10th Dec2019

ຮອງລັດຖະມົນຕີ ກະຊວງ ປກສ ຕ້ອນຮັບການເຂົ້າຢ້ຽມຂໍ່ານັບ ຄະນະຜູ້ແທນ ກົມປ້ອງກັນຄວາມສະຫງົບການເມືອງພາຍໃນ ສສ ຫວຽດນາມ

by somchan

ໃນວັນທີ 9 ທັນວາ 2019 ນີ້, ພົຕ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງ ພົຕ ຫງຽວນ ຄັກແຄງ ຫົວໜ້າກົມປ້ອງກັນຄວາມສະຫົງບ ການເມືອງພາຍໃນ ກະຊວງ ຕຳຫຼວດ ສສ ຫວຽດນາມ ພ້ອມຄະນະ. ໃນໂອກາດທີ່ທ່ານເດີ່ນທາງມາຢ້ຽມຢາມ ແລະ ພົບປະແລກປ່ຽນບົດຮຽນກັບກົມໃຫຍ່ສັນຕິບານ ກະຊວງປ້ອງກັນຄວາມສະຫົງບ ລາວໃນລະຫ່ວາງວັນທີ 9-13 ທັນວານີ້.

ໂອກາດດັ່ງກ່າວ ພົຕ ຫງຽວນ ຄັກແຄງ ໄດ້ລາຍງານຕໍ່ທ່ານຮອງລັດຖະມົນຕີ ໃນການມາພົບປະແລກບົດຮຽນກັບ ກົມໃຫຍ່ສັນຕິບານ ກະຊວງປ້ອງກັນຄວາມສະຫງົບລາວ ໃນຄັ້ງນີ້ ໂດຍປະຕິບັດຕາມບົດບັນທຶກການຮ່ວມມືຂອງສອງກະຊວງປ້ອງກັນຄວາມສະຫົງບລາວ ແລະ ກະຊວງຕຳຫຼວດ ຫວຽດນາມ ເວົ້າລວມ, ເວົ້າສະເພາະກໍຄື ສອງກົມ. ເຊີ່ງຈະໄດ້ມີການແລກປ່ຽນບົດຮຽນວຽກງານວິຊາສະເພາະດ້ານຕ່າງໆ ເປັນຕົ້ນແມ່ນ ວຽກງານຮັກສາຄວາມສະຫງົບທາງດ້ານການເມືອງ, ວຽກງານປ້ອງກັນກອງປະຊຸມໃຫຍ່ສາມຂັ້ນ ກໍຄືກອງປະຊຸມໃຫຍ່ຂອງພັກ ແລະ ວຽກງານອື່ນໆ.

ໂອກາດດຽວກັນນີ້ ພົຕ ກົງທອງ ພົງວິຈິດ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການມາພົບປະແລກປ່ຽນບົດຮຽນກັບກົມໃຫຍ່ສັນຕິບານ ກະຊວງ ປ້ອງກັນຄວາມສະຫົງບ ລາວຄັ້ງນີ້, ເພື່ອສືບຕໍ່ການຮ່ວມມືຊ່ວຍເຫຼືອເຊີ່ງກັນ ແລະ ກັນໃນດ້ານວຽກງານວິຊາ ເພື່ອເຮັດໃຫ້ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ, ພ້ອມທັງອວຍພອນໃຫ້ກອງປະຊຸມພົບປະແລກປ່ຽນບົດຮຽນຄັ້ງນີ້ປະສົບຜົນສຳເລັດຕາມຄາດໝາຍທີ່ວາງໄວ້.

Off

Comments are closed.