊ່ວຍເຫຼືອ ໃນດ້ານວຽກງານຮາກຖານ ປຶກສາຫາລືຖອດຖອນບົດຮຽນຮ່ວມກັນທັງດ້ານດີ ດ້ານອ່ອນ ແລະ ຂໍ້ຄົງຄ້າງ ເຊິ່ງເປັນວຽກງານທີ່ລະອຽດອ່ອນ ທີ່ເຮັດໜ້າທີ່ຕິດພັນກັບປະຊາຊົນ ໃນການລະດົມຂົນຂວາຍ ປະຊາຊົນ ເຂົ້າຮ່ວມໃນວຽກງານປ້ອງກັນຄວາມສະຫງົບ ໄປພ້ອມໆກັບການສຶກສາອົບຮົມປະຊາຊົນ ໃຫ້ມີສ່ວນຮ່ວມໃນການສະກັດກັ້ນການລະເມີດ ຕໍ່ລະບຽບກົດໝາຍທີ່ຈະສ້າງຄວາມບໍ່ສະຫງົບໃຫ້ແກ່ສັງຄົມ.

ພ້ອມດຽວກັນນີ້ ພົຕ ກົງທອງ ພົງວິຈິດ ຮອງລັດຖະມົນຕີ ກໍ່ໄດ້ກ່າວສະແດງຄວາມຕ້ອນຮັບ ແລະ ຍ້ອງຍໍຊົມເຊີຍໃນການມາຢ້ຽມຢາມ ແລະ ເຮັດວຽກຂອງຄະນະກົມກໍ່ສ້າງຂະບວນການມະຫາຊົນແຫ່ງຊາດ ກະຊວງຕຳຫຼວດ ສສຫວຽດນາມ ໃນຄັ້ງນີ້ ເຊິ່ງເປັນການຮັດແໜ້ນຕໍ່ສາຍພົວພັນຮ່ວມມື ຂອງລັດຖະບານຂອງສອງປະເທດເວົ້າລວມ, ເວົ້າສະເພາະກໍ່ຄືສອງກະຊວງຕຳຫຼວດຫວຽດນາມ ແລະ ກະຊວງ ປກສ ລາວ ທີ່ເປັນມູນເຊື້ອມາແຕ່ບູຮານນະການ ແລະ ພ້ອມກັນສືບຕໍ່ຮັດແໜ້ນສາຍພົວພັນຮ່ວມມື ຂອງສອງກະຊວງໃຫ້ຈະເລີນງອກງາມຂື້ນໄປເລື່ອຍໆ.

Off

Comments are closed.