19th Jun2019

ຮອງ ລມຕ ກະຊວງ ປກສ ຕ້ອນຮັບຄະນະຜູ້ແທນກອງປະຊຸມວິທະຍາຄານຕຳຫຼວດ ຈີນ-ອາຊຽນ

by somchan

ພົນຕີ ປະລິນຍາເອກ ສົມຫວັງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງທ່ານ ຫຼິວ ກົງຫົວ ອຳນວຍການວິທະຍາຄານຕຳຫຼວດ ຢູນນານ ສາທາລະນະລັດ ປະຊາຊົນຈີນ ພ້ອມດ້ວຍຄະນະ

ໃນວັນທີ 19 ມິຖຸນານີ້ ຢູ່ທີ່ຫ້ອງຮັບແຂກກະຊວງປ້ອງກັນຄວາມສະຫງົບ ເນື່ອງໃນໂອກາດທີ່ໄດ້ເດີນທາງມາເຮັດວຽກ ແລະ ເປັນປະທານຮ່ວມກອງປະຊຸມອຳນວຍການວິທະຍາຄານຕຳຫຼວດຈີນ-ອາຊຽນ ແລະ ບັນດາປະເທດອ້ອມຂ້າງສາທາລະນະລັດ ປະຊາຊົນຈີນ ແລະ ກອງປະຊຸມໂຕະມົນວ່າດ້ວຍການເສີມສ້າງຂີດຄວາມສາມາດໃນການປະຕິບັດກົດໝາຍຄັ້ງທີ III ຮ່ວມກັບວິທະຍາຄານຕຳຫຼວດປະຊາຊົນ, ກະຊວງປ້ອງກັນຄວາມສະຫງົບ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ, ທີ່ຈັດຂື້ນໃນລະຫວ່າງວັນທີ 17-19 ມິຖຸນາ 2019 ນີ້ ຢູ່ທີ່ໂຮງແຮມລາວພລາຊາ ນະຄອນຫຼວງວຽງຈັນ, ໃນໂອກາດທີ່ມີຄວາມໝາຍຄວາມສຳຄັນນີ້ ທ່ານຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ສະແດງຄວາມຕ້ອນຮັບຢ່າງອົບອຸ່ນ ພ້ອມທັງຕີລາຄາສູງທີ່ທ່ານ ຫຼິວ ກົງຫົວ ພ້ອມດ້ວຍຄະນະທີ່ໄດ້ເດີນທາງມາເຮັດວຽກ ແລະ ເປັນປະທານຮ່ວມໃນການຈັດກອງປະຊຸມອຳນວຍການວິທະຍາຄານຕຳຫຼວດຈີນ-ອາຊຽນ ແລະ ບັນດາປະເທດອ້ອມຂ້າງ ສາທາລະນະລັດ ປະຊາຊົນຈີນ ແລະ ກອງປະຊຸມໂຕະມົນ ວ່າດ້ວຍການເສີມສ້າງຄວາມສາມາດໃນການບັງຄັບໃຊ້ກົດໝາຍຄັ້ງທີ III ໃນຄັ້ງນີ້, ຊຶ່ງເປັນຂີດໝາຍອັນສຳຄັນໃນການປະກອບສ່ວນເຂົ້າໃນການເສີມສ້າງຂະຫຍາຍສາຍພົວພັນແບບຄູ່ຮ່ວມມືຍຸດທະສາດຮອບດ້ານ, ໜັ້ນຄົງ, ຍາວນານຕາມທິດ 4 ດີ ລະຫວ່າງສອງພັກ-ສອງລັດ, ກໍ່ຄືລະຫວ່າງສອງກະຊວງປ້ອງກັນຄວາມສະຫງົບ ແລະ ສອງວິທະຍາສາດຕຳຫຼວດລາວ-ຈີນ ໃຫ້ນັບມື້ກ້າວເຂົ້າສູ່ລວງເລິກ ແລະ ແໜ້ນແຟ້ນຍິ່ງໆຂື້ນ.

 

ພ້ອມນີ້ທ່ານ ຫຼິວ ກົງຫົວ ຕາງໜ້າຄະນະໄດ້ກ່າວສະແດງຄວາມຂອບໃຈຕໍ່ທານຮອງລັດຖະມົນຕີກະຊວງປ້ອງກັນຄວາມສະຫງົບ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ຈະນຳເອົາເນື້ອໃນຈິດໃຈທີ່ໄດ້ພົບປະໂອ້ລົມກັບທ່ານຮອງລັດຖະມົນຕີ ກະຊວງປ້ອງກັນຄວາມສະຫງົບ ໃນຄັ້ງນີ້ ໄປສືບຕໍ່ຈັດຕັ້ງຜັນຂະຫຍາຍສາຍພົວພັນອັນເປັນມູນເຊື້ອມາແຕ່ດົນນານນັ້ນໃຫ້ເຕີບໃຫ່ຍຂະຫຍາຍຍິ່ງໆຂື້ນ.

ຈາກນັ້ນທ່ານ ຫຼິວ ກົງຫົວ ພ້ອມດ້ວຍຄະນະໄດ້ເຂົ້າຢ້ຽມຊົມຫໍພິທິທະພັນ ກະຊວງປ້ອງກັນຄວາມສະຫງົບ, ຢ້ຽມຊົມພະທາດຫຼວງວຽງຈັນມິ່ງຂັວນຂອງປວງຊົນລາວທັງຊາດ.

Off

Comments are closed.