30th Apr2019

ສຳເລັດກອງປະຊຸມສຳມະນາກ່ຽວກັບ ການນຳໃຊ້ພາສາລາວ,ການຄຸມຄອງ ແລະ ນຳໃຊ້ສື່ສັງຄົມອອນລາຍຄັ້ງທີ II

by somchan

ຫ້ອງວ່າການສຳນັກງານນາຍົກລັດຖະມົນຕີ ໄດ້ສຳເລັດກອງປະຊຸມສຳມະນາກ່ຽວກັບ ການນຳໃຊ້ພາສາລາວ,ການຄຸມຄອງ ແລະ ນຳໃຊ້ສື່ສັງຄົມອອນລາຍຄັ້ງທີ 2 ໃນວັນທີ 30 ເມສານີ້ ພາຍຫຼັງດຳເນີນມາເປັນ     ເວລາມື້ເຄີ່ງ ຢູ່ທີຫໍປະຊຸມແຫ່ງຊາດ, ນະຄອນຫຼວງວຽງຈັນ, ພາຍໃຕ້ການເປັນປະທານ ຂອງ ສຈ ປອ ຈະເລີນ ເຢຍປາວເຮີ ລັດຖະມົນຕີ ປະຈຳສຳນັກງານນາຍົກລັດຖະມົນຕີ, ໂຄສົກລັດຖະບານ, 

ມີທ່ານສະຫວັນຄອນ ຣາຊະມຸນຕີ ຮອງລັດຖະມົນຕີກະຊວງຖະແຫຼ່ງຂ່າວ, ວັດທະນາທຳ ແລະ ທ້ອງທ່ຽວ, ມີບັນດາວິທະຍາກອນ ແລະ ຊື່ມວນຊົນ ຈາກພາກສ່ວນຕ່າງໆ ອ້ອມຂ້າງສູນກາງ ແລະ ທ້ອງຖີ່ນໃນທົ່ວປະເທດເຂົ້າຮ່ວມ.

ໃນກອງປະຊຸມ ສຈ ປອ ຈະເລີນ ເຢຍປາວເຮີ ລັດຖະມົນຕີ ປະຈຳສຳນັກງານນາຍົກລັດຖະມົນຕີ ໂຄສົກລັດຖະບານ ປະທານກອງປະຊຸມ ໄດ້ສະຫຼູບຕີລາຄາບັນດາຫົວຂໍ້ຕ່າງໆທີໄດ້ນຳມາຄົ້ນຄ້ວາ ໃນກອງປະຊຸມໃນຄັ້ງນີ້ລ້ວນແຕ່ເປັນຫົວຂໍ້ທີສຳຄັນ ແລະ ເຫັນໄດ້ວ່າວິທະຍາກອນກໍ່ໄດ້ເອົາໃຈໃສ່, ສຸມທຸກສະຕິປັນຍາ, ຄວາມຮູ້ຄວາມສາມາດໃນການຖ່າຍທອດບົດຮຽນຄວາມຮູ້ໃຫ້ແກ່ສຳມະນາກອນໄດ້ຢ່າງທົ່ວເຖີງເລີກເຊີ່ງມີເນືອໃນຄວາມໝາຍສຳຄັນ ແລະ ໄດ້ສຳເລັດຕາມຈຸດປະສົງເປົ້າໝາຍທີໄດ້ກຳນົດໄວ້ ແລະ ພ້ອມນີ້ສຳມະນາກອນກໍ່ໄດ້ເອົາໃຈໃສ່ ໃນການຮັບຟ້ງແລະສຸມທຸກສະຕິປັນຍາເຂົ້າໃນການຄົ້ນຄ້ວາໃນຫົວຂໍ້ຕ່າງໆທີໄດ້ນຳມາສຳມະນາ ແລະ ມີຄວາມເຂົ້າໃຈ ຕໍ່ເນືອໃນແຕ່ລະຫົວຂໍ້ໄດ້ຢ່າງເລີກເຊີ່ງ, ພ້ອມດຽວກັນທ່ານກໍ່ໄດ້ມີຄວາມເຫັນກ່າວປິດກອງປະຊຸມສຳມະນາກ່ຽວກັບການນຳໃຊ້ພາສາລາວ, ການຄຸມຄອງ ແລະ ນຳໃຊ້ຊື່ສັງຄົມອອນລາຍຄັ້ງທີ່ 2 ຢ່າງເປັນທາງການເຊີ່ງທ່ານໄດ້ກ່າວວ່າກອງປະຊຸມສຳມະນາແລກປ່ຽນຄວາມເຫັນລະຫວ່າງໂຄສົກລັດຖະບານກັບສື່ຕ່າງໆກ່ຽວກັບການນຳໃຊ້ພາສາລາວ, ການຄຸມຄອງ ແລະ ສື່ອອນລາຍ ໄດ້ດຳເນີນມາເປັນເວລາໜື່ງວັນເຄີ່ງ ດ້ວຍບັນຍາກາດຟົດຟື້ນ, ຫ້າວຫັນ, ເປັນປະໂຫຍດຫຼາຍດ້ວຍຄວາມຮັບຜິດຊອບສູງ, ອັນໄດ້ປະກອບສ່ວນສຳຄັນເຮັດໃຫ້ກອງປະຊຸມສຳມະນາແລກປ່ຽນຄຳເຫັນໃນຄັ້ງນີ້ແມ່ນມີເນືອໃນອຸດົມສົມບູນຫຼາຍຮູບຫຼາຍສີ, ເລີກເຊີ່ງ ແລະ ຊ່ວຍໃຫ້ສຳມະນາກອນມີຄວາມຮັບຮູ້ເຂົ້າໃຈໃນດ້ານທິດສະດີ,ຫຼັກການກໍ່ຄືໃນການນຳໃຊ້ພາສາລາວ,ການຄຸມຄອງ ແລະ ນຳໃຊ້ສື່ສັງຄົມອອນລາຍໃຫ້ຖືກຕ້ອງ ແລະ ເປັນປະໂຫຍດໃຫ້ແກ່ການປັບປຸງການນຳໃຊ້ພາສາລາວໃຫ້ຖືກລັກໄວຍາກອນ, ການຄຸມຄອງ ແລະ ນຳໃຊ້ສັງຄົມຊື່ອອນລາຍໃຫ້ຖືກຕ້ອງ ແລະ ເປັນປະໂຫຍດເພື່ອໂຄສະນາອອກຂ່າວດ ຂຽນບົດ, ຂຍນເອກະສານສຳຄັນຕ່າງໆໃຫ້ຖືກຕ້ອງ ແລະ ວິທະຍາສາດ, ເຮັດໃຫ້ກອງປະຊຸມໃນຄັ້ງນີ້ໄດ້ບັນລຸຜົນສຳເລັດໄດ້ຢ່າງຈົບງາມ.

Off

Comments are closed.