21st Jun2019

ຮອງ ລມຕ ກະຊວງ ປກສ ໄດ້ຕ້ອນຮັບການເຂົ້າພົບປະ ຜູ້ຈັດການບໍລິສັດ ພີຣລິດເທັກໂນໂລຢີ ຈຳກັດ ສປປ ຈີນ

by somchan

ໃນວັນທີ 20 ມີຖຸນາ 2019 ນີ້ ພົຕ ກົງທອງ ວົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າພົບປະ ຂອງ ທ່ານ ຕົງເຫວີຍ ຜູ້ຈັດການ ບໍລິສັດ ພີຣວິດ ເທັກໂນໂລຢີ ຈຳກັດ ສປປ ຈີນ ໃນໂອກາດທີ ທ່ານມາຢ້ຽມຢາມ ແລະ ເຮັດວຽກຢູ່ ສປປ ລາວ ໂດຍສະເພາະແມ່ນເຮັດວຽກຮ່ວມກັບ ກະຊວງປ້ອງກັນຄວາມສະຫງົບ ໂອກາດດັ່ງກ່າວ ທ່ານ ຮອງລັດຖະມົນຕີ ໄດ້ສະແດງຄວາມຕ້ອນຮັບຢ່າງອົບອຸ່ນ ຕໍ່ການເຂົ້າພົບປະໃນຄັ້ງນີ້ ທັງສອງຝ່າຍກໍ່ໄດ້ປືກສາຫາລືເຊີ່ງກັນ ແລະ ກັນເພື່ອສືກສາຄວາມເປັນໄປໄດ້ໃນການຮ່ວມມື ດ້ານວຽກງານຮັກສາຄວາມປອດໄພ ທາງອີນເຕີເນັດ. ເຊີ່ງບໍລິສັດ ພີຣລິດ ເທັກໂນໂລຢີ ເປັນບໍລິສັດທີມີຂໍ້ມູນ ແລະ ປະສົບການຫຼາຍ ກ່ຽວກັບໂຄງການຮັກສາຄວາມປອດໄພທາງອີນເຕີເນັດ ແລະ ການຝືກອົບອົມທີ່ກ່ຽວຂ້ອງກັບຄວາມສາມາດໃນການຖ່າຍໂອນໃນການພົບປະກັບ ທ່ານ ຮອງລັດຖະມົນຕີ ກະຊວງປ້ອງກັນຄວາມສະຫງົບ ເພື່ອປືກສາຫາລືຮ່ວມມື້ກັນດ້ານວຽກງານດັ່ງກ່າວ ທັງເປັນການສືບຕໍ່ຮ່ວມມືລະຫວ່າງສອງຊາດ ລາວ-ຈີນ ກໍ່ຄືລະຫວ່າງສອງກະຊວງປ້ອງກັນຄວາມສະຫງົບ ເພື່ອເຮັດໃຫ້ທັງສອງປະເທດມີຄວາມສະຫງົບ, ຄວາມເປັນລະບຽບຮຽບຮ້ອຍໃນສັງຄົມ.

Off

Comments are closed.