04th Jul2019

ກອງປະຊຸມສະຫຼູບວຽກງານປະກັນສັງຄົມ ປະຈຳ 5 ເດືອນ 2019

by somchan

ສະພາບໍລິຫານປະກັນສັງຄົມ ປກສ ໄດ້ຈັດກອງປະຊຸມສະຫຼູບວຽກງານປະກັນສັງຄົມ ປະຈຳ 5 ເດືອນ 2019 ໃນວັນທີ 3 ກໍລະກົດນີ້ ໂດຍການເປັນປະທານຂອງ ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ ປະທານສະພາບໍລິຫານປະກັນສັງຄົມ ປກສ ມີສະມາຊິກສະພາບໍລິຫານ, ກົມກອງກ່ຽວຂ້ອງເຂົ້າຮ່ວມ.

ພົຈວ ປອ ສຸວັນນີ ສີສຸພາບມີໄຊ ໄດ້ກ່າວວ່າ: ໃນໄລຍະຜ່ານມາສະພາບໍລິຫານ ແລະ ຄະນະພັກ-ຄະນະກົມນະໂຍບາຍ ໄດ້ເອົາໃຈໃສ່ສືກສາອົບຮົມການເມືອງແນວຄິດ ໃຫ້ພະນັກງານ-ນັກຮົບ ພາຍໃນກົມກອງ ເວົ້າລວມເວົ້າສະເພາະແມ່ນພະແນກປະກັນສັງຄົມ ໂດຍຖືເອົາທິດທາງແຜນການຂອງກະຊວງ, ມະຕິຄຳສັ່ງຂອງຂັ້ນເທີງເປັນຕົ້ນແມ່ນແຜນການ, ຫຼັກການວຽກງານວິຊາສະເພາະ, ຂໍ້ກຳນົດ, ກົດລະບຽບຂອງກຳລັງ ປກສ ເອົາໃຈໃສ່ ແລະ ແກ້ໄຂເງີນອຸດໜູນຕ່າງໆຕາມແຜນງົບປະມານ ຂອງກົມກອງອ້ອມຂ້າງກະຊວງ ແລະ ທ້ອງຖີ່ນທົ່ວປະເທດ, ຜ່ານການຈັດຕັ້ງເຄື່ອນໄຫວວຽກງານປະກັນສັງຄົມ ປກສ 5 ເດືອນ ຜ່ານມາ ແລະ ຈ່າຍເງີນອຸດໜູນຕ່າງໆຂອງບັນດາກົມກອງອ້ອມຂ້າງກະຊວງແລະ ທ້ອງຖີ່ນໄດ້ 101 ຄັ້ງ, ສະຫຼູບລາຍຮັບ-ລາຍຈ່າຍ ໃນໄລຍະ 5 ເດືອນຜ່ານມາ 466 ຕື້ກ່ວາກີບ ນອກນີ້ຍັງໄດ້ລົງຕິດຕາມປະເມີນຜົນການປີ່ນປົວແບບທົດລອງກັບຫ້ອງການປະກັນສຸກຂະພາບແຫ່ງຊາດ 2 ແຂວງ ຄື ແຂວງວຽງຈັນ ແລະ ແຂວງເຊກອງ ສຳເລັດ, ຂື້ນທະບຽນພີມບັດປະກັນສຸກຂະພາບໃໝ່ 16 ກົມກອງອ້ອມຂ້າງກະຊວງໄດ້ 640 ບັດ, ຂື້ນທະບຽນພີມບັດໃຫ້ ປກສ ນະຄອນຫຼວງວຽງຈັນ ແລະ ປກສ ແຂວງວຽງຈັນໄດ້ 1 ພັນກ່ວາບັດ ແລະ ວຽກງານອື່ນໆສຳເລັດ.

Off

Comments are closed.