04th Oct2019

ສອງວິທະຍາຄານສະເຫຼີມສະຫຼອງວັນຄູແຫ່ງຊາດ ທີ 7 ຕຸລາ ຄົບຮອບ 25 ປີ

by somchan

ວິທະຍາຄານສັນຕິບານປະຊາຊົນ ສະເຫຼີມສະຫຼອງວັນຄູແຫ່ງຊາດ ທີ 7 ຕຸລາຄົບຮອບ 25 ປີ ໃນວັນທີ 4 ຕຸລາ 2019 ນີ້ ໂດຍການເຂົ້າຮ່ວມ ແລະ ປະຖະກະຖາ ຂອງ ພົຈວ ວັນເຮືອງ ນັນທະຈັກ ຜູ້ອຳນວຍການວິທະຍາຄານ ສັນຕິບານປະຊາຊົນ ມີບັນດາ ແຂກຖືກເຊີນ ຄະນະຄູອາຈານ ແລະ ນັກສຶກສາເຂົ້າຮ່ວມ.

ພົຈວ ປອ ວັນເຮືອງ ນັນທະຈັກ ໄດ້ຍົກໄຫ້ເຫັນປະຫວັດຄວາມເປັນມາ ຂອງວັນຄູແຫ່ງຊາດ ປີ1905 ໃນເວລານັ້ນຄົນລາວທີ່ໄດ້ເຂົ້າໂຮງຮຽນແມ່ນໜ້ອຍທີ່ສຸດ ໃນນັ້ນຜູ້ໜຶ່ງແມ່ນ ທ້າວ ຄຳ ໄດ້ຮຽນຈົບ ປໍ6 ແລະ ໄດ້ເຂົ້າຮ່ວມ ຝຶກອົບຮົມຄູເປັນຜູ້ທຳອິດຂອງຄົນລາວ ຈາກນັ້ນຈື່ງເຂົ້າເຮັດການເປັນຄູສອນເລີ່ມແຕ່ວັນທີ 7 ຕຸລາ ປີ 1907 ຕະຫຼອດຊີວິດຂອງນາຍຄູຄຳ ນອກຈາກເຮັດໜ້າທີ່ສິດສອນແລ້ວຍັງໄດ້ເຂົ້າຮ່ວມຂະບວນການນຳພາປະຊາຊົນ ລາວລຸກຂື້ນຕໍ່ສູ້ຕ້ານພວກຈັກກະພັດຜູ້ຮຸກຮານທັງເຮັດຫນ້າທີ່ຂົນຂວາຍນັກຮຽນເພື່ອເຂົ້າຮ່ວມຂະບວນການດັ່ງກ່າວຈົນໄດ້ຮັບໄຊຊະນະ ພາຍຫຼັງສະຖາປະນາເປັນ ສປປລາວ ໃນວັນທີ 2 ທັນວາ1975 ພັກ ແລະ ລັດຖະບານ ໄດ້ພັດທະນາການສຶກສາຢ່າງແຂງແຮງຮອບດ້ານ ເຮັດໃຫ້ລະບົບການສຶກສາຢູ່ປະເທດລາວມີຄວາມເຕີບໃຫ່ຍເຂັ້ມແຂງ ແລະ ໄດ້ກຳນົດເອົາວັນທີ 7 ຕຸລາ ຂອງທຸກໆປີ ເປັນວັນຄູແຫ່ງຊາດ ເພື່ອລະນຶກເຖີງຄຸນງາມຄວາມດີ ຂອງຄູອາຈານທີ່ ໄດ້ປະກອບສ່ວນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຮຸ່ງເຮືອງສີວິໄລ.ໃນພິທີຜູ້ເຂົ້າຮ່ວມຍັງໄດ້ພ້ອມກັນຮັບຊົມການສະແດງສິນລະປະວັນນະຄະດີ, ຮ້ອງເພັງ ແລະ ຂັບລຳ ຂອງນັກສຶກສາຕື່ມອີກ.

ແລະ ໃນວັນດຽວກັນນີ້ ວິທະຍາຄານຕຳຫລວດປະຊາຊົນ ກໍ່ໄດ້ສະເຫຼີມສະຫຼອງວັນຄູແຫ່ງຊາດທີ 7 ຕຸລາ ຄົບຮອບ 25ປີ ເຊັ່ນດຽວກັນໂດຍ ການເປັນກຽດເຂົ້າຮ່ວມຂອງ ພົຈວ ປອ ບຸນຊູ ນາມມະຈັກ ຜູ້ອຳນວຍການ ວິທະຍາຄານຕຳຫລວດປະຊາຊົນ ມີບັນດາແຂກຖືກເຊີນ ຄູ-ອາຈານ ແລະ ນັກສຶກສາເຂົ້າຮ່ວມ.

Off

Comments are closed.