20th Jun2019

ຜົນສຳເລັດຂອງກອງປະຊຸມອຳນວຍການ ວິທະຍາຄານຕຳຫຼວດຈີນ-ອາຊຽນ

by somchan

ກອງປະຊຸມອຳນວຍການວິທະຍາຄານຕຳຫຼວດ ຈີນ-ອາຊຽນ ແລະ ບັນດາປະເທດອ້ອມຂ້າງ ສາທາລະນະລັດ ປະຊາຊົນຈີນ ແລະ ກອງປະຊຸມວ່າດ້ວຍການເສີມສ້າງຂິດຄວາມສາມາດໃນການບັງຄັບໃຊ້ກົດໝາຍຄັ້ງທີ 3 ທີ່ຈັດຂຶ້ນ ຢູ່ທີ່ໂຮງແຮມລາວພລາຊາ ນະຄອນຫຼວງວຽງຈັນ ໄດ້ອັດລົງດ້ວຍຜົນສຳເລັດຢ່າງຈົບງາມ. ໃນວັນທີ 19 ມິຖຸນາ 2019 ນີ້, ພາຍຫຼັງດໍາເນີນມາເປັນເວລາ 3 ວັນ, ພາຍໃຕ້ການເປັນປະທານຮ່ວມຂອງ ພົນຈັດຕະວາ ປະລິນຍາເອກ ບຸນຊູ ນາມມະຈັກ ອຳນວຍການວິທະຍາຄານຕຳຫຼວດປະຊາຊົນ ແຫ່ງ ສປປ ລາວ, ທ່ານ ຫຼິວ ກົງຫົວ ອຳນວຍການວິທະຍາຄານຕຳຫຼວດຢູນນານ ແຫ່ງ ສປ ຈີນ. ມີບັນດາຫົວໜ້າຄະນະຜູ້ແທນວິທະຍາຄານຕຳຫຼວດ 10 ປະເທດອາຊຽນ ແລະ ບັນດາປະເທດອ້ອມຂ້າງ ສາທາລະນະລັດ ປະຊາຊົນ ຈີນ ເຂົ້າຮ່ວມ.

ຕະຫຼອດການດຳເນີນກອງປະຊຸມບັນດາຜູ້ແທນແຕ່ລະປະເທດ ແມ່ນໄດ້ເອົາໃຈໃສ່ສຸມທຸກສະຕິ ເຫື່ອແຮງ, ຄວາມຮູ້ຄວາມສາມາດ ເຂົ້າໃນການຄົ້ນຄວ້າ ປະກອບຄຳເຫັນແລກປ່ຽນບົດຮຽນເຊິ່ງກັນແລະ ກັນ ໃນແຕ່ລະບັນຫາດ້ວຍຄວາມຮັບຜິດຊອບສູງ ເປັນຕົ້ນແມ່ນບົດຮຽນ ແລະ ທິດທາງການພັດທະນາກໍ່ລັງຕຳຫຼວດກໍ່ສ້າງທ່າສະໜາມປ້ອງກັນຄວາມສະຫງົບທົ່ວປວງຊົນ ຮອບດ້ານ, ທີ່ສະເໜີໂດຍ ວິທະຍາຄານຕຳຫຼວດປະຊາຊົນ ແຫ່ງ ສປປ ລາວ, ຫົວຂໍ້: ສະແຫວງຫາສັນຕິພາບ, ສະແຫວງຫາການພັດທະນາ, ການສົ່ງເສີມການຮ່ວມມື ແລະ ສ້າງສະຖານະການທີ່ຊະນະເລີດ-ສ້າງກົນໄກການຮ່ວມມື ໃນພາກພຶ້ນ ສຳລັບການສຶກສາ ແລະ ການອົບຮົມຂອງຕຳຫຼວດ ສະເໜີໂດຍ ວິທະຍາຄານຕຳຫຼວດສຶບສວນ-ສອບສວນອາຍາ ແຫ່ງ ສປ ຈີນ, ນະໂຍບາຍຮ່ວມມືສາກົນ ແລະ ບັນດາປະເທດອາຊຽນ ໂດຍວິທະຍາຄານຕຳຫຼວດປະເທດບຣູໄນ, ບົດຮຽນ ແລະ ທິດກໍ່ສ້າງຕຳຫຼວດ ເພື່ອຮັບມືກັບການກໍ່ການຮ້າຍ, ບົດຮຽນ ແລະ ທິດທາງພັດທະນາກຳລັງຕຳຫຼວດກວດກາ, ຄວບຄຸມຢາເສບຕິດ ໂດຍວິທະຍາຄານຕຳຫຼວດປະເທດ ມຽນມາ, ບົດຮຽນ ແລະ ທິດທາງກໍ່ສ້າງຕຳຫຼວດເພື່ອຮັບມືກັບອາຊະຍາກຳໃຫມ່, ບົດຮຽນ ແລະ ທິດທາງຍົກສູງຄຸນນະພາບວຽກງານສຳນິຮູບປະພັນ, ບົດຮຽນ ແລະ ທິດທາງການກໍ່ສ້າງກຳລັງຕຳຫຼວດຄຸ້ມຄອງຄວາມເປັນລະບຽບຮຽບຮ້ອຍຂອງສັງຄົມ ແລະ ຫົວຂໍ້ສຳຄັນອື່ນໆ.

