20th Sep2019

ນາງ ໝວຍ ມີເຈຕະນາໂຄສະນາ ຕ້ານ ສປປ ລາວ ແທ້

by somchan

ດັ່ງທີ່ພວກເຮົາຮູ້ນຳກັນແລ້ວວ່າ: ແຕ່ທ້າຍເດືອນສິງຫາ ຫາຕົ້ນເດືອນ ກັນຍາ 2019 ນີ້ ໄດ້ເກີດໄພພິບັດນ້ຳຖ້ວມ ເຊິ່ງສົ່ງຜົນກະທົບຢ່າງໃຫ່ຍຫຼວງຕໍ່ຊີວິດ ແລະ ສັບສິນຂອງປະຊາຊົນບັນດາເຜົ່າ ຢູ່ບັນດາແຂວງພາກກາງ ແລະ ພາກໃຕ້. ຕໍ່ກັບສະພາບການດັ່ງກ່າວ, ລັດຖະບານ ໄດ້ເອົາໃຈໃສ່ຊີ້ນຳຢ່າງໃກ້ຊິດ ແລະ ບັນດາກະຊວງທີ່ກ່ຽວຂ້ອງ, ກຳລັງ ປກຊ-ປກສ, ບັນດາແຂວງ ແລະ ອົງການຊ່ວຍເຫຼືອສັງຄົມຕ່າງໆ ໄດ້ສຸມທຸກກຳລັງແຮງ ນຳເອົາພາຫານະ ແລະ ວັດຖຸອຸປະກອນ ເຂົ້າໄປຊ່ວຍເຫຼືອປະຊາຊົນທີ່ໄດ້ຮັບຜົນກະທົບຢ່າງທັນການ, ເຊີ່ງສາມາດຫຼຸດຜ່ອນຄວາມເສຍຫາຍທາງດ້ານຊີວິດ ແລະ ຊັບສີນໄດ້ດີສົມຄວນ. ຢ່າງໃດກໍ່ຕາມ, ໃນໄລຍະເກີດໄພພິບັດດັ່ງກ່າວ, ໄດ້ມີກຸ່ມຄົນບໍ່ດີເຄື່ອນໄຫວໂຄສະນາປ່າວຂ່າວ ບິດເບືອນຄວາມຈິງກ່ຽວກັບການຊ່ວຍເຫຼືດດັ່ງກ່າວ ເຊີ່ງເປັນການສ້າງຄວາມປັ່ນປ່ວນ, ແບ່ງແຍກຄວາມສາມັກຄີພາຍໃນສັງຄົມ ແລະ ທັບຖົມໂຈມຕີ ແລະ ຕ້ານ ສປປ ລາວ, ເຊີ່ງໜື່ງຄົນບໍ່ດີທີ່ວ່ານັ້ນ: ກໍ່ແມ່ນ ນາງ ຮວຍເຮືອງ ໄຊຍະບູລີ ຫຼື ໝວຍ ອາຍຸ 30 ປີ ອາຊີບຄ້າຂາຍ ຢູ່ບ້ານສະເຫຼົາ ເມືອງໂພນທອງ ແຂວງ ຈຳປາສັກ.

ເຈົ້າໜ້າທີກອງບັນຊາການ ປກສ ແຂວງ ຈຳປາສັກ ໃຫ້ຮູ້ວ່າ: ໃນໄລຍະນ້ຳຖ້ວມຢູ່ເຂດພາກໃຕ້ ໃນເດືອນ ກັນຍາ 2019, ນາງ ຮວຍເຮືອງ ໄຊຍະບູລີ ໄດ້ນຳໃຊ້ເຟສບຸກສ່ວນຕົວຊື່ວ່າ: sayabouly houayheuang ໂດຍໂພດຂໍ້ຄວາມ ແລະ ໄລຣສົດວິດີໂອທີ່ມີເນື້ອຫາໃສ່ຮ້າຍປ້າຍສີ ແນວທາງນະໂຍບາຍຂອງພັກ-ລັດ ແລະ ການເຮັດໜ້າທີຂອງເຈົ້າໜ້າທີ່ກ່ຽ້ວຂ້ອງໃນການຊ່ວຍເຫຼືອຜູ້ປະສົບໄພ ເຊີ່ງກົງກັນຂ້າມກັບຄວາມເປັນຈິງທີ່ລັດຖະບານ, ອົງການປົກຄອງທ້ອງຖີ່ນ ,ຕະຫຼອດຮອດພາກສ່ວນໃນສັງຄົມ, ພໍ່ແມ່ປະຊາຊົນ ໄດ້ປະກອບສ່ວນດ້ານເຮື່ອແຮງ ແລະ ວັດຖຸ ລົງໃກ້ສິດຕິດແທດໃຫ້ການຊ່ວຍເຫຼືອດ້ວຍຄວາມເອົາໃຈໃສ່ ແລະ ຮັບຜິດຊອບສູງ.

