24th Jun2019

ເສບຢາບ້າແລ້ວເກີດປະສາດຫຼອນແທງລຸງເສຍເສຍຊີວິດຄາທີ່

by somchan

ໃນທ້າຍເດືອນພຶດສະພາ 2019 ນີ້ ເຈົ້າໜ້າທີ່ພະແນກສືບສວນ-ສອບສວນ ປກສ ແຂວງໄຊຍະບູລີ ໄດ້ສົມທົບກັບເຈົ້າໜ້າທີ່ ກອງຮ້ອຍ ປກສ ປະຈຳໂຄງການເຂື່ອນໄຟຟ້ານ້ຳຂອງ ແຂວງໄຊຍະບູລີ ໄດ້ກັກຕົວ ທ້າວ ປາລີ ອາຍຸ 27 ປີ ຢູ່ບ້ານ ທົ່ງຈະເລີນ ເມືອງນານ ແຂວງຫຼວງພະບາງ ຂໍ້ຫາ ຄາດຕະກຳ ທ້າວ ບົວໂຮມ ອາຍຸ 55 ປີ ຢູ່ບ້ານຕາລານ ເມືອງ ແລະ ແຂວງໄຊຍະບູລີ ເຊິ່ງເປັນລຸງຂອງຜູ້ກ່ຽວ.

ຜ່ານການສືບສວນ-ສອບສວນ ຂອງເຈົ້າໜ້າທີ່ ທ້າວ ປາລີ ຮັບສາລະພາບວ່າ: ໃນວັນທີ 27 ພຶດສະພາ 2019 ຜູ້ກ່ຽວໄດ້ລົງມື ຄາດຕະກຳ ທ້າວ ບົວໂຮມແທ້ ກ່ອນເກີດເຫດແມ່ນໄດ້ເສບຢາບ້າແລ້ວເກີດປະສາດຫຼອນ ຄິດວ່າ ທ້າວ ບົວໂຮມ ແຈ້ງເຈົ້າໜ້າທີ່ຕຳຫຼວດມາຈັບຕົນເອງ ເລີຍເອົາມີດມາແທງໃສ່ທາງຂ້າງ 2 ບາດ ໃນຄະນະທີ່ ທ້າວ ບຸນໂຮມ ກຳລັງນອນຫຼັບຢູ່ ເຮັດໃຫ້ເສຍຊີວິດຄາທີ່.

ປະຈຸບັນເຈົ້າໜ້າທີ່ຕຳຫຼວດພວມດຳເນີນຄະດີຕໍ່ຜູ້ກ່ຽວຕາມລະບຽບກົດໝາຍ.

Off

Comments are closed.