ພ້ອມນີ້ ກອງປະຊຸມວ່າດ້ວຍການເສີມສ້າງຂີດຄວາມສາມາດ ໃນການບັງຄັບໃຊ້ກົດໝາຍ, ບັນດາຜູ້ແທນກອງປະຊຸມໄດ້ພ້ອມກັນຄົ້ນຄວ້າ ແລະ ປະກອບຄຳເຫັນເຂົ້າໃສ່ບັນດາຫົວຂໍ້ສຳຄັນຕ່າງໆ ທີ່ໄດ້ນຳສະເໜີແລກປ່ຽນບົດຮຽນຮ່ວມກັນໃນກອງປະຊຸມຄັ້ງນີ້. ໃຫ້ມີຄວາມເປັນເອກະພາບກັນ ໃນການຮ່ວມມືວຽກງານສົ່ງເສີມພັດທະນາການຝຶກອົບຮົມ, ການສຶກສາຂອງຕຳຫຼວດໃນພາກພຶ້ນຂອງແຕ່ລະປະເທດ, ເສີມສ້າງພຶ້ນຖານອັນແໜ້ນແກ່ນ ໃຫ້ແກ່ວຽກງານສົ່ງເສີມການຮ່ວມມືດ້ານການຝຶກອົບຮົມ, ການສຶກສາຂອງຕຳຫຼວດໃນພາກພຶ້ນອາຊຽນ ແລະ ປະເທດອ້ອມຂ້າງ ສປ ຈີນ, ພ້ອມທັງຖອດຖອນບົນຮຽນສົ່ງເສີມໃນການຄົ້ນຄ້ວາການສອນ, ການຝຶກອົບຮົມດ້ານການສຶກສາ ເພີ່ມຄວາມຮູ້ທີ່ດີຕໍ່ກັນ, ສ້າງຄວາມເຂົ້າໃຈໃຫ້ກັນ ແລະ ກັນ, ຢ່າງມີໄມຕີຈິດມິດຕະພາບ ອັນເລິກເຊິ່ງ ກາຍເປັນໝູ່ເພື່ອນທີ່ດີ, ກໍ່ຄືຍຶດໝັ້ນນ້ຳໃຈຮ່ວມກັນຄົ້ນຄວ້າ, ຮ່ວມກັນສຶກສາ, ຮ່ວມກັນກໍ່ສ້າງແລະ ຮ່ວມກັນແບ່ງປັນ, ສຶບຕໍ່ຖອດຖອນບົດຮຽນເຊິ່ງກັນ ແລະ ກັນ, ຕ່າງຝ່າຍຕ່າງມີຜົນປະໂຫຍດ, ຮ່ວມກັນຊຸກຍູ້ປັບປຸງຮູບແບບການເສີມສ້າງຂີດຄວາມສາມາດ ການບັງຄັບໃຊ້ກົດໝາຍທີ່ເໝາະສົມ, ຊຸກຍູ້ໃຫ້ວິທະຍາຄານແຕ່ລະປະເທດ ສ້າງກົນໄກການຮ່ວມມືແລກປ່ຽນລະຫວ່າງສະຖາບັນການສຶກສາ ໂດຍໃຊ້ວິທີການຢ້ຽມຢາມແລະ ອື່ນໆ. ພ້ອມນີ້ ກອງປະຊຸມຍັງໄດ້ປະຊາມະຕິຮັບຮອງເອົາບັນດາຫົວຂໍ້ ແລະ ເນື້ອໃນທີ່ສຳຄັນຂອງກອງປະຊຸມຄັ້ງນີ້ ເພື່ອນຳໄປຈັດຕັ້ງປະຕິບັດຮ່ວມກັນໃຫ້ໄດ້ຮັບໝາກຜົນສູງສຸດ ໃນສະເພາະໜ້າ ແລະ ຍາວນານ. ປະຊຸມຄັ້ງຕໍ່ໄປແມ່ນຈະຈັດຂຶ້ນໃນປີ 2021 ທີ່ປະເທດກໍາປູເຈຍ ຈະຮັບກຽດເປັນເຈົ້າພາບ.

Off

Comments are closed.