ນາງ ໝວຍ ໄດ້ໂຄສະນາຕໍ່ຕ້ານ ສປປ ລາວ ບໍ່ສະເພາະແຕ່ເກີດໄພນ້ຳຖ້ວມເທົ່ານັ້ນ, ໃນເດືອນມີຖຸນາ 2018 ທີ່ຜ່ານມາ, ຜູ້ກ່ຽວໄດ້ລົງໂຄສະນາຜ່ານທາງເຟສບຸກ ທີ່ເນື້ອຫາເປັນການໃສ່ຮ້າຍປ້າຍສີຕໍ່ແນວທາງຂອງພັກ. ໃນຄັ້ງນັ້ນ,ເຈົ້າໜ້າທີ່ກໍ່ໄດ້ນຳຕົວຜູ້ກ່ຽວມາທຳການສອບສວນ, ສືກສາອົບຮົມກ່າວເຕືອນ ແລະ ຊີ້ແຈງໃຫ້ຜູ້ກ່ຽວເຂົ້າໃຈໃຫ້ຢຸດເຊົາການກະທຳດັ່ງກ່າວ.

ຢ່າງໃດກໍ່ຕາມ, ນາງ ໝວຍ ກໍ່ບໍ່ຍອມຍຸດເຊົາພືດຕິກຳດັ່ງກ່າວ ມາຮອດວັນທີ 4-6 ກັນຍາ 2019 ເຊີ່ງໄລຍະທີ່ນ້ຳຖ້ວມແຮງເປັນບໍລິເວນກ້ວາງ; ນ້ຳໄຫຼເຂົ້າຢ່າງວອງໄວ ແລະ ກາຍເປັນເຫດການອຸທົກກະໄພທີ່ຮ້າຍແຮງໃນຮອບຫຼາຍສິບປີຢູ່ພາກໃຕ້ ແລະ ຜູ້ກ່ຽວກໍ່ໄດ້ໂຄສະນາໃສ່ຮ້າຍປ້າຍສີຜ່ານທາງເຟສບຸກຂອງຜູ້ກ່ຽວຢ່າງຕໍ່ເນື່ອງ ທີ່ສ້າງຄວາມເຂົ້າໃຈຜິດ ແລະ ປັ່ນປ່ວນສັງຄົມເຊີ່ງສວນທາງກັບຄວາມເອົາໃຈໃສ່ຂອງລັດຖະບານໃນການແກ້ໄຂຜົນຮ້າຍຂອງໄພພິບັດ ແລະ ການໃຫ້ຄວາມຊ່ວຍເຫຼືອບັນເທົາທຸກສຸກເສີນແກ່ປະຊາຊົນ ຢ່າງບໍ່ລົດລະຕະຫຼອດເວລາ.

ດ້ວຍເຫດນີ້ເຈົ້າໜ້າທີ່ຈື່ງໄດ້ກັກຕົວ ນາງ ໝວຍ ໃນວັນທີ 12 ກັນຍາ 2019 ເຊີ່ງການກັກຕົວດັ່ງກ່າວ ໄດ້ປະຕິບັດຕາມຂັ້ນຕອນຂອງກົດໝາຍທຸກປະການ. ຜ່ານການສອບສວນຕົວຈິງ, ຜູ້ກ່ຽວຮັບສາລະພາບວ່າ: ໄດ້ເປັນຜູ້ລົງມືລົງໂຄສະນາທາງເຟສບຸກແທ້ ເຊີ່ງໃນວີດີໂອໜື່ງ, ນາງ ໝວຍ ໄດ້ເວົ້າອອກປາກເຖີງການກະທຳ ແລະ ເຈຕະນາຂອງນາງວ່າ: ມັນໄດ້ເວົ້າລະມັນມີແຮງ ຊິບອກໃຫ້, ນອກນັ້ນ, ຜູ້ກ່ຽວຍັງຮັບສາລະພາບວ່າ: ໄດ້ມີການພົວພັນກັບບຸກຄົນພາຍໃນ ແລະ ນອກປະເທດ ເພື່ອຮ່ວມກັນເຄື່ອນໄຫວຕ້ານ ສປປ ລາວ.

