16th Dec2019

ຫ້ອງວ່າການກະຊວງປ້ອງກັນຄວາມ ສະຫົງບປະກາດປັບປຸງການຈັດຕັ້ງ

by somchan

ຫ້ອງວ່າການ ກະຊວງປ້ອງກັນຄວາມສະຫົງບ ໄດ້ປະກາດປັບປຸງການຈັດຕັ້ງບັນດາກົມກອງທີ່ຂຶ້ນກັບ, ໃນວັນທີ 16 ທັນວາ 2019 ນີ້, ໂດຍການເປັນກຽດເຂົ້າຮ່ວມ ຂອງພົຈວ ສົມວັນ ສາຍລ້ອງພາ ຫົວໜ້າຫ້ອງວ່າການ ກະຊວງ ປກສ, ມີຄະນະພັກ- ຄະນະບັນຊາ, ພະນັກງານຫຼັກແຫຼ່ງກົມກອງອ້ອມຂ້າງເຂົ້າຮ່ວມ.

ພັທ ຄຳພອນ ແສງສາລິຈັນ ຮອງຫົວໜ້າກົມຈັດຕັ້ງພະນັກງານ ກົມໃຫຍ່ການເມືອງປ້ອງກັນຄວາມສະຫົງບ ໄດ້ຜ່ານຂໍ້ຕົກລົງຂອງລັດຖະມົນຕີກະຊວງ ປ້ອງກັນຄວາມສະຫງົບວ່າດ້ວຍການ ຍົກຍ້າຍນາຍຕຳຫຼວດທີ້ຂຶ້ນກັບຫ້ອງວ່າການ ກະຊວງ ປກສ ໃນນັ້ນໄດ້ຍົກຍ້າຍ ພັທ ບຸນລ້ຽງ ປັນຍາແກ້ວ ຈາກກົມເສນາທິການ ໄປຮັບໜ້າທີໃໝ່ ຢູ່ກົມບໍລິຫານ ແລະ ຂໍ້ຕົກລົງ ວ່າດ້ວຍການແຕ່ງຕັ້ງນາຍຕຳຫຼວດທີ່ຂຶ້ນກັບຫ້ອງວ່າການກະຊວງ ປກສ ໃນນັ້ນໄດ້ແຕ່ງຕັ້ງ ພັທ ສີວັນທາ ເພຍສາຂາ ເປັນຫົວໜ້າ ຫ້ອງການເມືອງ, ພັທ ສະໝານ ດວງປັນຍາ ເປັນຮອງ, ພັທ ສົມພອນ ຈັນທະພົງ ເປັນຫົວໜ້າກົມກົດລັບ, ພັທ ກອງສິນ ຈັນທະວົງ ເປັນຮອງ, ພັທ ບຸນລ້ຽງ ປັນຍາແກ້ວ ເປັນຫົວໜ້າກົມບໍລິຫານ, ພັທ ສາຍພອນ ຫອມມີໄຊ ເປັນຮອງກົມພົວພັນຕ່າງປະເທດ ແລະ ພັທ ສອນແກ້ວ ແພງຊະນະ ເປັນຮອງກົມຄຸ້ມຄອງເອກະສານ. ສ່ວນຫົວໜ້າ ແລະ ຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ. ທັງນີເພື່ອເປັນການປັບປຸງກົງຈັກການຈັດຕັ້ງຂອງຫ້ອງວ່າການ ຢູ່ແຕ່ລະຂັ້ນໃຫ້ມີຄວາມໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ ແລະ ສາມາດຕອບສະໜອງກັບຄວາມຮຽກຮ້ອງຕ້ອງການຂອງໜ້າທີການເມືອງໃນໄລຍະໃໝ່.

Off

Comments are closed.