16th Sep2019

ຮອງ ລມຕ ກະຊວງ ປກສ ຕ້ອນຮັບການເຂົ້າຢ້ຽມຂ່ຳນັບ ຮອງຫົວໜ້າກອງເລຂາກຸ່ມອາຊີປາຊີຟິກ

by somchan

ໃນວັນທີ 16 ກັນຍານີ້ ພົນຕີ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫົງບ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ນາງ ລໍເຣັນ ເຮີດ ຮອງຫົວໜ້າກອງເລຂາກຸ່ມອາຊີປາຊີຟິກ ເພື່ອຕ້ານການ ຟອກເງິນ, ຜູ້ປະເມີນ ສປປລາວ, ໃນໂອກາດທີ່ເດີນທາງມາເຮັດວຽກຢູ່ ສປປລາວ,

ໂອກາດດັ່ງກ່າວ ທ່ານ ນາງ ລໍເຣັນ ເຮີດ ໄດ້ລາຍງານຈຸດປະສົງໃນການເຂົ້າພົບປະ ແລະ ການມາເຮັດວຽກຢູ່ ສປປລາວ ຄັ້ງນີ້ກໍ່ເພື່ອປະເມີນ ຕ້ານການກໍ່ການຮ້າຍໃນການຟອກເງິນ, ເຊີ່ງທ່ານໄດ້ລາຍງານແຕ່ລະຂັ້ນຕອນ ໃນການປະເມີນ ແລະ ການຈັດຕັ້ງປະຕິບັດຕົວຈິງໃນ ສປປລາວ.

ພ້ອມນີ້ທັງສອງຝ່າຍກໍ່ໄດ້ປຶກສາຫາລືກັນກ່ຽວກັບວິທີການປະເມີນ ແລະ ຈັດຕັ້ງປະຕິບັດຕົວຈິງ, ເຊີ່ງຈະໄດ້ເລີ່ມປະເມີນໃນປີ 2020 ທາງ ສປປລາວ ເວົ້າລວມ, ເວົ້າສະເພາະກໍຄືກະຊວງປ້ອງກັນຄວາມສະຫງົບ ຍັງຕ້ອງການຄວາມຊ່ວຍເຫຼືອກ່ຽວກັບວຽກງານການສືບສວນ-ສອບສວນ ໂດຍສະເພາະທຶນຮອນໃນການເຜີຍແຜ່ ແລະ ຝຶກອົບຮົມໃຫ້ເຈົ້າໜ້າທີ່ໆກ່ຽວຂ້ອງ ກ່ຽວກັບເຕັກນິກການສືບສວນ-ສອບສວນໃນຂອບເຂດທົ່ວປະເທດສາມາດຈັດຕັ້ງປະຕິບັດຕົວຈິງກ້າວໄປເຖິງການສືບສວນ-ສອບສວນທາງການເງີນ ການຕັດສິນຄະດີຟອກເງິນທີ່ສອດຄ່ອງກັບກົດໝາຍຂອງ ສປປລາວ.

Off

Comments are closed.