16th May2019

ຈັບເປົ້າໝາຍໄດ້ 4 ຄົົນ ພ້ອມເຮໂຣອິນ 40 ແທ່ງ

by somchan

ໃນວັນທີ 10 ພຶດສະພາ 2019 ນີ້, ກົມຕຳຫຼວດສະກັດກັ້ນ ແລະ ຕ້ານຢາເສບຕິດ ກະຊວງປ້ອງກັນຄວາມສະຫງົບ ໄດ້ນຳກຳລັງເຈົ້າໜ້າທີ່ວິຊາສະເພາະເຂົ້າຈັບເປົ້າໝາຍຄ້າ-ຂາຍຢາເສບຕິດ ຢູ່ເຮືອນເຊົ່າແຫ່ງໜຶ່ງເຂດບ້ານໜອງຍາວ ເມືອງໄຊທານີ ນະຄອນຫຼວງວຽງຈັນ, ສາມາດຈັບຕົວຜູ້ກະທຳຜິດໄດ້ 4 ຄົນ, ພ້ອມດ້ວຍເຮໂຣອິນ 40 ແທ່ງ ແລະ ເຄື່ອງຂອງກາງທີ່ພົວພັນກັບການເຄື່ອນໄຫວຄ້າຂາຍຢາເສບຕິດ ລວມມີນ້ຳໜັກ 15 ກິໂລກຼາມ, ເງີນຈຳນວນໜຶ່ງ, ໂທລະສັບ 4 ໜ່ວຍ ແລະ ລົດໃຫ່ຍ 1 ຄັນ.ຜູ້ກະທຳຜິດຄື: ທ້າວ ມິດ ອາຍຸ 45 ປີ, ທ້າວ ທອງພຸດ ອາຍຸ 20 ປີ ທັງສອງຢູ່ບ້ານໃໝ່ພູຄາ ເມືອງຫ້ວຍຊາຍ ແຂວງບໍ່ແກ້ວ, ທ້າວ ຢຽນຈຽນ ຫຼື ອາຈຽນ ອາຍຸ 38 ປີ ຢູ່ບ້ານຊື້ເໜົ້າ ເມືອງຊື້ເໜົ້າ ແຂວງຢູນນານ ແລະ ທ້າວ ອາໜິ ຫຼື ອາເປ ອາຍຸ 30 ປີ ຢູ່ບ້ານມູລິງ ເມືອງຟູເອີ ແຂວງຢູນນານ.

ຜ່ານການສອບສວນເບື້ອງຕົ້ນຂອງເຈົ້າໜ້າທີ່ຕຳຫຼວດ ພວກກ່ຽວສາລະພາບວ່າ: ຢາເສບຕິດຈຳນວນດັ່ງກ່າວແມ່ນກຽມເອົາມາຂາຍໃຫ້ຜູ້ສັ່ງຊື້ແຕ່ຖືກຈັບໄດ້ກ່ອນ. ປັດຈຸບັນຄະດີດັ່ງກ່າວຢູ່ຂັ້ນຕອນການສືບສວນ-ສອບສວນຂະຫຍາຍຜົນຫາທີ່ໄປທີ່ມາຂອງຢາເສບຕິດ ເພື່ອຕິດຕາມຜູ້ຮ່ວມຂະບວນການມາດຳເນີນຄະດີຕາມລະບຽບກົດໝາຍ.

Off

Comments are closed.