02nd Oct2019

ກອງປະຊຸມປຶກສາຫາລືກະກຽມສະເຫຼີມສະຫຼອງ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ

by somchan

ກອງປະຊຸມປຶກສາຫາລືກະກຽມສະເຫຼີມສະຫຼອງ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ໄດ້ຈັດໃນວັນທີ 2 ຕຸລາ ນີ້. ພາຍໃຕ້ການເປັນປະທານຂອງ ພົນຕີ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ມີຄະນະຊີ້ນຳລວມ ແລະ ບັນດາອະນຸກຳມະການເຂົ້າຮ່ວມ.

ໃນກອງປະຊຸມບັນດາອະນຸກຳມະການທີ່ຮັບຜິດຊອບແຕ່ລະວຽກງານໄດ້ພ້ອມກັນລາຍງານຄວາມຄືບໜ້າໃນການກະກຽມແຕ່ລະວຽກງານ ພ້ອມທັງປຶກສາຫາລືແລກປ່ຽນບົດຮຽນເຊິ່ງກັນ ແລະ ກັນ. ເພື່ອຮັບປະກັນໃນການສະເຫຼີມສະຫຼອງວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ໃຫ້ມີເນື້ອໃນຄວາມໝາຍເລິກເຊິ່ງ, ມີບັນຍາກາດຟົດຟື້ນ ແລະ ບັນລຸຜົນສຳເລັດດ້ວຍໝາກຜົນອັນຈົບງາມ.

ໂອກາດດັ່ງກ່າວ ພົນຕີ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ມີທິດຊີ້ນຳ ແລະ ເນັ້ນໜັກໃຫ້ບັນດາອະນຸກຳມະການດ້ານຕ່າງໆ ຈົ່ງພ້ອມກັນສືບຕໍ່ຄົ້ນຄວ້າ, ສ້າງແຜນການ ແລະ ປຶກສາຫາລືກັນ, ສະຫຼຸບລາຍງານໝາກຜົນໃນການກະກຽມ, ຄວາມຄືບໜ້າ, ຜົນສຳເລັດ ແລະ ບັນດາຂໍ້ຫຍຸ້ງຍາກໃນການຈັດຕັ້ງປະຕິບັດໃຫ້ຄະນະຊີ້ນຳຊາບເປັນປົກກະຕິ ເພື່ອຄົ້ນຄວ້າ, ວາງແຜນການໃຫ້ຖືກຕ້ອງສອດຄ່ອງ ແລະ ທັນການ ທັງນີ້ກໍ່ເພື່ອຮັບປະກັນໃຫ້ການກະກຽມ ແລະ ສະເຫຼີມສະຫຼອງວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ຮັກສາໄດ້ຄວາມສະຫງົບ, ເຕັມໄປດ້ວຍບັນຍາ ກາດຟົດຟື້ນ ແລະ ມີຜົນສຳເລັດຕາມຄາດໝາຍ.

Off

Comments are closed.