09th Dec2019

ຈັບຕົວພວກລັກລອບຄ້າຂາຍຢາເສບຕິດ ໄດ້ 3 ຄົນພ້ອມຂອງກາງຢາບ້າ 36 ມັດ ເທົ່າກັບ 72,000 ເມັດ

by somchan

ເມືອບໍ່ດົນມານີ້ ເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງວຽງຈັນ ລົງເຄື່ອນໄຫວຕິດຕາມເປົ້າໝາຍ ຄ້າຂາຍຢາເສບຕິດ ສາມາດກັກຕົວເປົ້າໝາຍໄດ້ 3 ຄົນ ຢູ່ໃນເຮືອນພັກແຫ່ງໜຶ່ງ ຂອບເຂດເມືອງໂພນໂຮງ ພ້ອມດ້ວຍຂອງກາງຢາບ້າ ຈຳນວນ 36 ມັດ ເທົ່າກັບ 72,000 ເມັດ ຜູ້ຕ້ອງຫາທັງ 3 ຄົນຄື: ທ້າວ ໂພ ອາຍຸ 52 ປີ ຢູ່ ບ້ານ ວຽງຄໍາ, ເມືອງ ປາກກະດິງ, ແຂວງ ບໍລິຄຳໄຊ, ທ້າວ ທອງຈັນ ອາຍຸ 42 ປີ ຢູ່ ບ້ານ ໂນນຄໍ້ໃຕ້, ເມືອງໄຊເສດຖາ, ນະຄອນຫຼວງວຽງຈັນ ແລະ ທ້າວຄຳຕາ ອາຍຸ 49 ປີ, ຢູ່ ບ້ານ ທົ່ງຈະເລີນ, ເມືອງ ຄຳເກີດ, ແຂວງ ບໍລິຄຳໄຊ ເຈົ້າໜ້າທີ່ຈຶ່ງໄດ້ກັກຕົວພວກກ່ຽວທັງ 3 ຄົນ ມາດໍາເນີນການສືບສວນ-ສອບສວນ

ຜ່ານການສຶບສວນ – ສອບສວນ ຂອງເຈົ້າໜ້າທີ່ພວກກ່ຽວໄດ້ຮັບສາລະພາບວ່າ: ຢາບ້າ ຈຳນວນດັ່ງກ່າວແມ່ນເປັນຂອງພວກກ່ຽວແທ້

ປະຈຸບັນເຈົ້າໜ້າທີ່ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງວຽງຈັນ ພວມດຳເນີນການສືບສວນ-ສອບສວນພວກກ່ຽວທັງ 3 ຄົນ ເພື່ອຂະຫຍາຍຜົນຫາຜູ້ຮ່ວມຂະບວນການມາລົງໂທດຕາມກົດໝາຍ ໃນຂັ້ນຕໍ່ໄປ.

Off

Comments are closed.