23rd May2019

ຝຶກອົບຮົມວຽກງານສະກັດກັ້ນ ແລະ ຕ້ານອັກຄີໄພ ຢູ່ທະນາຄານການຄ້າຕ່າງປະເທດຫວຽດນາມ

by somchan

ວັນທີ 22 ພຶດສະພາ ນີ້ ກອງໂຄສະນາ, ພະແນກຕຳຫຼວດສະກັດກັ້ນ ແລະ ຕ້ານອັກຄີໄພ, ຫ້ອງຕຳຫຼວດ ກອງບັນຊາການ ປກສ ນະຄອນຫຼວງວຽງຈັນ,ໄດ້ລົງໂຄສະນາຝຶກອົບຮົມວຽກງານສະກັດກັ້ນ ແລະ ຕ້ານອັກຄີໄພ ຢູ່ທະນາຄານການຄ້າຕ່າງປະເທດຫວຽດນາມປະຈຳລາວ ຈຳກັດ ເຊິ່ງນຳພາໂດຍ ຮ້ອຍເອກ ບຸນມີ ແສງອາລຸນ ຮອງຫົວໜ້າກອງໂຄສະນາ ພະແນກຕຳຫຼວດສະກັດກັ້ນ ແລະ ຕ້ານອັກຄີໄພ ໃຫ້ກຽດເຂົ້າຮ່ວມຮັບຟັງມີ ທ່ານ ຫງວຽນ ຮີວຫວຽດ ຜູ້ອຳນວຍການໃຫ່ຍ ທະນາຄານການຄ້າຕ່າງປະເທດຫວຽດນາມປະຈຳລາວຈຳກັດ, ມີພະນັກງານວິຊາການທະນາຄານເຂົ້າຮ່ວມ.

ເຊິ່ງຈຸດປະສົງໃນການລົງໂຄສະນາຝຶກອົບຮົມເຜີຍແຜ່ວຽກງານສະກັດກັ້ນ ແລະ ຕ້ານອັກຄີໄພ ກໍ່ເພື່ອເປັນການບຳລຸງຍົກລະດັບຄວາມຮູ້ຄວາມສາມາດຄວາມເຂົ້າໃຈໃຫ້ແກ່ພະນັກງານທະນາຄານເປັນການປ້ອງກັນສະກັດກັ້ນ ແລະ ຕ້ານອັກຄີໄພ, ພ້ອມນີ້ ຮ້ອຍເອກ ບຸນມີ ແສງອາລຸນ ໄດ້ຍົກໃຫ້ເຫັນຄວາມ  ໝາຍຄວາມສຳຄັນຂອງວຽກງານປ້ອງກັນອັກຄີໄພ ເພື່ອປົກປັກຮັກສາຊີວິດແລະ ຊັບສິນ,ວິທີປ້ອງກັນ ແລະ ນຳໃຊ້ເຄື່ອງໄຟຟ້າ, ຂັ້ນຕອນການເອົາຕົວລອດໃນກໍລະນີເກີດອັກຄີໄພ, ແນະນຳວິທີການນຳໃຊ້ບັ້ງມອດໄຟ ເຂົ້າໃນການດັບມອດເມື່ອເກີດເຫດໄຟໄໝ້ ແລະ ອື່ນໆ, ທັງນີ້ກໍ່ເພື່ອໃຫ້ພະນັກງານພາຍໃນທະນາຄານນຳເອົາບົດຮຽນຄວາມຮູ້ທີ່ໄດ້ຮ່ຳຮຽນໃນຄັ້ງນີ້ໄປໜູນໃຊ້ເຂົ້າໃນຊີວິດຕົວຈິງ.

Off

Comments are closed.