02nd Oct2019

ລມຕ ກະຊວງ ປກສ ມອບເຄື່ອງຊ່ວຍເຫຼືອ ຜູ້ປະສົບໄຟນ້ຳຖ້ວມ ທີ່ແຂວງຄຳມ່ວນ

by somchan

ວັນທີ 30 ກັນຍາ 2019 ນີ້ຢູ່ທີ່ຫ້ອງວ່າການປົກຄອງ ແຂວງຄຳມ່ວນ, ພົທ ວິໄລ ຫຼ້າຄຳຟອງ ເລຂາທິການສູນກາງພັກລັດຖະມົນຕີ ກະຊວງປ້ອງກັນຄວາມສະຫງົບພ້ອມຄະນະ ໄດ້ນຳເອົາເຄື່ອງອຸປະໂພກ,ບໍລິໂພກ ພ້ອມດ້ວຍເງີນສົດຈຳນວນ 70,000,000 ກີບ ມາມອບໃຫ້ຫ້ອງວ່າການປົກຄອງແຂວງ ເພື່ອນຳເອົາໄປຊ່ວຍເຫຼືອພໍ່ແມ່ປະຊາຊົນ ຜູ້ທີ່ຖືກຜົນກະທົບຈາກໄພພິບັດນ້ຳຖ້ວມ ຂອງແຂວງ ລວມມູນຄ່າໃນການຊ່ວຍເຫຼືອຄັ້ງນີ້ຈຳນວນ 100,000,000 ກີບ ( ໜື່ງຮ້ອຍລ້ານກີບ ) ໃນໂອກາດທີທ່ານລັດຖະມົນຕີ ກະຊວງ ປກສ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ ແຂວງ ຄຳມ່ວນ ພ້ອມຄະນະ ໂດຍການກ່າວມອບຂອງ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະ ມົນຕີກະຊວງປ້ອງກັນຄວາມສະຫງົບກ່າວຮັບໂດຍທ່ານ ໂອໃດ ສຸດາພອນ ກຳມະ ການສູນກາງພັກ ເລຂາພັກແຂວງ ເຈົ້າແຂວງໆຄຳມ່ວນ, ມີບັນດາພະນັກງານຫຼັກແຫຼ່ງ ຂອງສອງພາກສ່ວນເຂົ້າຮ່ວມ.

 

ໃນໂອກາດທີ່ມີຄວາມໝາຍຄວາມສຳຄັນທ່ານ ໂອໃດ ສຸດາພອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຄຳມ່ວນກໍ່ໄດ້ກ່າວສະແດງຄວາມຂອບອົກຂອບໃຈ ແລະ ຮູ້ບຸນຄຸນຢ່າງສູງມາຍັງທ່ານລັດຖະ ມົນຕີກະຊວງປ້ອງກັນຄວາມສະຫງົບພ້ອມຄະນະ ທີ່ໄດ້ໃຫ້ການຊ່ວຍເຫຼືອໃນຄັ້ງນີ້ ພ້ອມທັງອວຍພອນໃຫ້ທ່ານພ້ອມຄະນະ ຈົ່ງປະສົບຜົນສຳເລັດໃນໜ້າທີວຽກງານທຸກປະການ ເຄື່ອງຈຳນວນດັ່ງກ່າວນີ້ ທາງແຂວງຄຳມ່ວນ ຈະໄດ້ນຳໄປແຈກຍາຍຊ່ວຍເຫຼືອພໍ່ແມ່ປະຊາຊົນຢູ່ ບັນດາເມືອງທີ່ຖືກຜົນກະທົບໄພພິບັດນ້ຳຖ້ວມ.

Off

Comments are closed.