28th Aug2019

ຝົນຕົກຕິດຕໍ່ກັນຫຼາຍວັນ ເຮັດໃຫ້ນ້ຳຖ້ວມເສັ້ນທາງ ການສັນຈອນອັ່ງອໍ

by somchan

ໃນວັນທີ 27 ສິງຫາ 2019 ນີ້, ພັນຕີ ວຽງສະຫວັນ ກິດຕິສັກ ຮອງຫົວໜ້າກອງຮ້ອຍຕຳຫຼວດຈະລາຈອນ ກອງບັນຊາການ ປກສ ເມືອງນາຊາຍທອງ ນະຄອນຫຼວງວຽງຈັນ ໄດ້ລາຍງານສະພາບເຫດການນ້ຳຖ້ວມ ເສັ້ນທາງເລກທີ 13 ເໜືອ ເຂດບ້ານຜາແຫ້ງ ແລະ ບ້ານຫົວຂົວ ເມືອງນາຊາຍທອງ ນະຄອນຫຼວງວຽງຈັນ, ຜ່ານສື່ວິທະຍຸປ້ອງກັນຄວາມສະຫງົບວ່າ:

ເນື່ອງຈາກຝົນຕົກຕິດຕໍ່ກັນຫຼາຍມື້ເຮັດໃຫ້ນ້ຳຖ້ວມເສັ້ນທາງ ແລະ ເຮືອນຂອງປະຊາຊົນ ຢູ່ສອງບ້ານ ໄດ້ຮັບຜົນເສຍຫາຍ ແລະ ເຮັດໃຫ້ການສັນຈອນໄປມາ ຢູ່ເຂດບ້ານຜາແຫ້ງ ແລະ ບ້ານຫົວຂົວ ມີຄວາມອັ່ງອໍ ແລະ ຫຍຸ້ງຍາກສັບສົນ. ເແຕ່ເຖິງຢ່າງໃດກໍ່ຕາມຄະນະພັກ, ຄະນະບັນຊາກອງ  ບັນຊາການ ປກສ ເມືອງນາຊາຍທອງ ກໍ່ຄືກອງຮ້ອຍຕຳຫຼວດຈະລາຈອນ ກໍ່ໄດ້ປະສານສົມທົບກັບກຳລັງທະຫານ ເມືອງນາຊາຍທອງ ປກສ ກຸ່ມ, ອຳນາດການປົກຄອງບ້ານ ແລະ ປະຊາຊົນ ໄດ້ຮ່ວມແຮງຮ່ວມໃຈ ກັນຊ່ວຍເຫຼືອ ຜູ້ໄດ້ຮັບຜົນກະທົບຈາກນ້ຳຖ້ວມ ແລະ ເອົາໃຈໃສ່ໃນການປະຕິບັດໜ້າທີ່ລະບາຍການສັນຈອນຢູ່ສອງຈຸດນີ້ດ້ວຍຄວາມຮັບຜິດຊອບສູງ ເພື່ອເຮັດໃຫ້ການສັນຈອນໄປມາຂອງປະຊາຊົນ ແລະ ຜູ້ໃຊ້ຍານພາຫະນະໄປມາຢູ່ຈຸດດັ່ງກ່າວໃຫ້ມີຄວາມປອດໄພ.

Off

Comments are closed.