ດັ່ງນັ້ນ ພວກເຮົາເຫັນແຈ້ງນຳກັນແລ້ວວ່າ ການກະທຳຂອງຜູ້ກ່ຽວແມ່ນມີຄວາມຈົງໃຈເພື່ອສ້າງຄວາມວຸນວາຍ, ສ້າງຄວາມບໍ່ສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ, ການກະທຳດັ່ງກ່າວ ແມ່ນຜິດຕໍ່ມວນກົດໝາຍອາຍາ ມາດຕາ 117 ການໂຄສະນາຕໍ່ຕ້ານ ສປປ ລາວ ເຊີ່ງໄດ້ລະບຸໄວ້ວ່າ: ບຸກຄົນໃດຫາກໄດ້ໂຄສະນາ ໃສ່ຮ້າຍປ້າຍສີ ສາທາລະນະລັດ ປະຊາທິປະໄຕ ປະຊາຊົນລາວ ບິດເບືອນແນວທາງຂອງພັກ ແລະ ນະໂຍບາຍຂອງລັດ, ປ່າວຂ່າວກຸສົນ ເຮັດໃຫ້ມີຄວາມວຸນວາຍດ້ວຍການເວົ້າ, ການຂຽນ, ການພີມ, ໜັງສືພີມ, ຮູບເງົາ, ວິດີໂອ, ຮູບພາບ, ເອກກະສານ, ສື່ທາງເອເລັກໂຕນິກ ຫຼື ດ້ວຍຮູບການອື່ນໆ ທີມີເນືອໃນຕ້ານ ສາທາລະນະລັດ ປະຊາທິປະໄຕ ປະຊາຊົນລາວ ເພື່ອເຮັດໃຫ້ອຳນາດລັດອ່ອນເພຍ ຈະຖືກລົງໂທດຕັດສີນອິດສະລະພາບແຕ່ 1 ປີ-5ປີ ແລະ ຈະຖືກປັບໄໝແຕ່ 5,000,000 ກີບ ຫາ 20,000,000 ກີບ.

ພາຍຫຼັງການກັກຕົວ ນາງ ໝວຍ ກຸ່ມຄົນທີ່ບໍ່ຫວັງດີທາງພາຍໃນ ແລະ ຕ່າງປະເທດໄດ້ປ່ອຍຂ່າວວ່າ: ລັດຖະບານເຮົາກິດກັ້ນເສລີພາບໃນການປາກເວົ້າຂອງປະຊາຊົນ ເຊີ່ງບັນຫານີ້ລ້ວນແຕ່ບໍ່ແມ່ນຄວາມຈີງ. ລັດຖະບານພວກເຮົາ ໄດ້ເຄົາລົບ ແລະ ປະຕິບັດຕາມລັດທະທຳມະນູນຂອງ ສປປ ລາວ ຢ່າງເຂັ້ມງວດ, ໄດ້ໃຫ້ສິດເສລິພາບແກ່ພົນລະເມືອງລາວໃນການປາກເວົ້າ, ຂິດຂຽນ ແຕ່ສິດເສລິພາບດັ່ງກ່າວ ຕ້ອງ ບໍ່ຂັດກັບກົດໝາຍ ເມື່ອໃດຫາກການປາກເວົ້າ ຫຼື ການສະແດງອອກຂອງບຸກຄົນໃດໜື່ງຫາກເປັນການລະເມີດກົດໝາຍທີ່ມີຜົນບັງຄັບໃຊ້ແລ້ວ, ແນ່ນອນ ຜູ້ນັ້ນກໍ່ຖືກດຳເນີນຄະດີຕາມຂະບວນການຍຸຕິທຳຢ່າງຫຼີກລ່ຽງບໍ່ໄດ້ ເຊັ່ນດຽວກັບການກະທຳຂອງ ນາງ ໜວຍ ເຊິ່ງຈະຕົກໃນກໍລະນີ ການໂຄສະນາຕ້ານ ສປປ ລາວ ທີ່ລະບຸໄວ້ໃນມາດຕາ 117 ຂອງປະມວນກົດໝາຍອາຍາ.

