17th May2019

ກັກຜູ້ຄ້າຂາຍຢາເສບຕິດ 2 ຄົນ ພ້ອມຂອງກາງຢາບ້າ 30.000 ເມັດ

by somchan

ໃນທ້າຍເດືອນ ເມສາ ຜ່ານມານີ້ ເຈົ້າໜ້າທີ່ພະແນກຕຳຫຼວດ ສະກັດກັ້ນ ແລະ ຕ້ານຢາເສບຕິດ ປກສ ແຂວງສະຫວັນນະເຂດ ໄດ້ກັກຕົວຜູ້ຄ້າຂາຍຢາເສບຕິດ ໄດ້ 2 ຄົນ ພ້ອມຢາບ້າ 15 ມັດ ເທົ່າກັບ 30.000 ເມັດ ວັນທີ 27 ເມສາ 2019 ໄດ້ຮັບລາຍງານ ມີກຸ່ມຄົນບໍ່ດີຈຳນວນໜື່ງ ກຳລັງເຄື່ອນໄຫວຄ້າຂາຍຢາເສບຕິດ ຢູ່ເຂດບ້ານດົງພູສີ ເມືອງໄຊພູທອງ ແຂວງສະຫວັນນະເຂດ ເມື່ອໄດ້ຮັບການລາຍງານ ທາງເຈົ້າໜ້າທີ່ ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ຈື່ງໄດ້ຈັດຕັ້ງກຳລັງລົງມ້າງລາຍຄະດີ ສາມາດກັກຜູ້ຂາຍໄດ້ 2 ຄົນ ຄື: ທ້າວ ສີທາ ຫຼື ເປດ ອາຍຸ 49 ປີ ຢູ່ບ້ານພູມມະເຈດີ ເມືອງໄຊພູທອງ ແລະ ທ້າວ ສິດທິພົນ ອາຍຸ 48 ປີ ຢູ່ບ້ານອຸດົມມີໄຊ ເມືອງອຸທຸມພອນ ທັງສອງເປັນຄົນແຂວງສະຫວັນນະເຂດ ພ້ອມຢືດຢາບ້າ 15 ມັດ, ລົດໃຫ່ຍ 1 ຄັນ ແລະ ເງີນບາດ 30,000 ບາດ.

ຈາກການສອບສວນໃນເບື້ອງຕົ້ນ ພວກກ່ຽວໄດ້ຮັບສາລະພາບວ່າ ຢາບ້າຈຳນວນດັ່ງກ່າວ ແມ່ນຂອງພວດກ່ຽວແທ້ ເຊີ່ງຮັບມາຈາກຜູ້ຮ່ວມຂະບວນການ ຈຸດປະສົງແມ່ນເພື່ອນນຳໄປຂາຍສົ່ງໃຫ້ກັບພວກຮ່ວມຂະບວນການ ປະຈຸບັນທາງເຈົ້າໜ້າທີ່ຍັງສືບຕໍ່ນຳຈັບຕົວມາດຳເນີນຄະດີຕາມກົດໝາຍຕໍ່ໄປ.

Off

Comments are closed.