29th Aug2019

ລມຕ ກະຊວງ ປກສ ຕ້ອນຮັບການເຂົ້າຢ້ຽມຂ່ຳນັບ ອຳລາໜ້າທີ່ຂອງເອກອັກຄະຖະທູດ ແຫ່ງສະຫະພັນຣັດເຊຍປະຈຳ ລາວ

by somchan

ໃນວັນທີ 28 ສິງຫາ ນີ້ ທີກະຊວງປ້ອງກັນຄວາມສະຫງົບ ພົນໂທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂ່ຳນັບ ອຳລາຂອງ ທ່ານ ມິຄາອີນ ຣາບານອບ ໃນໂອກາດສິ້ນສຸດວາລະດຳລົງຕຳແໜ່ງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງສະຫະພັນຣັດເຊຍ ປະຈຳ ສປປ ລາວ.

ໃນໂອກາດນີ້ ພົນໂທ ວິໄລ ຫຼ້າຄຳຟອງ ລັດຖະມົນຕີ ກະຊວງ ປ້ອງກັນຄວາມສະຫງົບ ກໍ່ໄດ້ສະແດງຄວາມຍ້ອງຍໍຊົມເຊີຍ ຕໍ່ການປະຕິບັດໜ້າທີ່ວຽກງານ ຂອງເອກອັກຄະລັດຖະທູດ ແຫ່ງສະຫະພັນຣັດເຊຍ ປະຈຳ ລາວ ເຮັດໃຫ້ສາຍພົວພັນ ລະຫວ່າງສອງປະເທດ ໃນດ້ານວຽກງານຕ່າງໆ ມີຄວາມສະດວກດີ ເວົ້າລວມ, ເວົ້າສະເພາະ ດ້ານວຽກງານປ້ອງກັນຄວາມສະຫງົບ.

ພ້ອມທັງອວຍພອນໄຊ ໃຫ້ ທ່ານ ມິຄາອິນ ຣາບານອບ ເດີນກັບຄືນປະເທດດ້ວຍຄວາມສະວັດດີພາບ ແລະ ມີຄວາມກ້າວໜ້າໃນໜ້າທີ່ວຽກງານ ຂອງຕົນໃນຕໍ່ໜ້າ ທ່ານ ມິຄາອິນ ຣາບານອບ ໄດ້ສະແດງຄວາມຂອບໃຈ ເປັນຢ່າງສູງໃນການຕ້ອນຮັບ ແລະ ໃຫ້ການຮ່ວມມື ໃນທຸກດ້ານ ໃນໄລຍະທີ່ ທ່ານ ດຳລົງຕຳແໜ່ງ ການທູດ ຢູ່ລາວ ເຮັດໃຫ້ຕົນມີຄວາມສະດວກ ແລະ ເຮັດລ້ອນໜ້າທີ່ ໃນການດຳລົງຕຳແໜ່ງການທູດ ຢູ ສປປ ລາວ.

Off

Comments are closed.