27th Sep2019

ລາວ-ເກົາຫຼີ ຮ່ວມກັນພັດທະນາ ວຽກງານສືບສວນ-ສອບສວນ ອັກຄີໄພ.

by somchan

ກົມຕຳຫຼວດສະກັດກັ້ນ ແລະ ຕ້ານອັກຄີໄພ ກົມໃຫຍ່ຕຳຫຼວດ ກະຊວງ ປ້ອງກັນຄວາມສະຫງົບ ລາວ ແລະ ສະຖາບັນສືບສວນ-ສອບສວນ ອັກຄີໄພ ສ ເກົາຫຼີ ໄດ້ຮ່ວມກັນຈັດຝຶກອົບຮົມ ວຽກງານສະກັດກັ້ນ ແລະ ຕ້ານອັກຄີໄພ.

ໃນວັນທີ 27 ກັນຍາ 2019 ນີ້ ທີ່ໂຮງແຮມເມືອງແທ໋ງ ນະຄອນຫຼວງວຽງຈັນ ຝ່າຍລາວນຳໂດຍ ພັນໂທ ວິລະພອນ ວົງຄຳມຸນຕີ ຮອງຫົວໜ້າກົມຕຳຫຼວດສະກັດກັ້ນ ແລະ ຕ້ານອັກຄີໄພ ກົມໃຫຍ່ຕຳຫຼວດ ແລະ ຝ່າຍເກົາຫຼີນຳໂດຍ ທ່ານກິມກວາງຊ້ອນ ຫົວໜ້າສະຖາບັນສືບສວນ-ສອບສວນ ອັກຄີໄພ ສ ເກົາຫຼີ ໂດຍມີນັກສຳມະນາກອນຈາກພາກສ່ວນອັກຄີໄພ ກົມຕຳຫຼວດສະກັດກັ້ນ ແລະ ຕ້ານອັກຄີໄພ ເຂົ້າຮ່ວມ.

ການຝຶກອົບຮົມວຽກງານສະກັດກັ້ນ ແລະ ຕ້ານອັກຄີໄພ ໃນຄັ້ງນີ້ ເພື່ອເປັນການພັດທະນາວຽກງານສືບສວນ-ສອບສວນ ອັກຄີໄພ ໃຫ້ມີຄວາມທັນສະໄໝ ເຂັ້ມແຂງ, ເພື່ອເປັນການແລກປ່ຽນບົດ ແລະ ປະສົບການວຽກງານອັກຄີໄພ. ເປັນຕົ້ນ ການກວດກາ ເກັບກຳຂໍ້ມູນຫຼັກຖານ ຄົ້ນຫາສາເຫດຂອງການເກີດອັກຄີໄພ ໃຫ້ມີຄວາມຖືກຕ້ອງຊັດເຈນ. ເຊິ່ງການຝຶກອົບຄັ້ງນີ້ແມ່ນດຳເນີນໄປເປັນເວລາ 1 ວັນ.

ໃນໂອກາດດຽວກັນນີ້ ສະຖາບັນສືບສວນ-ສອບສວນ ອັກຄີໄພ ສ ເກົາຫຼີ ຍັງໄດ້ມອບລົດມອດໄຟ້ 1 ຄັນ ເພື່ອໃຊ້ເຂົ້າໃນວຽກງານສະກັດກັ້ນ ແລະ ຕ້ານອັກຄີໄພອີກດ້ວຍ

Off

Comments are closed.