17th Jun2019

ຫາລືຄວາມພ້ອມຂອງກອງປະຊຸມວິທະຍາຄານຕຳຫຼວດຈີນ-ອາຊຽນ ແລະ ບັນດາປະເທດອ້ອມຂ້າງ ສປ ຈີນ ຄັ້ງທີ III

by somchan

ວັນທີ 17 ມີຖຸນາ 2019 ນີ້ ຢູ່ທີຫ້ອງປະຊຸມໂຮງແຮມລາວພາຊາ, ນະຄອນຫຼວງວຽງຈັນ ພົຈວ ປອ ບຸນຊູ ນາມມະຈັກ ອຳນວຍການວິທະຍາຄານຫຼວດປະຊາຊົນ ກະຊວງປ້ອງກັນຄວາມສະຫງົບ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະ

ໄດ້ຕ້ອນຮັບການເຂົ້າຂ່ຳນັບ ພົບປະສອງຝ່າຍຮ່ວມກັບ ທ່ານ ຫຼີວ ກົງຫົວ ອຳນວຍການວິທະຍາຄານຕຳຫຼວດຢູນນານ ແຫ່ງສາທາລະນະລັດປະຊາຊົນ ຈີນ ພ້ອມດ້ວຍຄະນະ ທັງສອງຝ່າຍໄດ້ປືກສາຫາລື ໃນການກະກຽມ ຄວາມພ້ອມ ໃນການຈັດຕັ້ງກອງປະຊຸມ ອຳນວຍການວິທະຍະຄານຕຳຫຼວດຈີນ-ອາຊຽນ ແລະ ບັນດາປະເທດອ້ອມຂ້າງທັງສາທາລະນະລັດປະຊາຊົນຈີນ ຄັ້ງທີ 3 ແລະ ກອງປະຊຸມໂຕະມົນ ວ່າດ້ວຍການເສີມສ້າງຂີດ ຄວາມສາມາດໃນການປະຕິບັດກົດໝາຍ ທີ່ຈະຈັດຂື້ນໃນລະຫວ່າງວັນທີ 18-19 ມີຖຸນາ 2019 ນີ້ ທີ່ຫ້ອງປະຊຸມໂຮງແຮມລາວພາຊາ ນະຄອນຫຼວງວຽງຈັນ. ໃນໂອກາດພົບປະສອງຝ່າຍ ພົຈວ ປອ ບຸນຊູ ນາມມະຈັກ ໄດ້ສະແດງຄວາມຕ້ອນຮັບຢ່າງອົບອຸ່ນມີໄມຕີຈິດ ມິດຕະພາບ ແລະ ຕີລາຄາສູງ ຕໍ່ການມາເຂົ້າຮ່ວມ ແລະ ເປັນປະທານ ໃນການຈັດກອງປະຊຸມໃນຄັ້ງນີ້ ພ້ອມດຽວກັນທ່ານໄດ້ລາຍງານຄວາມພ້ອມໃນການຈັດກອງປະຊຸມ ໃຫ້ທ່ານ ຫຼິວ ກົງຫົວ ອຳນວຍການວິທະຍາຄານຕຳຫຼວດຢູນນານ ແຫ່ງສາທາລະນະລັດ ປະຊາທິປະໄຕ ປະຊາຊົນຈີນ ໄດ້ຮັບຊາບ ເປັນຕົ້ນແມ່ນສະຖານທີ່ຈັດກອງປະຊຸມມາຮອດມື້ນີ້ ແມ່ນມີຄວາມພ້ອມຮ້ອຍສ່ວນຮ້ອຍ ໃນທຸກດ້ານໃຫ້ແກ່ການຈັດກອງປະຊຸມ ແລະ ຕ້ອນຮັບບັນດາຜູ້ແທນທີ່ຈະເຂົ້າຮ່ວມໃນກອງປະຊຸມໃນຄັ້ງນີ້. ພ້ອມດຽວກັນນີ້, ຜູ້ອຳນວຍການວິທະຍາຄານຕຳຫຼວດຢູນນານ ໄດ້ສະແດງຄວາມຂອບໃຈ ຕໍ່ຄະນະພັກ ຄະນະອຳນວຍການວິທະຍາຄານຕຳຫຼວດປະຊາຊົນ ພ້ອມດ້ວຍຄະນະທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ໄດ້ເອົາໃຈໃສ່ຢ່າງເປັນເຈົ້າການກະກຽມຄວາມພ້ອມສະຖານທີ່ ໃຫ້ແກ່ການຈັດກອງປະຊຸມໃນຄັ້ງນີ້ ໄດ້ດຳເນີນດ້ວຍຜົນສຳເລັດແລະມີຄວາມພ້ອມເຊີ່ງການພົບປະສອງຝ່າຍໃນຄັ້ງນີ້, ແມ່ນມີຄວາມໝາຍຄວາມສຳຄັນ ຍິ່ງເຮັດໃຫ້ສອງວິທະຍາຄານສອງກະຊວງປ້ອງກັນຄວາມສະຫງົບລາວ-ຈີນ ເພີ່ມທະວີຮັດແໜ້ນຄວາມສາມັກຄີສະໜິດແໜ້ນແລະເພີ່ມພູນຄູນສຸກ ແລະ ຂະຫຍາຍຕົວຍີ່ງໆຂື້ນ.

Off

Comments are closed.