ປັດຈຸບັນ ລາຍຄະດີດັ່ງກ່າວ ແມ່ນຢູ່ໃນຂັ້ນຕອນດຳເນີນຂອງເຈົ້າໜ້າທີ່ຕຳຫຼວດ ປກສ ແຂວງຈຳປາສັກ ຈະສືບຕໍ່ດຳເນີນໃຫ້ຈະແຈ້ງ, ຄົບຖ້ວນ, ຮອບດ້ານ ແລະ ພາວະວິໄສ ຈຶ່ງຈະສະຫຼຸບສົ່ງສຳນວນຄະດີ ໃຫ້ອົງການໄອຍະການປະຊາຊົນ ແຂວງຈຳປາສັກ ສືບຕໍ່ສັ່ງຟ້ອງໃຫ້ສານຕັດສີນຕາມຂັ້ນຕອນກົດໝາຍ. ເຈົ້າໜ້າທີ່ຢືນຢັນວ່າ: ການດຳເນີນຄະດີດັ່ງກ່າວ ຈະປະຕິບັດຕາມກົດໝາຍວ່າດ້ວຍການດຳເນີນຄະດີອາຍາຢ່າງເຂັ້ມງວດ, ຮັບປະກັນຄວາມໂປ່ງໃສ, ຖືກຕ້ອງຕາມກົດໝາຍ ແລະ ຮັບປະກັນຍຸຕິທຳ.

ສຳລັບການຊ່ວຍເຫຼືອຜູ້ປະສົບໄພພິບັດນ້ຳຖ້ວມນັ້ນ, ລັດຖະບານ ໄດ້ສືບຕໍ່ຊີ້ນຳໃຫ້ບັນດາພາກສ່ວນກ່ຽວຂ້ອງຢ່າງໃກ້ຊິດໃນການຈັດຕັ້ງປະຕິບັດວຽກງານຢ່າງເຂັ້ມງວດໂດຍ:

– ສຸມທຸກກຳລັງ ປກຊ-ປກສ ແລະ ທຸກພາກສ່ວນ ລວມທັງພາຫະນະລົດມອດໄຟ ແລະ ເຮືອ ທັງມີການຈັດຕັ້ງຊີ້ນຳລະອຽດ ເພື່ອສຸມໃສ່ຊ່ວຍເຫຼືອປະຊາຊົນ ໃນການຍົກຍ້າຍຈາກທີ່ພັກຊົ່ວຄາວ ກັບຄືນໄປບ້ານເຮືອນຂອງຕົນ.

– ໃຫ້ຂະແໜງການ ແລະ ທ້ອງຖິ່ນ ກະກຽມຟື້ນຟູການຜະລິດ ພາຍຫຼັງນໍ້າລົງ ເຮັດໃຫ້ການຜະລິດເຂົ້າສູ່ສະພາບປົກກະຕິ ແນ່ໃສ່ຮັບປະກັນດ້ານລະບຽງອາຫານ ໂດຍສະເພາະ ການຈັດສັນແນວພັນ, ປັດໄຈການຜະລິດ, ພາຫະນະການຜະລິດ ແລະ ອື່ນໆ ໃຫ້ທັນການ.

– ປັບປຸງພື້ນຖານໂຄງລ່າງ ໂດຍສະເພາະສ້ອມແປງເສັ້ນທາງໃຫ້ສາມາດໄປ-ມາໄດ້, ສ້ອມແປງໂຮງຮຽນ, ໂຮງໝໍ, ສຸກສາລາ ໃຫ້ສາມາດເປີດນຳໃຊ້ໄດ້.

– ໃຫ້ກະຊວງການເງີນ ຮີບຮ້ອນຄົ້ນຄວ້າ ແລະ ກະກຽມດ້ານງົບປະມານ ເພື່ອແກ້ໄຂໄພພິບັດດັ່ງກ່າວ ດ້ວຍການນຳໃຊ້ເງີນທີ່ມີ ແລ້ວສະເໜີລັດຖະບານພິຈາລະນາຕົກລົງໂດຍໄວ.

