17th Jun2019

ກົມໃຫ່ຍການເມືອງ ປກສ ສ້າງແຜນກຳນົດພະນັກງານນຳພາ-ບັນຊາ ຂັ້ນກະຊວງຄຸ້ມຄອງ

by somchan

ກົມໃຫ່ຍການເມືອງກະຊວງປ້ອງກັນຄວາມສະຫງົບ ໄດ້ຈັດກອງປະຊຸມສ້າງແຜນກຳນົດພະນັກງານນຳພາ-ບັນຊາ ຂັ້ນກະຊວງຄຸ່ມຄອງເພື່ອບຳລຸງ-ກໍ່ສ້າງ, ຈຸດວາງ, ຊັບຊ້ອນແລະນຳໃຊ້ຜູ້ທີ່ມີຄວາມຮູ້ຄວາມສາມາດ, ຄົບມາດຖານເງື່ອນໄຂຕຳແໜ່ງງານ ຂັ້ນນຳພາ-ບັນຊາຕາມເປົ້າໝາຍໃນວັນທີ 17 ມີຖຸນາ 2019 ນີ້.ໂດຍການໃຫ້ກຽດເຂົ້າຮ່ວມຂອງ ທ່ານ ພົຈວ ອຸ່ນຫຼ້າ ວົງພະຈັນ ຮອງຫົວໜ້າກົມໃຫ່ຍການເມືອງປ້ອງກັນຄວາມສະຫງົບ ມີຄະນະພັກກົມໃຫ່ຍ, ຫົວໜ້າກົມ, ພະນັກງານນຳພາບັນຊາອ້ອມຂ້າງກົມໃຫ່ຍການເມືອງເຂົ້າຮ່ວມ.

ພົຈວ ຄຳກິ່ງ ຜຸຍຫຼ້າມະນີວົງ ຮອງຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ ໄດ້ກ່າວວ່າ: ເພື່ອເປັນການຍົກສູງຄຸນນະພາບວຽກງານພະນັກງານ ກໍ່ຄືການສ້າງຖັນແຖວພະນັກງານນຳພາ-ບັນຊາ ເປັນການປະກອບສ່ວນອັນສຳຄັນໃນການກະກຽມບຸກຄະລາກອນ ໃຫ້ແກ່ກອງປະຊຸ່ມໃຫ່ຍ 3 ຂັ້ນຂອງພັກ ທັງເປັນ ການກະກຽມເປົ້າໝາຍພະນັກງານທີ່ຈະຊັບຊ້ອນຈັດວາງເຂົ້າໃນຕຳແໜ່ງນຳພາ-ບັນຊາຕ່າງໆ ໃຫ້ຮັບປະກັນລັກຊະນະສືບທອດປ່ຽນແທນໃນສະເພາະໜ້າ ແລະ ຍາວນານ, ເພື່ອສາມາດຕອບສະໜອງກັບຄວາມ ຮຽກ ຮ້ອງຕ້ອງການຂອງໜ້າທີ່ການເມືອງ, ຕ້ອງມີລັກຊະນະຫຼັກໝັ້ນການເມືອງໜັກແໜ້ນ, ຊີວະປະຫວັດຈະແຈ້ງ, ເປັນຜູ້ມີຈິດໃຈຕື່ນຕົວເປັນເຈົ້າການຮັບໃຊ້ຊາດ, ຮັບໃຊ້ປະຊາຊົນຢ່າງແທ້ຈີງ ເປັນເຈົ້າການຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ຢູ່ໃນການຈັດຕັ້ງແລະ ສັງຄົມ, ຕ້ອງມີແບບແຜນວິທີເຮັດວຽກຢ່າງລະອຽດ ແລະ ສາມາດເຮັດຫຼ້ອນໜ້າທີ່ ວຽກງານທີ່ໄດ້ຮັບມອບໝາຍ.

 

ກອງປະຊຸມຈະໄດ້ດຳເນີນໄປເປັນເວລາ 3 ວັນໃນນັ້ນຈະໄດ້ມີການ ທາບທາມ ຟັງຫາງສຽງ 3 ຮອບ ເພື່ອເລືອກເຟັ້ນເອົາພະນັກງານເຂົ້າໃນແຜນກຳນົດພະນັກງານ ຂັ້ນກະຊວງຄຸ້ມຄອງຂອງກົມໃຫ່ຍການເມືອງປ້ອງກັນຄວາມສະຫງົບໃຫ້ໄດ້ຕາມລະດັບຄາດໝາຍ.

Off

Comments are closed.