01st Oct2019

ລມຕ ກະຊວງປ້ອງກັນຄວາມສະຫງົບ ມອບເຄື່ອງຊ່ວຍເຫຼື່ອຜູ້ປະສົບໄພນ້ຳຖ້ວມ

by somchan

ໃນວັນທີ 1 ຕຸລາ 2019 ທ່ານ ພົນໂທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ ພ້ອມດ້ວຍຄະນະ ໄດ້ນຳເອົາເຄື່ອງອຸປະໂພກ-ບໍລິໂພກ ,ວັດຖຸປັດໄຈຈຳນວນໜຶ່ງໄປມອບໃຫ້  ທ່ານ ເຈົ້າແຂວງໆສະຫວັນນະ ເຂດ ເພື່ອນຳໄປມອບຕໍ່ໃຫ້ປະຊາຊົນ ທີ່ຖືກຜົນກະທົບຈາກໄພພິບັດ(ນໍ້າຖ້ວມ) ເຄື່ອງທີ່ນຳມາມອບໃນຄັ້ງນີ້ມີເກີບຜູ້ໃຫຍ່ 600 ຄູ່, ເກີບເດັກນ້ອຍ 500 ຄູ່,ເຄື່ອງນຸ່ງຫົ່ມຈຳນວນ 725 ຜືນ/ຊຸດ ແລະ ກະເປົາ ຈຳນວນ 20 ໜ່ວຍ , ຄິດເປັນມູນຄ່າ 89,600,000 ກີບ ແລະ ເງີນສົດ 80,000,000 ກີບ ລວມມູນຄ່າທັງ ໝົດ 169,600,000 ກີບ, ເຊິ່ງກ່າວມອບໂດຍທ່ານ ພົທ ວິໄລ ຫຼ້າຄຳຟອງ ແລະ ກ່າວຮັບໂດຍ ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ,ມີຄະນະກົມ,ຄະນະກອງບັນຊາການ ປກສ ແຂວງ  ແລະ ພະນັກງານທີ່ກ່ຽວຂ້ອງເຂົ້າຮ່ວມເປັນສັກຂີພະຍານ.

ທ່ານ ສັນຕິພາບ ພົມວິຫານເຈົ້າແຂວງສະຫວັນນະເຂດ ໄດ້ກ່າວສະແດງຄວາມຂອບໃຈມາຍັງ ທ່ານ ລັດຖະມົນຕີ ກະຊວງປ້ອງກັນຄວາມສະຫງົບ ພ້ອມຄະນະ ແລະ ຕະຫຼອດຮອດນາຍແລະພົນຕຳຫຼວດທຸກພາກສ່ວນ ແລະ ບຸກຄົນໄດ້ປະກອບສ່ວນບິແບ່ງນ້ຳໃຈ ເພື່ອຊ່ວຍ ເຫຼືອເຄື່ອງອຸປະກອນດັ່ງກ່າວເຊິ່ງກັນ ແລະກັນໃນຍາມຫຍຸ້ງຍາກ ແລະ ຈະນຳເອົາວັດຖຸປັດໄຈດັ່ງກ່າວໄປມອບຕໍ່ໃຫ້ປະຊາຊົນທີ່ໄດ້ຮັບຜົນກະທົບດັ່ງກ່າວ.

Off

Comments are closed.