24th May2019

ກົມຕຳຫຼວດຄຸມຂັງດັດສ້າງ ກະຊວງປ້ອງກັນຄວາມສະຫງົບ, ໄດ້ປະກາດເລື່ອນຊັ້ນໃຫ້ນາຍ ແລະ ພົນຕຳຫຼວດ

by somchan

ກົມຕຳຫຼວດຄຸມຂັງດັດສ້າງ ກະຊວງປ້ອງກັນຄວາມສະຫງົບ, ໄດ້ປະກາດເລື່ອນຊັ້ນໃຫ້ນາຍ ແລະ ພົນຕຳຫຼວດ, ໃນວັນທີ 24 ພຶດສະພາ 2019, ໂດຍການເຂົ້າຮ່ວມຂອງ ພົນຕີ ປອ ສົມຫວັງ ທຳມະສິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ພັນເອກ ສົມລິດ ດາວຮຸ່ງສຸລິ ຫົວໜ້າກົມຕຳຫຼວດຄຸມຂັງ-ດັດສ້າງ ພ້ອມດ້ວຍຄະນະພັກ, ຄະນະບັນຊາ ແລະ ຜູ້ທີ່ໄດ້ຮັບການເລື່ອນຊັ້ນເຂົ້າຮ່ວມ.

ພັນໂທ ຄຳນ້ອຍ ທອງປະເສີດ ຫົວໜ້າພະແນກການເມືອງ ກົມຕຳລວດຄຸມຂັງ-ດັດສ້າງ, ໄດ້ຜ່ານຂໍ້ຕົກລົງວ່າດ້ວຍການເລື່ອຊັ້ນໃຫ້ນາຍຕຳຫຼວດ ຜູ້ທີ່ມີຜົນງານໃນການເຄື່ອນໄຫວເຮັດວຽກງານວິຊາສະເພາະ ແລະ ຄົບມາດຖານເງື່ອນໄຂຂອງການເລື່ອນຊັ້ນທີ່ໄດ້ກຳນົດໄວ້ໃນກົດໝາຍວ່າດ້ວຍກຳລັງປ້ອງກັນຄວາມສະຫງົບປະຊາຊົນ, ໃນນີ້ໄດ້ຮັບການເລື່ອນຊັ້ນ 12 ຄົນ, ເລື່ອນຊັ້ນຂັ້ນນາຍພັນມີ 5 ຄົນ, ເລື່ອນຊັ້ນຂັ້ນນາຍຮ້ອຍ 7 ຄົນ.

ໂອກາດນີ້, ພົນຕີ ປອ ສົມຫວັງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ, ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນຳແກ່ສະມາຊິກພັກ, ພະນັກງານ-ນັກຮົບ ໂດຍສະເພາະຕໍ່ຜູ້ທີໄດ້ຮັບການເລື່ອນຊັ້ນ ຈົງເພີມທະວີບົດບາດ ການນຳພາບັນຊາໃຫ້ເປັນແບບຢ່າງແກ້ມະຫາຊົນ ມີສະຕິລະວັງຕົວຕໍ່ກົນອຸບາຍມ້າງເພຂອງກຸ່ມຄົນບໍ່ດີ, ມີຄວາມສັດຊື່ບໍລິສຸດຕໍ່ພັກ, ຕໍ່ປະເທດຊາດ ແລະ ປະຊາຊົນບັນດາເຜົ່າ, ເປັນພະນັກງານ-ນັກຮົບຜູ້ທີມີຄຸນທາດການເມືອງໜັກແໜ້ນ, ມີລະບຽບວິໄນທີເຂັ້ມງວດ ແລະ ຕັ້ງໜ້າປະຕິບັດວຽກງານວິຊາສະເພາະທີ່ຂັ້ນເທີງກໍ່ຄືການຈັດຕັ້ງມອບໝາຍໃຫ້ດ້ວຍຄວາມຮັບຜິດຊອບສູງ ແລະ ມີຜົນສຳເລັດ.

Off

Comments are closed.