03rd May2019

ຈັບຜູ້ຖືກຫາ 1 ຄົນ ພ້ອມຂອງກາງ ຢາບ້າ 5 ມັດ ເທົ່າກັບ 10,000 ເມັດ.

by somchan

ໃນເວລາ ປະມານ 8 ໂມງ ຂອງວັນທີ 26 ເມສາ 2019 ນີ້ ເຈົ້າໜ້າທີ່ ພະແນກຕຳຫຼວດສະກັດກັ້ນແລະ ຕ້ານຢາເສບຕິດ ປກສແຂວງສະຫັວນນະເຂດ ໄດ້ສືບຮູ້ວ່າ: ມີຄົນບໍ່ດີຈຳນວນໜື່ງກຳລັງເຄື່ອນໄຫວຄ້າຂາຍ ຢາເສບຕິດ ປະເພດຢາບ້າ ຢູ່ຂອບເຂດ ບ້ານໄຊຍະມຸງຄຸນ ເມືອງອຸທຸມພອນ ແຂວງສະຫັວນນະເຂດ.

ດັ່ງນັ້ນຈື່ງຈັດຕັ້ງກຳລັງວີຊາສະເພາະເພື່ອມ້າງລາຍຄະດີດັ່ງກ່າວ ມາຮອດເວລາປະມານ 15ໂມງ 30 ນາທີຂອງວັນດຽວກັນຈື່ງສາມາດກັກຕົວເປົ້າໝາຍໄດ້ 1ຄົນ ພ້ອມຂອງກາງຢາບ້າ 5 ມັດ ເທົ່າກັບ 10,000 ເມັດ ແລະ ໂທລະສັບ 2 ໜ່ວຍ ຜູ້ກະທຳຜິດຊື່ທ້າວ ກົງຕາ ອິນທິລາດ ອາຍຸ 28 ປີ ບ້ານ ນາອິນ ເມືອງ ປາກກະດິງ ແຂວງ ບໍລິຄຳໄຊ ຜ່ານການສືບສວນ-ສອບສວນຂອງເຈົ້າໜ້າທີ່ຜູ້ກ່ຽວໄດ້ໃຫ້ການວ່າ ຢາບ້າຈຳນວນດັ່ງກ່າວແມ່ນໄດ້ຮັບມາຈາກເຖົ້າແກ່ບໍ່ຮູ້ຊື່ຢູ່ແຖວຂອບເຂດ ເມືອງປາກກະດິງ ແຂວງບໍລິຄຳໄຊ ແລະ ໄດ້ຮັບມາຂາຍໃນລາຄາ 14,000 ບາດ ເຊີ່ງຜູ້ກຽ່ວ ໄດ້ຊຸກເຊື່ອງຢາບ້າ ໃສ່ໃນກະເປົາເຄື່ອງແລ້ວຖືຂື້ນລົດເມສາຍໃຕ້ ວຽງຈັນ-ປາກເຊ  ພໍມາຮອດ ບ້ານໄຊຍະມຸງຄຸນ ເມືອງ ອຸທຸມພອນ ແຂວງສະຫັວນນະເຂດ ຈື່ງຖືກເຈົ້າໜ້າທີ່ ຈັບຕົວໄດ້ກ່ອນ.ປະຈຸບັນ ຄະດີດັ່ງກ່າວຍັງສືບຫາ ຜູ້ຮ່ວມຂະບວນການ ມາລົງໂທດຕາມລະບຽບກົດໝາຍບ້ານເມືອງຕໍ່ໄປ.

 

Off

Comments are closed.