17th Dec2019

ກົມໃຫຍ່ຕຳຫຼວດປະກາດການຈັດຕັ້ງໃຫມ່

by somchan

ໃນວັນທີ 16 ທັນວາ 2019 ນີ້ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ ໄດ້ປະກາດປັບປຸງການຈັດຕັ້ງກົມ, ຫ້ອງ, ສູນ ອ້ອມຂ້າງກົມຂຶ້ນ. ໂດຍການເປັນກຽດ ເຂົ້າຮ່ວມ ຂອງ ພົນຕີ ປອ ທອງເຫຼັກ ມັງໜໍ່ເມກ ຫົວໜ້າກົມໃຫຍ່ຕຳຫຼວດ, ມີບັນດາຄະນະພັກ-ຄະນະບັນຊາ, ກົມກອງ, ຫ້ອງ, ສູນ ແລະ ພະນັກງານຂັ້ນນຳພາ ບັນຊາ ເຂົ້າຮ່ວມ.

ພັທ ສົມພອນ ແກ້ວພູທອນ ຮອງຫົວໜ້າ ກົມຈັດຕັ້ງພະນັກງານ ກົມໃຫຍ່ການເມືອງປ້ອງກັນຄວາມສະຫງົບ ວ່າດ້ວຍການແຕ່ງຕັ້ງ ແລະ ຍົກຍ້າຍນາຍຕຳຫຼວດ ທີ່ຂຶ້ນກັບກົມໃຫຍ່ຕຳຫຼວດ  ໃນນັ້ນໄດ້ຍົກຍ້າຍ ແລະ ແຕ່ງຕັ້ງ ພັອ ຄຳແກ້ວ ມະໂນລາ ຈາກກົມຕຳຫຼວດເສດຖະກິດ ໄປເປັນຫົວໜ້າກົມຕຳຫຼວດສືບຂ່າວອາຍາ; ພັອ ແກ່ນຈັນ ພົມມະຈັກ ຈາກກົມຕຳຫຼວດສາກົນ ໄປເປັນຫົວໜ້າກົມສືບສວນ-ສອບສວນ, ພັອ ປອ ຄຳແຝງ ວັນດີໄຊ ຈາກກົມຕຳຫຼວດສິ່ງແວດລ້ອມ ໄປເປັນຫົວໜ້າກົມຕຳຫຼວດ ເສດຖະກິດ, ພັທ ທະນົງສັກ ຊາມຸນຕີ ຈາກສູນຄວບຄຸມວົງຈອນປິດ ແລະ ພັທ ບົວໄລ ຟອງໄຊຊະນະ ຈາກກົມຝຶກແອບ ແລະ ນຳໃຊ້ໝາວິຊາສະເພາະ ໄປເປັນຫົວໜ້າຫ້ອງການເມືອງ; ພັທ ວາດສະໜາ ວິລະວົງ ຈາກກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ ແລະ ພັທ ຫົງຄຳ ຫອມສົມບັດ ຈາກກົມຕຳຫຼວດສະກັດກັ້ນ ແລະ ຢາເສບຕິດ ໄປເປັນຮອງຫົວໜ້າກົມຕຳຫຼວດສືບຂ່າວອາຍາ, ພັທ ຄອນສີ ເນົາວະລາດ ຈາກຫ້ອງການ ໄປເປັນຫົວໜ້າກົມຝຶກແອບ ແລະ ນຳໃຊ້ໝາວິຊາສະເພາະ, ພັທ ບຸນຖິ່ນ ແກ້ວມົນລັດຊີ ຈາກກົມຕຳຫຼວດເສດຖະກິດ ໄປເປັນຮອງຫົວໜ້າກົມສະກັດກັ້ນ ແລະ ຕ້ານການຄ້າມະນຸດ, ພັທ ບໍລິວົງ ວົງຫຼວງລາດ ຈາກກົມຕຳຫຼວດສະກັດກັ້ນ ແລະ ຕ້ານອັກຄີໄພ ໄປສູນຄວບຄຸມວົງຈອນປິດ, ພັທ ອານຸສິນ ສັກປະເສີດ ຈາກກົມຕຳຫຼວດເສດຖະກິດ ໄປເປັນຮອງກົມຕຳຫຼວດສິ່ງແວດລ້ອມ, ພັທ ອິນປົງ ຈັນທະວົງສາ ຈາກກົມຕຳຫຼວດສະກັດກັ້ນ ແລະ ຕ້ານຢາເສບຕິດ ໄປເປັນຫົວໜ້າຕຳຫຼວດສິ່ງແວດລ້ອມ.

 

ພ້ອມນີ້, ຍັງໄດ້ແຕ່ງຕັ້ງ ພັອ ໄກສອນ ແກ້ວມະນີ ເປັນຫົວໜ້າກົມຕຳຫຼວດທາງລົດໄຟ, ພັທ ທອງຂັນ ສີສຸພັນທອງ ເປັນຫົວໜ້າກົມຕຳຫຼວດສາກົນ, ພັອ ວັນໄຊ ລີໄຊຍະລາດ ເປັນຫົວໜ້າກົມຕຳຫຼວດສະກັດກັ້ນ ແລະ ຕ້ານອັກຄີໄພ, ພັທ ບຸນຫຼວງ ວິໄລສຸກ ເປັນຫົວໜ້າຫ້ອງການເມືອງ, ພັທ ສົມເພັດ ເພົ້າວົງດີ ເປັນຫົວໜ້າຫ້ອງພະລາທິການ ແລະ ແຕ່ງຕັ້ງບັນດາ ຮອງກົມທີ່ຂຶ້ນກັບ ອີກຈຳນວນໜຶ່ງ.

ທັງນີ້ ກໍ່ເພື່ອເຮັດໃຫ້ການຈັດຕັ້ງຂອງກົມໃຫຍ່ຕຳຫຼວດ ຢູ່ແຕ່ລະຂັ້ນມີຄວາມໜັກແໜ້ນເຂັ້ມແຂງ ທາງດ້ານການເມືອງແນວຄິດ ເຂັ້ມແຂງທາງດ້ານການຈັດຕັ້ງ ແລະ ສາມາດຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃຫມ່.

Off

Comments are closed.