– ສູນບັນຊາການແກ້ໄຂໄພພິບັດ ຢູ່ຂັ້ນສູນກາງ ແລະ ທ້ອງຖິ່ນ ຕ້ອງມີການປະສານງານກັນວ່ອງໄວ, ຄ່ອງຕົວ ແລະ ສາມາດແກ້ໄຂບັນຫາໄດ້ຢ່າງທັນການ.

– ເອົາໃຈໃສ່ຄຸ້ມຄອງລາຄາສິນຄ້າ, ອັດຕາແລກປ່ຽນ, ອັດຕາເງີນເຟີ້ ແລະ ຕ້ອງເຮັດຢ່າງເຂັ້ມງວດ ໂດຍມີການລົງໄປຕິດຕາມກວດກາຕົວຈິງ ຢູ່ທ້ອງຖິ່ນຕ່າງໆ.

– ໃຫ້ພາກສ່ວນກ່ຽວຂ້ອງ ຄົ້ນຄວ້າລະອຽດກ່ຽວກັບ ການຍົກເວັ້ນພາສີ-ອາກອນ, ຫຼຸດອັດຕາຄ່າໄຟຟ້າ, ນະໂຍບາຍດ້ານສິນເຊື່ອ, ປັດໄຈການຜະລິດ ແລະ ອື່ນໆ ແລ້ວສະເໜີລັດຖະບານພິຈາລະນາຕົກລົງ.

– ສືບຕໍ່ຮຽກຮ້ອງທຸກພາກສ່ວນທົ່ວສັງຄົມ ໃຫ້ຮ່ວມແຮງ-ຮ່ວມໃຈກັນ, ປຸກລະດົມການຊ່ວຍເຫຼືອ ແລະ ການຮ່ວມມືຈາກພາຍໃນ ແລະ ຕ່າງປະເທດ ໃຫ້ໄດ້ເທົ່າທີ່ຈະເຮັດໄດ້ ແນ່ໃສ່ຮັບປະກັນໃຫ້ການແກ້ໄຂໄພພິບັດດັ່ງກ່າວມີຜົນສຳເລັດ.

– ພ້ອມກັນນັ້ນ ບັນດາກະຊວງກ່ຽວຂ້ອງຕ້ອງຕັ້ງໜ້າປະຕິບັດວຽກງານຂອງຕົນ ຕາມທີ່ລັດຖະບານໄດ້ຊີ້ນຳຢ່າງເຂັ້ມງວດ ເປັນຕົ້ນກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແມ່ນລົງຕິດຕາມ ແລະ ລາຍງານສະພາບຕົວຈິງຕໍ່ການແກ້ໄຂບັນຫາໄພພິບັດໃນຄັ້ງນີ້ ເພື່ອໃຫ້ສັງຄົມໄດ້ຮັບຊາບຂໍ້ມູນທີ່ຖືກຕ້ອງຢ່າງລະອຽດ, ຈະແຈ້ງ ແລະ ທັນການ, ທັງປຸກລະດົມເຕົ້າໂຮມຄວາມສາມັກຄີທົ່ວສັງຄົມ, ສຶກສາອົບຮົມໃຫ້ປະຊາຊົນເອົາໃຈໃສ່ຕິດຕາມ ແລະ ແກ້ໄຂການອອກຂ່າວທີ່ບໍ່ມີມູນຄວາມຈິງ, ໃສ່ຮ້າຍປ້າຍສີ ແລະ ອື່ນໆຂອງບຸກຄົນ, ສື່ສັງຄົມອອນລາຍຈຳນວນໜຶ່ງຢ່າງທັນການ.

ຈາກຄວາມເປັນຫ່ວງເປັນໃຍຂອງພັກ-ລັດຖະບານທີ່ມີຕໍ່ປະຊາຊົນລາວບັນດາເຜົ່າ, ພວກເຮົາເຫັນໄດ້ຢ່າງຈະແຈ້ງແລ້ວວ່າ ນາງ ຮວຍເຮືອງ ໄຊຍະບູລີ ຫຼື ໜວຍ ມີເຈດຕະນາ ໂຄສະນາໃສ່ຮ້າຍປ້າຍສີຕ້ານ ສປປ ລາວ.

 

Off

Comments are closed.