23rd May2019

ປກສ ນະຄອນໄກສອນພົມວິຫານ ມ້າງກຸ່ມແກ້ງມົ້ວສຸມຢາເສບຕິດ ກັກຕົວຜູ້ຄ້າຂາຍ 10 ຄົນ ແລະ ພວກມົ້ວສຸມ 50 ກວ່າຄົນ

by somchan

ເຈົ້າໜ້າທີ່ ປກສ ນະຄອນໄກສອນພົມວິຫານ ແຂວງສະຫວັນນະເຂດ ໄດ້ມ້າງກຸ່ມແກ້ງ ຄ້າ-ຂາຍ ແລະ ມົ້ວສຸມເສບຢາເສບຕິດ ໃນຂອບເຂດເທດສະບານນະຄອນໄກສອນພົມວິຫານ ໃນວັນທີ 24 ເມສາ 2019 ສາມາດກັກຕົວຜູ້ຄ້າຂາຍຢາເສບຕິດໄດ້ 04 ຄົນ ພ້ອມຂອງກາງຢາບ້າ ຈຳນວນ 57ມັດ, ປືນປະດິດ 01 ກະບອກ ປືນແກັບສັ້ນ 01 ກະບອກ, ກັກຕົວຜູ້ກະທຳຜິດຄື: ທ້າວ ສາຍຟ້າ (ສາຍ) ອາຍຸ 23 ປີ, ທ້າວ ປະສິດ (ເຜືອກ) ອາຍຸ 19 ປີ, ທ້າວ ສາວະລິດ ອາຍຸ 17 ປີ, ແລະ ທ້າວ ມານະ (ອາເລັກ) ອາຍຸ 19 ປີ ທັງສີ່ຄົນຢູ່ ບ້ານດອນເຊັງ ນະຄອນໄກສອນພົມວິຫານ ຕໍ່ກັບລາຍຄະດີດັ່ງກ່າວ ເຈົ້າໜ້າທີ່ ປກສ ນະຄອນໄກສອນພົມວິຫານ ໃຫ້ຮູ້ວ່າ: ມີພົນລະເມືອງດີລາຍງານວ່າ ມີກຸ່ມຄົນບໍ່ດີກຸ່ມໜື່ງ ມີການເຄື່ອນໄຫວຊື້ຂາຍ-ມົ້ວສຸມ ຢາເສບຕິດຢູ່ຖຽງນາຂອບເຂດ ບ້ານດອນເຊັງ ໂດຍມີ ທ້າວ ສາຍຟ້າ ເປັນຫົວໜ້າ ມີການພົວພັນຢາເສບຕິດ, ເປັນກຸ່ມແກ້ງນັກເລງອັນຕະພານເຄີຍມີປະຫວັດປຸ້ນຈີ້ຊິງຊັບພ້ອມມີອາວຸດ ເຮັດໃຫ້ສັງຄົມບໍ່ມີຄວາມສະຫງົບ ດັ່ງນັ້ນເຈົ້າໜ້າທີ່ວິຊາສະເພາະຈິ່ງລົງຕິດຕາມເປົ້າໝາຍ ແລະ ສາມາດກັກຕົວພວກກ່ຽວໄດ້, ພ້ອມກັນນີ້ ໃນໄລຍະຕົ້ນເດືອນ ພຶດສະພາ 2019 ສາມາດມ້າງກຸ່ມແກ້ງ ຄ້າຂາຍ – ມົ້ວສຸມຢາເສບຕິດ ໃນຂອບເຂດບ້ານໂພໄຊ ນະຄອນໄກສອນພົມວິຫານ ໄດ້ເພີ່ມຕື່ມ 6 ຄົນ ພ້ອມຂອງກາງຢາເສບຕິດ 400 ກວ່າ ເມັດ, ກັກຜູ້ຕ້ອງຫາ ຄື: ທ້າວ ອະນຸຊາ (ເປີ້ນ) ອາຍຸ 30 ປີ, ບ້ານ ໂພໄຊ, ທ້າວ ເກດແກ້ວ (ແກ້ວ) ອາຍຸ 39 ປີ ບ້ານ ຫົວເມືອງເໜືອ, ທ້າວ ໂຊກໄຊ (ຈິມມີ້) ອາຍຸ 15 ປີ, ທ້າວ ຈັນທະວີ (ຫຼ້າ) ອາຍຸ 38 ປີ, ທ້າວ ບັນດິດ (ນ້ອຍ) ອາຍຸ 23 ປີ ທັງສາມຢູ່ບ້ານໂພໄຊ, ທ້າວ ສຸດທິພອນ (ເປັດ) ອາຍຸ 40 ປີ, ບ້ານຫົວເມືອງໃຕ້ ພວກກ່ຽວ, ເປັນຄົນນະຄອນໄກສອນພົມວິຫານ ຕໍ່ກັບລາຍຄະດີດັ່ງກ່າວນີ້ ຍັງຢູ່ໃນຂັ້ນຕອນການສືບສວນ-ສອບສວນ ຂອງເຈົ້າໜ້າທີ່ເພື່ອດຳເນີນຄະດີຕາມລະບຽບກົດໝາຍຕໍ່ໄປ

Off

Comments are closed.