26th Jul2019

ກະຊວງປ້ອງກັນປະເທດ ຈັດພິທີປະກາດເລື່ອນຊັ້ນ ພົນຕີ ຂື້ນຊັ້ນ ພົນໂທ ໃຫ້ນາຍທະຫານຂັ້ນສູງ.

by somchan

ກະຊວງປ້ອງກັນປະເທດຈັດພິທີປະກາດເລື່ອນຊັ້ນພົນຕີ ຂື້ນຊັ້ນພົນໂທໃຫ້ນາຍທະຫານຂັ້ນສູງ ກະຊວງປ້ອງກັນປະເທດ ໃນວັນທີ 25 ກໍລະກົດນີ້ ທີ່ຫ້ອງປະຊຸມຫ້ອງວ່າການກະຊວງປ້ອງກັນປະເທດ, ໂດຍການໃຫ້ກຽດເຂົ້າຮ່ວມຂອງ ປອ ພັນຄຳ ວິພາວັນ ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດ ແລະ ພົນເອກ ຈັນສະໜອນ ຈັນຍາລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ, ມີຄະນະພັກ, ພະນັກງານຫຼັກແຫຼ່ງກົມກອງອ້ອມຂ້າງ ກະຊວງປ້ອງກັນປະເທດ ແລະ ແຂກຖືກເຊີນເຂົ້າຮ່ວມ.

ທ່ານ ນາງ ບຸດສະດີ ທະນະເມືອງ ຫົວໜ້າກົມຄຸ້ມຄອງພະນັກງານ, ຄະນະຈັດຕັ້ງສູນກາງພັກ ໄດ້ຜ່ານລັດຖະດຳລັດຂອງປະທານປະເທດ ສາທາລະນະລັດ ປະຊາທິປະໄຕ ປະຊາຊົນລາວ ວ່າດ້ວຍການເລື່ອນຊັ້ນໃຫ້ນາຍທະຫານຂັ້ນສູງຂອງ ກະຊວງປ້ອງກັນປະເທດ ໃນນີ້ເລື່ອນຊັ້ນພົນຕີຂື້ນ ພົນໂທໃຫ້ ປອ ທອງລອຍ ສີລິວົງ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫ່ຍການເມືອງ, ກະຊວງປ້ອງກັນປະເທດ, ເຊິ່ງໃຫ້ກຽດປະດັບຊັ້ນໃນຄັ້ງນີ້ໂດຍ ປອ ພັນຄຳ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັັກ, ຮອງປະທານປະເທດ ພ້ອມທັງມີຄຳເຫັນໂອ້ລົມຕໍ່ພິທີເລື່ອນຊັ້ນພົນໂທ ໃນຄັ້ງນີ້ ເປັນຄວາມຮຽກຮ້ອງຕ້ອງການຂອງ ໜ້າທີ່ການເມືອງ ແລະ ການເຕີບໃຫ່ຍຂະຫຍາຍຕົວຂອງກຳລັງປະກອບອາວຸດ ຂອງກອງທັບປະຊາຊົນລາວ ແລະ ສະແດງເຖິງຄວາມເຊື່ອໜັ້ນຂອງພັກຕໍ່ບຸກຄົນ, ທັງເປັນການມອບໝາຍໜ້າທີ່ໃໝ່ ມີກຽດສະຫງ່າງາມໃຫ້ແກ່ກອງທັບກໍຄື ບຸກຄົນ ດັ່ງນັ້ນ ສະຫາຍຈົ່ງເຮັດໜ້າທີ່ໜັກໜ່ວງກວ່າເກົ່າກັບພັກ-ລັດ ໄວ້ເນື້ອເຊື່ອໃຈ ແລະ ເອົາໃຈໃສ່ກໍ່ສ້າງກອງທັບ ໃຫ້ມີຄວາມໜັກແໜ້ນເຂັ້ມແຂງຂື້ນໄປເລື່ອຍໆ.

Off

Comments are closed.