30th Oct2019

ພິທີປະກາດເລື່ອນຊັ້ນ ພັຕ ຂຶ້ນ ພັທ ໃຫ້ນາຍຕຳຫຼວດໃນກຳລັງ ປກສ

by somchan

ພິທີປະກາດເລື່ອນຊັ້ນພັຕ ຂຶ້ນ ພັທ ໃຫ້ນາຍຕຳຫຼວດໃນກຳລັງປ້ອງກັນຄວາມສະຫງົບ, ໄດ້ຈັດໃນວັນທີ 30 ຕຸລາ 2019 ນີ້, ເປັນກຽດເຂົ້າຮ່ວມຂອງ ພົຕ ວັນທອງ ກອງມະນີ ຫົວໜ້າກົມໃຫຍ່ການເມືອງ ປ້ອງກັນຄວາມສະຫົງບ, ມີຄະນະພັກ-ຄະນະບັນຊາ, ມີຫ້ອງການເມືອງກົມກອງອ້ອມຂ້າງກະຊວງ, ພະແນກການເມືອງປກສແຂວງທົ່ວປະເທດ, ພະນັກງານຫຼັກແຫຼ່ງ ແລະ ນາຍຕຳຫຼວດທີ່ໄດ້ຮັບການເລື່ອນຊັ້ນເຂົ້າຮ່ວມ.

ພັທ ຄຳພອນ ແສງສາລິຈັນ ຮອງຫົວໜ້າກົມຈັດຕັ້ງພະນັກງານ ກົມໃຫຍ່ການເມືອງປ້ອງກັນຄວາມສະຫງົບໄດ້ຜ່ານຂໍ້ຕົກລົງ ຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການເລື່ອນຊັ້ນໃຫ້ນາຍຕຳຫຼວດກົມກອງອ້ອມຂ້າງກະຊວງ ປ້ອງກັນຄວາມສະຫົງບ ແລະ ທ້ອງຖິ່ນໃນນີ້ ເລື່ອນຊັ້ນ ພັຕ ຂຶ້ນເປັນ ພັທ ຈຳນວນ 346 ສະຫາຍ, ຈາກ ກົມກອງອ້ອມຂ້າງກະຊວງ ປກສ ມີ 135 ສະຫາຍ, ກົມກອງທ້ອງຖິ່ນ 211 ສະຫາຍ. ທັງນີ້, ເພື່ອປະຕິບັດນະໂຍບາຍຂອງພັກ-ລັດທີ່ມີຕໍ່ນາຍຕຳຫຼວດ ຜູ້ທີ່ມີຜົນສຳເລັດໃນການປະຕິບັດໜ້າທີ່ວຽກງານ ແລະ ຄົບມາດຖານເງື່ອນໄຂຂອງການເລື່ອນຊັ້ນ ທີ່ໄດ້ກຳນົດໄວ້ໃນກົດໝາຍວ່າດ້ວຍກຳລັງປ້ອງກັນຄວາມສະຫົງບປະຊາຊົນ. ໃຫ້ກຽດປະດັບຊັ້ນໂດຍ ພົຕ ວັນທອງ ກອງມະນີ ຫົວໜ້າກົມໃຫຍ່ການເມືອງປ້ອງກັນຄວາມສະຫງົບ.

ໂອກາດດຽວກັນນີ້, ທ່ານກໍ່ໄດ້ໂອ້ລົມ ແລະ ໃຫ້ທິດຊີ້ນຳແກ່ນາຍຕຳຫຼວດທີ່ໄດ້ຮັບການເລື່ອນຊັ້ນໃນຄັ້ງນີ້ ຈົ່ງຕັ້ງໜ້າຄົ້ນຄ້ວາເຊື່ອມຊືມພື້ນຖານແນວຄິດ-ທິດສະດີຂອງພັກ, ບັນດາເນື້ອໃນຈິດໃຈມະຕິກອງປະຊຸມໃຫຍ່ຂອງພັກ, ຂອງກະຊວງປ້ອງກັນຄວາມສະຫົງບ, ກໍ່ຄືມະຕິກອງປະຊຸມໃຫຍ້ຂັ້ນຂອງຕົນໃຫ້ເປັນວຽກງານລະອຽດໃນຂອບເຂດຄວາມຮັບຜິດຊອບ, ໂດຍສຸມໃສ່ແກ້ໄຂບັນຫາຫາງສຽງຂອງສັງຄົມ, ເອົາໃຈໃສ່ປັບປຸງແບບແຜນວິທີເຮັດວຽກໃຫ້ມີວິທະຍາສາດ, ກ້າຄິດ, ກ້າເຮັດ ແລະ ກ້າຮັບຜິດຊອບ ໂດຍຖືເອົາຜົນປະໂຫຍດຂອງຊາດ ແລະ ປະຊາຊົນເປັນບ່ອນອີງ, ທັງສອດຄ່ອງກັບລະບຽບກົດໝາຍ.

Off

Comments are closed.