20th Dec2019

ກອງປະຊຸມສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານທົ່ວປະເທດ ປະຈຳປີ 2019

by somchan

ກອງປະຊຸມສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານທົ່ວປະເທດ ປະຈຳປີ 2019 ໄດ້ຈັດຂື້ນໃນວັນທີ 19 ທັນວາ ນີ້ ທີ່ຫ້ອງປະຊຸມພະແນກສຶກສາທິການ ແລະ ກິລາ ແຂວງໄຊຍະບູລີ, ເຂົ້າຮ່ວມເປັນກຽດມີທ່ານ ຈັນສີ ໂພສີຄຳ ກຳມະການກົມການເມືອງ, ເລຂາທິການສູນກາງພັກ, ເລຂາຄະນະພັກ, ຫົວໜ້າຄະນະຈັດຕັ້ງສູນກາງພັກ,

ມີທ່ານ ພົງສະຫວັນ ສິດທະວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງໄຊຍະບູລີ, ມີຫົວໜ້າ, ຮອງຫົວໜ້າຄະນະຈັດຕັ້ງບັນດາແຂວງທົ່ວປະເທດ, ນະຄອນຫຼວງ, ມີຫົວໜ້າກົມຈັດຕັ້ງກະຊວງ, ອົງການ, ຫົວໜ້າກົມ, ຮອງກົມ, ມີເລຂາພັກເມືອງ-ເຈົ້າເມືອງ ແລະ ຄະນະຈັດຕັ້ງບັນດາເມືອງທົ່ວແຂວງໄຊຍະບູລີ ເຂົ້າຮ່ວມ.

ໃນກອງປະຊຸມ ທ່ານ ຈັນສີ ໂພສີຄຳ ກຳມະການກົມການເມືອງ, ເລຂາທິການສູນກາງພັກ, ເລຂາຄະນະພັກ, ຫົວໜ້າຄະນະຈັດຕັ້ງສູນກາງພັກ ໄດ້ກ່າວໄຂກອງປະຊຸມຢ່າງເປັນທາງການ, ທ່ານໄດ້ກ່າວວ່າ: ກອງປະຊຸມຄັ້ງນີ້ ໄດ້ພ້ອມກັນສັງເກດຕີລາຄາການຈັດຕັ້ງປະຕິບັດວຽກງານຈັດຕັ້ງ, ກໍ່ສ້າງພັກ-ພະນັກງານ ປະຈຳປີ 2019, ພ້ອມທັງຄົ້ນຄວ້າກຳນົດທິດທາງວຽກງານຈຸດສຸມໃນປີ 2020; ໃນນີ້ຈະໄດ້ລົງເລິກຕີລາຄາຜົນສຳເລັດ ໃນການກະກຽມ ແລະ ດຳເນີນກອງປະຊຸມໃຫ່ຍຂັ້ນຮາກຖານພັກ ແລະ ກອງປະຊຸມໃຫ່ຍອົງຄະນະພັກເມືອງທີ່ໄດ້ເຮັດສຳເລັດໄປແລ້ວ, ພ້ອມກັນນັ້ນກໍຈະໄດ້ປຶກສາຫາລືການສືບຕໍ່ກະກຽມ ແລະ ດຳເນີນກອງປະຊຸມໃຫ່ຍ ຂັ້ນເມືອງ-ທຽບເທົ່າ-ກອງປະຊຸມໃຫ່ຍຂັ້ນແຂວງ-ນະຄອນຫຼວງ, ກະຊວງ-ອົງການໃນປີ 2020 ເພື່ອໃຫ້ຖືກຕ້ອງຕາມເນື້ອໃນຂອງຄຳສັ່ງ ແລະ ບົດແນະນຳຂອງຂະແໜງການທີ່ກ່ຽວຂ້ອງຂັ້ນສູນກາງ, ຈາກນັ້ນ ທ່ານ ວັນໄຊ ພອງສະຫວັນ ຮອງເລຂາຄະນະພັກ, ຮອງຫົວໜ້າຄະນະຈັດຕັ້ງສູນກາງພັກ ໄດ້ຂື້ນຜ່ານຮ່າງບົດສະຫຼຸບຕີລາຄາສະພາບການຈັດຕັ້ງປະຕິບັດວຽກງານຈັດຕັ້ງ, ກໍ່ສ້າງພັກ, ພະນັກງານໄລຍະ 1 ປີຜ່ານມາ, ເຊິ່ງທ່ານໄດ້ຍົກ ໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງຈາກການປະຕິບັດໜ້າທີ່ວຽກງານຂອງຄະນະຈັດຕັ້ງທົ່ວປະເທດ. ໃນໄລຍະ 1 ປຜ່ານມາ ແມ່ນໄດ້ຫັນເອົາພະນັກງານລົງຊ່ວຍບັນດາເມືອງທົ່ວປະເທດ ເພື່ອນຳພາ-ຊີ້ນຳກະກຽມ ກອງປະຊຸມໃຫ່ຍຂັ້ນບ້ານ ແລະ ກອງປະຊຸມອົງຄະນະພັກເມືອງທັງ 3 ດ້ານ: ດ້ານຂະບວນການ, ດ້ານເນື້ອໃນ ແລະ ດ້ານບຸກຄະລາກອນ, ປະຈຸບັນທົ່ວປະເທດໄດ້ສຳເລັດການດຳເນີນກອງປະຊຸມໃຫ່ຍຮາກຖານບ້ານ ແລະ ຮາກຖານອ້ອມຂ້າງເມືອງ-ນະຄອນ 98%, ອົງຄະນະພັກເມືອງ-ນະຄອນ ສຳເລັດ 42 ເມືອງ ໃນຈຳນວນ 12 ແຂວງ, ທົ່ວປະເທດມີໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນທັງໝົດ 6,375 ໜ່ວຍ, ມີສະມາຊິກພັກ ທັງໝົດ 3 ແສນກວ່າສະຫາຍ, ຍິງ 82,177 ສະຫາຍ, ກອງປະຊຸມດັ່ງກ່າວຈະໄດ້ດຳເນີນໄປເປັນເວລາ 2 ວັນຈຶ່ງຈະສຳເລັດ.

Off

Comments are closed.