31st Oct2019

ປະທານປະເທດ ໂອ້ລົມຕໍ່ກອງປະຊຸມໃຫ່ຍ ຄັ້ງທີ 5 ສະໄໝທີ 7 ຂອງສູນກາງຊາວໜຸ່ມປະຊາຊົນປະຕິວັດລາວ

by somchan

ທ່ານ ບຸນຍັງ ວໍລະຈິດ ເລຂາທິການໃຫ່ຍ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ ໄດ້ໂອ້ລົມຕໍ່ກອງປະຊຸມໃຫຍ່ ຄັ້ງທີ 5 ສະໄໝທີ 7 ຂອງສູນກາງຊາວໜຸ່ມປະຊາຊົນ ປະຕິວັດລາວ, ໃນວັນທີ 30 ຕຸລາ 2019 ນີ້ ສະຫາຍ ບຸນຍັງ ວໍລະຈິດ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ການເຄືອນໄຫວໃນໄລຍະຜ່ານມາ ເຊິ່ງຍາມໃດຊາວໜຸ່ມປະຊາຊົນ ປະຕິວັດລາວ ກໍ່ເປັນກຳລັງອັນສຳຄັນ ໃນການປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ມີຄວາມຈະເລີນຮຸ່ງເຮືອງເປັນກ້າວໆມາ.

ພ້ອມນີ້, ຍັງໄດ້ເໜັ້ນໜັກໃຫ້ບັນດາສະຫາຍຊາວໜຸ່ມ ປະຊາຊົນປະຕິວັດລາວ ຈົ່ງເສີມຂະຫຍາຍມູນເຊື້ອອັນພິລາອາດຫານຂອງຊາວໜຸ່ມຮຸ່ນກ່ອນ ໃຫ້ເປັນແວ່ນແຍງ ແລະ ໄດ້ສຶກສາຮ່ຳຮຽນຖອດຖອນເອົາຄວາມຮູ້ຄວາມສາມາດຂອງທ່ານຜູ້ນຳໃນເມືຶ່ອກ່ອນ, ໜູນໃຊ້ເຂົ້າໃນວຽກງານຕົວຈິງໃຫ້ມີຜົນສຳເລັດ, ຕັ້ງໜ້າປັບປຸງກໍ່ສ້າງອົງການຈັດຕັ້ງຂອງຊາວໜຸ່ມໃຫ້ມີຄວາມໜັກແໜ້ນເຂັ້ມແຂງ ມີແບບແຜນໃນການນຳພາ ປະຕິບັດພາລະບົດບາດຂອງຕົນໃຫ້ມີປະສິດທິຜົນສູງ, ເພີ່ມທະວີຄວາມສາມາດນຳພາ, ສຶກສາອົບຮົມ, ເຕົ້າໂຮມຄວາມສາມັກຄີ ກຳລັງແຮງຂອງມະຫາຊົນຊາວໜຸ່ມເຂົ້າສູ່ການຈັດຕັ້ງ ແລະ ມີລັກສະນະທົ່ວປວງຊົນ ແລະ ມີຄວາມເປັນເອກະພາບ ເອົາໃຈໃສ່ຍົກສູງຄຸນນະພາບຂອງຊາວໜຸ່ມໃຫ້ມີຄວາມຮູ້ຄວາມສາມາດໃຫ້ສູງຂື້ນ ເປັນແບບຢ່າງທາງດ້ານແນວຄິດ, ການກະທຳ, ມີຄວາມບຸກບືນຫ້າວຫັນນຳໜ້າໃນທຸກວຽກງານ, ຄະນະຊາວໜຸ່ມແຕ່ລະຂັ້ນ, ແຕ່ລະທ້ອງຖິ່ນຕ້ອງນຳພາສະມາຊິກເຄື່ອນໄຫວຈັດຕັ້ງປະຕິບັດໃນທຸກວຽກງານຂອງຊາດໃນຫຼາຍຂະແໜງການສາຂາວິຊາອາຊີບ, ເພື່ອສ້າງຊາວໜຸ່ມ, ເຍົາວະຊົນຮຸ່ນໃໝ່ໃຫ້ກາຍເປັນຜູ້ສືບທອດແຫ່ງຍຸກສະໄໝ, ສົມກັບຄຳຂະໜານນາມຂອງປະທານໄກສອນ ພົມວິຫານ ທີ່ວ່າ: ຊາວໝຸ່ມຈົ່ງເປັນດັ່ງນົກອິນຊີທີ່ບໍ່ຫວັ່ນກົວຕໍ່ພາຍຸລົມແດງຈົ່ງກາຍເປັນສິນໄຊແຫ່ງຍຸກສະໄໝ.

Off

Comments are closed.