04th Jun2019

ຮອງປະທານປະເທດໂອ້ລົມ ຕໍ່ນັກຮຽນວັດທະນະທຳຫຼັກ 67 ໃຫ້ເອົາໃຈໃສ່ 3 ວຽກລະອຽດ 4 ປະການສຳຄັນ.

by somchan

ປອ ພັນຄຳ ວິພາວັນ ກຳມະການກົມການເມືອງສູນກາງພັກ ຜູ້ປະຈຳການ ຄະນະເລຂາທິການສູນກາງພັກ ຮອງປະທານປະເທດ ໄດ້ໂອ້ລົມໃຫ້ທິດຊີ້ນຳ ຕໍ່ຄະນະພັກ-ຄະນະອຳນວຍການ, ຄູອາຈານ ແລະ ນັກຮຽນ ທີ່ຮຽນຢູ່ໂຮງຮຽນວັດທະນະທໍາຊົນເຜົ່າເດັກກຳພ້າຫຼັກ 67, ກົມໃຫ້ການເມືອງປ້ອງກັນຄວາມສະຫງົບ.

ໃນວັນທີ 30 ພຶດສະພາ 2019 ທີ່ຜ່ານມາ ເນື່ອງໃນໂອກາດທີ່ທ່ານໄດ້ລົງຢ້ຽມຢາມ ແລະ ຂ່ໍານັບຊົມເຊີຍ ວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ, ວັນທີ 1 ມິຖຸນາ ປີ2019. ເຊິ່ງທ່ານໄດ້ມີຄຳເຫັນໂອ້ລົມວ່າ: ນັກຮຽນວັດທະນະທຳຊົນເຜົ່າເດັກກຳພ້າ ຫຼັກ 67 ທີ່ຈະເປັນຜູ້ສືບທອດພາລະກິດປະຕິວັດຂອງປະເທດຊາດ ນັກຮຽນທຸກຄົນຕ້ອງເອົາໃຈໃສ່ 3 ວຽກລະອຽດ  ແລະ  4 ປະການສຳຄັນ, ເປັນຕົ້ນແມ່ນ: ເພີ່ມທະວີໃນການເອົາໃຈໃສ່ຄົ້ນຄວ້າຮ່ໍາຮຽນ, ຕັ້ງໜ້າຝຶກຝົນຫຼໍ່ຫຼອມຕົນເອງທາງດ້ານຄຸນສົມບັດສິນທຳປະຕິວັດ, ຕັ້ງໜ້າອອກແຮງງານປະກອບສ່ວນພັດທະນາໂຮງຮຽນ, ເພີ່ມພູນຜະລິດຜົນ, ປັບປຸງໂຮງຮຽນ, ປູກຕົ້ນໄມ້, ອະນາໄນໂຮງຮຽນ ແລະ ອື່ນໆ.

ທ່ານຍັງໄດ້ຮຽກຮ້ອງໃຫ້ນັກຮຽນໂຮງຮຽນວັດທະນະທຳຊົນເຜົ່າເດັກກຳພ້າ ຫຼັກ 67 ຕ້ອງເອົາໃຈໃສ່ຄວາມຊື່ສັດບໍລິສຸດ 4 ປະການທີ່ສຳຄັນ ໃນການເປັນພະນັກງານຜູ້ສືບທອດພາລະກິດປະຕິວັດຂອງປະເທດຊາດ.

Off

Comments are closed.