23rd Aug2019

ຍຶດຢາບ້າໄດ້ 780,000 ເມັດ ພ້ອມຜູ້້ຕ້ອງຫາ 3 ຄົນ

by somchan

ໃນວັນທີ 21 ສິງຫາ 2019 ນີ້ ເຈົ້າໜ້າທີ່ທະຫານຊາຍແດນປະສານສົມທົບກັບກຳລັງກໍ່ສ້າງຮາກຖານ ແລະ ເຈົ້າໜ້າທີ່ ປກສ ແຂວງບໍ່ແກ້ວ ໄດ້ມ້າງກຸ່ມແກ້ງເຄື່ອນໄຫວຄ້າຂາຍຢາເສບຕິດຢູ່ເຂດ ບ້ານດອນສະຫວັນ ຫາ ໂຄກຫຼວງ ເມືອງຫ້ວຍຊາຍ ແຂວງບໍ່ແກ້ວ ສາມາດກວດກາພົບເຫັນ ແລະ ຍຶດຢາບ້າທີ່ຊຸກເຊື່ອງຢູ່ໃນລົດລີໂວ້ສີປອນເທົາບໍ່ມີປ້າຍ ຈຳນວນ 4 ເປົາ ເທົ່າກັບ 390 ມັດ ຫຼື ເທົ່າກັບ 780,000 ເມັດ

ສ່ວນຜູ້ກະທຳຜິດໄດ້ເອົາຕົວຫຼົບໜີ, ຈາກນັ້ນເຈົ້າໜ້າທີ່ຈິ່ງໄດ້ຈັດກຳລັງເຄື່ອນໄຫວຕໍ່ ຕາມໄລ່ຊອກໄລ່ຈົນພວກກະທຳຜິດທີ່ເອົາຕົວຫຼົບໜີ ແລະ ໃນວັນທີ 22 ສິງຫາ ຈິ່ງສາມາດກັກຕົວໄດ້ 3 ຄົນຄື: ທ້າວ ວັດທະສັກ ອາຍຸ 32 ປີ, ຢູ່ບ້ານເກົ່າລັງ ເມືອງແມ່ຟ້າ ແຂວງຊຽງລາຍ, ທ້າວ ໄຕພຸມູ ອາຍຸ 37 ປີ ແລະ ທ້າວ ເກດສະດາ ອາຍຸ 29 ປີ ທັງສອງຢູ່ບ້ານໄທສາມັກ ເມືອງຊຽງແກ່ນ ແຂວງຊຽງລາຍປະເທດໄທ.

ປະຈຸບັນເຈົ້າໜ້າທີ່ຕຳຫຼວດກຳລັງສືບສວນ-ສອບສວນ ເພື່ອຂະຫຍາຍຜົນ ແລະ ດຳເນີນຄະດີຕາມກົດມາຍ.

Off

Comments are closed.