27th Aug2019

ກັກຕົວເປົ້າໝາຍຄ້າ-ຂາຍຢາເສບຕິດ 2 ຄົນ ພ້ອມຂອງກາງ ຢາໄອສ 120 ກິໂລກຣາມ

by somchan

ໃນວັນທີ 22 ສິງຫາ 2019 ນີ້ ເຈົ້າໜ້າທີ່ຕຳຫຼວດ ເມືອງປາກແບງ ແຂວງອຸດົມໄຊ ໄດ້ສົມທົບກັບ ປກສ ກຸ່ມ ບ້ານມົກໂຄ ກັກຕົວເປົ້າໝາຍຄ້າ-ຂາຍຢາເສບຕິດໄດ້ 2 ຄົນ ພ້ອມຂອງກາງຢາເສບຕິດ ປະເພດຢາໄອ 120 ກິໂລກຼາມ ລົດກະບະ 1 ຄັນ ໝາຍເລກທະບຽນ 2644 ກຳແພງນະຄອນ ຜູ້ຕ້ອງຫາທັງ 2 ຄົນ ຄື: ທ້າວ ບຸນເຊັງ ຫຼື ຊົງບໍ່ ອາຍຸ 32 ປີ ແລະ ທ້າວ ບີວີ ອາຍຸ 25 ປີ ທັງ 2 ຢູ່ບ້ານຊາຍຈະເລີນ ເມືອງຫ້ວຍຊາຍ ແຂວງບໍ່ແກ້ວ.

 

ຜ່ານການສືບສວນ-ສອບສວນ ເຈົ້າໜ້າທີ່ຕຳຫຼວດ ພວກກ່ຽວທັງ 2 ຮັບສາລະພາບວ່າ: ໄດ້ຮ່ວມກັນຮັບຈ້າງຂົນສົ່ງຢາເສບຕິດປະເພດຢາໄອຈຳນວນ 120 ກິໂລກຼາມ ໃນມູນຄ່າ 200,000 ບາດສະກຸນເງີນໄທ ໄປສົ່ງໃຫ້ລູກຄ້າຢູ່ນະຄອນຫຼວງວຽງຈັນ ແຕ່ຖືກເຈົ້າໜ້າທີ່ກັກຕົວກ່ອນ.

ປະຈຸບັນເຈົ້າໜ້າທີ່ຕຳຫຼວດພວມດຳເນີນຄະດີຕໍ່ພວກກ່ຽວຕາມກົດໝາຍ.

Off

Comments are closed.