30th Oct2019

ກອງປະຊຸມໃຫຍ່ຄັ້ງທີ 4 ຂອງຫນ່ວຍພັກ ຮາກຖານກົມປ້ອງກັນກຳລັງ ກົມໃຫຍ່ການ ເມືອງ ປກສ

by somchan

ກອງປະຊຸມໃຫ່ຍຄັ້ງທີ 4 ຂອງຫນ່ວຍພັກຮາກຖານ ກົມປ້ອງກັນກຳລັງ ກົມໃຫຍ່ການ ເມືອງ ປກສ ໄດ້ຈັດໃນວັນທີ 30 ຕຸລາ 2019 ນີ້ ໂດຍການເປັນກຽດເຂົ້າຮ່ວມຂອງ ພຈົວ ຄຳກີ່ງ ຜຸຍຫລ້າມະນີວົງ ຄະນະປະຈຳພັກກົມໄຫຍ່ ຮອງຫົວຫນ້າກົມໃຫຍ່ການ ເມືອງ ປກສ ມີບັນດາ ຕາງຫນ້າຈາກ 14 ຫນ່ວຍພັກອ້ອມຂ້າງ ແລະ ສະມາຊິກພັກເຂົ້າ ຮ່ວມ

ພັທ ບຸນມະນີ ຫຼ້າພິມພອນ ຮອງເລຂາຄະນະພັກ ຮັກສາການຫົວຫນ້າ ກົມປ້ອງກັນກຳລັງ ໄດ້ກວ່າວ່າ: ໄນໄລຍະ 3 ປີ ຜ່ານມາຄະນະພັກຄະນະບັນຊາ ໄດ້ເອົາໃຈໄສ່ສຶກສາອົບຮົມການເມືອງ – ແນວຄິດໃຫ້ສະມາຊິກພັກ ພະນັກ ງານນັກຮົບ ເປັນຕົ້ນໄດ້ນຳພາສະມາຊິກ ຄົ້ນຄ້ວາເຊື່ອມຊຶມແນວທາງນະໂຍບາຍ ຂອງພັກ ມະຕິຄຳສັ່ງຕ່າງໆຂອງລັດ ເພື່ອຍົກສູງສະຕິລະວັງຕົວ ກຽມພ້ອມປະກອບ ສ່ວນປົກປັກຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ ຊີ້ນຳ-ນຳພາແຕ່ລະພະແນກເຄື່ອນໄຫວຕາມພາລະບົດບາດ ເປັນຕົ້ນ ໄດ້ເປີດຊຸດຝຶກອົບຮົມລະບຽບວິໄນໃຫ້ພະນັກງານ-ນັກຮົບອ້ອມຂ້າງກົມ 501 ໄດ້ 3 ຄັ້ງ ເປີດກອງປະຊຸມຮ່ວມກັບພາກສ່ວນທີ່ກ້ຽວຂ້ອງເພື່ອປັບປຸງ 13 ຈັງວະ ວິຊາ ງົດງາມພື້ນຖານມືເປົ່າຄົງທີ່ ແລະ ເຄື່ອນທີ່ ສະເຫນີປັບປຸງຄຳສັ່ງຂອງທ່ານ ລມຕ ກະຊວງ ປກສ ວ່າດ້ວຍການປັບປຸງລະບຽບວິໄນຂອງກຳລັງ ປກສ ສົມທົບກັບ ກົມກອງທີ່ກ່ຽວຂ້ອງ ຄັດເລືອກກວດກາຮັບກຳລັງໃຫມ່ ກຳລັງທົດແທນ ຄັດເລືອກນັກຮຽນທີ່ສຳເລັດການສືກສາ ເຂົ້າກຳລັງໃຫມ່ ສຳເລັດ ຕາມຄາດຫມາຍ ໄດ້ພົບປະແລກປ່ຽນບົດຮຽນກ່ຽວການແກ້ໄຂປະກົດການຫຍ້ທໍ້ພາຍໃນກຳລັງ ໃນໄລຍະຜ່ານມາສາມາດແກ້ໄຂປະກົດການຫຍໍ້ທໍ້ຕ່າງໆ ເຊັ່ນ ຄຳຮ້ອງຟ້ອງ ຄຳຮ້ອງທຸກ ຄຳຂໍຄວາມເປັນທຳ ແລະ ໃບສະເຫນີຕ່າງໆ 247ເລື່ອງ ແກ້ໄຂສຳເລັດ 174 ເລື່ອງ ພວມດຳເນີນ 25 ເລື່ອງມອບໃຫ້ກົມກອງດຳເນີນ 35 ເລື່ອງ ລົງເຄື່ອນໄຫວເກັບກຳຂໍ້ມູນຢູ່ກົມກອງທ້ອງຖີ່ນ 88 ຄັ້ງ 176 ແຮງງານ ຜະລິດປ້າຍຊື່ ໃຫ້ພະນັກງານໄດ້ 7.012 ຄູ່ ຄົ້ນຄວ້າ ອອກແບບກາຕິດຄໍເສື່ອ ເຄື່ອງແບບຊຸດນ້ອຍ ໂລໂກ້ ວິທະຍາຄານ ຕຳຫຼວດປະຊາຊົນ ແລະ ວິທະຍາຄານ ສັນຕິບານປະຊາຊົນ ອານຸດມັດນຳໃຊ້ແລ້ວ ປັບປຸງຕົວອັກສອນຫຍໍ້ຂອງບັນດາກົມ ກອງແລະທ້ອງຖີ່ນ ສຳເລັດທົ່ວປະເທດ ອອກແບບຫລຽນກາລະນຶກກົມ 509 ຄົບຮອບ 40 ປີ ຫລຽນກາລະນຶກ 60 ປີຂອງກຳລັງ ປກສ ໄດ້ສຳເລັດ.

ຈາກຜົນງານດັ່ງກ່າວ, ຈື່ງເຮັດໃຫ້ ພະນັກງານນັກຮົມພາຍໃນກົມ ໄດ້ຮັບນະ ໂຍບາຍເລື່ອນຊັ້ນຂັ້ນຕ່າງໆ 18 ສະຫາຍ ເລື່ອນຕຳແຫນ່ງ 6 ສະຫາຍ ຫລຽນໄຊ ຫລຽນກາແຮງງານຈຳນວນຫນຶ່ງ ໄປຍົກລະດັບວິຊາສະເພາະທັງພາຍໃນ ແລະ ຕ່າງ ປະເທດ 17 ສະຫາຍ ຈາກນັ້ນຜູ້ເຂົ້າຮ່ວມກອງປະຊຸມໄດ້ພ້ອມກັນປະກອບຄຳຄິດ ຄຳເຫັນໃສ່ບົດສະຫລຸບ ເພື່ອໃຫ້ມີເນື້ອໃນຄົບຖ້ວນສົມບູນ ແລະ ໃຊ້ສິດປະຊາທິປະໄຕ ເລືອກເອົາຄະນະພັກຊຸດໃຫມ່ ເຊິ່ງມີຜູ້ສະຫມັກ 5 ສະຫາຍ ເລືອກເອົາ 3 ສະຫາຍ ໄດ້ຕາມລະດັບຄາດຫມາຍ.

Off

Comments are closed.