31st May2019

ກະຊວງ ປກສ ປະກາດເລື່ອນຊັ້ນພັນເອກ ຂື້ນເປັນຊັ້ນພົນຈັດຕະວາ.

by somchan

ກະຊວງປ້ອງກັນຄວາມສະຫງົບ ໄດ້ປະດັບຊັ້ນຂັ້ນນາຍພົນໃຫ້ພະນັກງານການນຳອ້ອມຂ້າງ ກະຊວງປ້ອງກັນຄວາມສະຫງົບ ໃນວັນທີ 30 ພຶດສະພາ ນີ້, ໂດຍການເປັນກຽດເຂົ້າຮ່ວມຂອງ ພົນໂທ ວິໄລ ຫຼ້າຄໍາຟອງ ລັດຖະມົນຕີກະຊວງປ້ອງກັນຄວາມສະຫງົບ ມີຄະນະນຳກະຊວງ, ບັນດາກົມກອງອ້ອມຂ້າງ, ແຂກຖືກເຊີນເຂົ້າຮ່ວມ.

ພົນຕີ ວັນທອງ ກອງມະນີ ຫົວໜ້າກົມໃຫ່ຍການເມືອງປ້ອງກັນຄວາມສະຫງົບ ໄດ້ຜ່ານລັດຖະດຳລັດຂອງປະທານປະເທດ ວ່າດ້ວຍການເລື່ອນຊັ້ນນາຍຕຳຫຼວດ ຊັ້ນພັນເອກ ຂື້ນ ພົນຈັດຕະວາ ໃນນີ້ເລື່ອນຊັ້ນພັນເອກ ໜູດີ ມີໄຊຍະລາດ, ພັນເອກ ສົມລິດ ດາວຮຸ່ງສຸລິ, ພັນເອກ ທອງສຸກ ຢາເອີລາວລີ, ພັນເອກ ທອງເຄນ ບຸນໜັ້ນ ຂື້ນເປັນຊັ້ນ ພົນຈັດຕະວາ. ໃຫ້ກຽດປະດັບຊັ້ນ ໂດຍ ພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ.

ໃນໄລຍະດຽວກັນນີ້ ກົມໃຫ່ຍຕຳຫຼວດ ກະຊວງປ້ອງກັນຄວາມສະຫງົບ ກໍ່ໄດ້ປະກາດການເລື່ອນຊັ້ນໃຫ້ນາຍຕຳຫຼວດເຊັ່ນດຽວກັນ ໃນນີ້ເລື່ອນຊັ້ນຂັ້ນນາຍພັນ 29 ຄົນ ແລະ ຂັ້ນນາຍຮ້ອຍ 34 ຄົນ.

 

Off

Comments are closed.