22nd May2019

ກັກຕົວເປົ້າໝາຍຄ້າຂາຍຢາເສບຕິດ 3 ຄົນ ພ້ອມຂອງກາງຢາເສບຕິດ 60,000ເມັດ

by somchan

 

ໃນວັນທີ 21 ພຶດສະພາ 2019 ນີ້, ເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານຢາເສບຕິດ ແຂວງອັດຕະປື ໄດ້ກັກຕົວເປົ້າໝາຍຄ້າຂາຍຢາເສບຕິດ 3 ຄົນ, ພ້ອມຂອງກາງຢາເສບຕິດປະເພດຢາບ້າ 6 ໝື່ນເມັດ, ໂທລະສັບ 6 ໜ່ວຍ ແລະ ເຄື່ອງອື່ນໆອີກຈຳນວນໜຶ່ງທີ່ພົວພັນກັບຢາເສບຕິດ, ຜູ້ຖືກຫາຄື:

ທ້າວ ແສງກົງ ອາຍຸ 39 ປີ ຢູ່ບ້ານວຽງຄຳ, ທ້າວ ບຸນປອນ ອາຍຸ 48 ປີ ຢູ່ບ້ານ ນາບວຍ ທັງສອງຢູ່ເມືອງປາກກະດິງ ແຂວງບໍລິຄຳໄຊ ແລະ ນາງ ຫຼ້າ ອາຍຸ 28 ປີ ຢູ່ບ້ານ ປາກບໍ່ ເມືອງສະໜາມໄຊ ແຂວງອັດຕະປື.

ຜ່ານການສອບສວນຂອງເຈົ້າໜ້າທີ່ຕຳຫຼວດພວກກ່ຽວທັງສາມໄດ້ຮັບສາລະພາບຢາບ້າຈຳນວນດັ່ງກ່າວແມ່ນຂອງພວກກ່ຽວແທ້, ປະຈຸບັນເຈົ້າໜ້າທີ່ຕຳຫຼວດໄດ້ດຳເນີນຄະດີກັບພວກກ່ຽວຕາມກົດໝາຍ.

Off

Comments are closed.