04th Sep2019

ກັກຜູ້ຕ້ອງຫາໄດ້ 2 ຄົນ ພ້ອມຂອງກາງ ຢາບ້າ 5000 ກ່ວາເມັດ

by somchan

ໃນວັນທີ 3 ກັນຍານີ້ ເຈົ້າໜ້າທີ່ຕຳຫຼວດ ເມືອງຫົງສາ ແຂວງ ໄຊຍະບູລີ ໄດ້ລາຍງານໃຫ້ຮູ້ວ່າ ໃນໄລຍະທ້າຍເດືອນສິງຫາຜ່ານມາ ເຈົ້າໜ້າທີ່ຕຳຫຼວດເມືອງຫົງສາ ໄດ້ຈັບຕົວພວກຄ້າຂາຍຢາເສບຕິດ 2 ຄົນ ພ້ອມຢາບ້າ 5000 ກ່ວາເມັດ ຢູ່ເຂດບ້ານຜູດອກໄມ້ ແລະ ບ້ານ ນາປຸງ ເມືອງ ຫົງສາແຂວງ ໄຊຍະບູລີ.

ຜູ້ກະທຳຜິດຊື່ ທ້າວ ເຢຍ ຈົງທໍ ອາຍຸ 43 ປີ ປະຊາຊົນຢູ່ບ້ານນ້ຳນ້ອຍ ເມືອງຮຸນ ແຂວງ ອຸດົມໄຊ ຖືກຈັບຕົວໃນຄະນະທີ່ພວມນຳເອົາຢາບ້າ 5,321 ເມັດ ໄປສົ່ງໃຫ້ພວກຮ່ວມຂະບວນການ ຢູ່ເຂດ ບ້ານ ພູດອກໄມ້ ເມືອງ ຫົງສາ ແລະ ທ້າວ ຈະຊົງ ອາຍຸ 50 ປີ ຖືກຈັບຕົວ ຢູ່ເຂດ ບ້ານ ນາປຸງ ເມືອງຫົງສາ ພ້ອມຢາບ້າ 31 ເມັດ.

ປັດຈຸບັນຄະດີດັ່ງກ່າວ ພວມຢູ່ໃນຂັ້ນຕອນການດຳເນີນຄະດີ ຂອງເຈົ້າໜ້າທີ່ຕຳຫຼວດ.

Off

Comments are closed.