26th Jun2019

ພິທີປິດກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ 8

by somchan

ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ 8 ໄດ້ສຳເລັດລົງຢ່າງຈົບງາມ ໃນວັນທີ 25 ມິຖຸນາ 2019 ນີ້ ໂດຍການເປັນປະທານຂອງ ພະນະທ່ານນາງ ປານີ ຢ່າທໍຕູ້ ປະທານສະພາແຫ່ງຊາດ, ໃຫ້ກຽດເຂົ້າຮ່ວມຂອງ ພະນະທ່ານ ບຸນຍັງ ວໍລະຈິດ ປະທານປະເທດ, ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາການນຳ, ອາດີດການນຳພັກ-ລັດ, ຄະນະລັດຖະບານ, ອົງການຕຸລາການ, ສະມາຊິກສະພາແຫ່ງຊາດ ແລະ ແຂກຖືກເຊີນເຂົ້າຮ່ວມ.

ພະນະທ່ານ ນາງ ປານີ ຢ່າທໍຕູ້ ປະທານສະພາແຫ່ງຊາດ ໄດ້ກ່າວສູນທອນພົດປິດກອງປະຊຸມ ທ່ານໄດ້ກ່າວວ່າ: ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ 8 ແມ່ນໄດ້ຮັບຜົນສຳເລັດຢ່າງຈົບງາມ, ກອງປະຊຸມໃນຄັ້ງນີ້ ໄດ້ມີການຮັບຟັງ, ພິຈາລະນາ, ຄົ້ນຄວ້າ, ປະກອບຄຳຄິດເຫັນ ແລະ ຮັບຮອງເອົາບັນຫາທີ່ສຳຄັນຂອງຊາດ ເປັນຕົ້ນແມ່ນ: ບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດສັງຄົມແຫ່ງຊາດ ແລະ ແຜນງົບປະມານແຫ່ງລັດ 4 ເດືອນ, ຄາດຄະເນ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2019, ບົດລາຍງານຂອງລັດຖະບານກ່ຽວກັບການພັດທະນາຊັບພະຍາກອນມະນຸດທີ່ຕິດພັນກັບການພັດທະນາເສດຖະກິດ-ສັງຄົມໃນແຕ່ລະໄລຍະ ໂດຍສະເພາະການສ້າງຊັບພະຍາກອນມະນຸດ ໃຫ້ໄປຕາມຂະແໜງການບຸລິມະສິດ ເປັນຕົ້ນ ວິຊາການສະເພາະໃນສາຂາວິຊາກະສິກຳ, ຄູ ແລະ ພະຍາບານ ເພື່ອສາມາດຕອບສະໜອງໃຫ້ແກ່ການພັດທະນາປະເທດຊາດ ແລະ ແກ້ໄຂຄວາມທຸກຍາກ, ບັນຫາກ່ຽວກັບການຄຸ້ມຄອງທີ່ດິນ ແລະ ປ່າໄມ້ໃຫ້ໄປຕາມກົນໄກຂອງລະບຽບຫຼັກການ ນອກນີ້ຍັງໄດ້ຄົ້ນຄວ້າພິຈາລະນາຮັບຮອງເອົາກົດໝາຍ ຈຳນວນ 10 ສະບັບ

Off

Comments are closed.