27th Dec2019

ໂຮມຊຸມນຸມລະນຶກວັນທະຫານອາສາສະໜັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນ ຊ່ວຍເຫຼືອການປະຕິວັດລາວ ຄົບຮອບ 70 ປີ

by somchan

ໃນວັນທີ 26 ທັນວາ 2019 ນີ້ ກະຊວງປ້ອງກັນປະເທດ ໄດ້ຈັດພິທີໂຮມຊຸມນຸມມິດຕີງ ສະເຫຼີມສະຫຼອງລະນຶກວັນທະຫານອາສາສະໜັກ ແລະ ຊ່ຽວຊານຫວຽດນາມ ປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວຄົບຮອບ 70 ປີ,ເຊິ່ງເປັນວັນທີ່ມີຄວາມໝາຍສຳຄັນໃນປະຫວັດສາດແຫ່ງການພົວພັນຂອງສອງຊາດລາວ-ຫວຽດນາມ ຈັດຂື້ນຢູ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ,ໂດຍການເຂົ້າຮ່ວມຂອງທ່ານ ພັນຄຳ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດແຫ່ງ ສປປ ລາວ, ພົນເອກ ຈັນສະໜອນ ຈັນຍະລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ແລະ ພົນເອກ ໂງຊັວນລິກ ລັດຖະມົນຕີກະຊວງປ້ອງກັນປະເທດ ຫວຽດນາມ ພ້ອມດ້ວຍຜູ້ແທນອະດີດທະຫານອາສາສະໜັກ ແລະ ຊ່ຽວຊານຫວຽດນາມ, ບັນດາການນຳຂັ້ນສູງຂອງສອງປະເທດລາວ-ຫວຽດນາມ ແລະ ພາກສ່ວນກ່ຽວຂ້ອງເຂົ້າຮ່ວມ.

ພົນເອກ ຈັນສະໜອນ ຈັນຍະລາດ ໄດ້ໃຫ້ຮູ້ວ່າ: ເມື່ອຫວນຄືນມູນເຊື້ອແຫ່ງສາຍພົວພັນພິເສດລາວ-ຫວຽດນາມ, ຫວຽດນາມ-ລາວ ສຸດທີ່ມີຄວາມເອກອ່າງ ແລະ ພາກພູມໃຈເປັນຢ່າງຍິ່ງທີ່ເຫັນວ່າ ພາຍໃຕ້ການນຳພາຂອງພັກກອມມູນິດອິນດູຈີນ ທີ່ສ້າງຕັ້ງໂດຍປະທານ ໂຮຈິມິນ ຜູ້ຍິ່ງໃຫ່ຍໃນປີ 1930, ການຕໍ່ສູ້ເພື່ອຄວາມເປັນເອກະລາດແຫ່ງຊາດ ຂອງປະຊາຊົນສອງຊາດລາວ-ຫວຽດນາມ ໄດ້ຮັບໄຊຊະນະເປັນກ້າວໆມາ, ພົ້ນເດັ່ນເປັນພິເສດແມ່ນປະຊາຊົນຫວຽດນາມສາມາດປະກາດເອກະລາດຕໍ່ໂລກ ໃນວັນທີ 2 ກັນຍາ 1945, ເຊິ່ງເປັນການກຳເນີດລັດສັງຄົມນິຍົມທຳອິດໃນທະວີບອາຊີ, ສ່ວນຢູ່ລາວກໍ່ໄດ້ປະກາດເອກະລາດໃນວັນທີ 12 ຕຸລາ 1945, ແຕ່ຄວາມຫວັງສ້າງປະເທດໃນເງື່ອນໄຂສັນຕິພາບຂອງປະຊາຊົນສອງຊາດຕ້ອງຖືກພັງທະລາຍ ໃນເມື່ອພວກລ່າເມືອງຂື້ນຝຣັງກັບຄືນມາຮຸກຮານສອງປະເທດເປັນຄັ້ງທີ່ 2 ເຮັດໃຫ້ພັກກອມມຸນິດອິນດູຈີນ ຕ້ອງໄດ້ສືບຕໍ່ນຳພາປະຊາຊົນ ທັງສາມປະເທດ ອິນດູຈີນ ຕໍ່ສູ້ຕ້ານພວກລ່າເມືອງຂື້ນຝຣັງ ເພື່ອຍາດເອົາເອກກະລາດແຫ່ງຊາດ ຕໍ່ໜ້າສະພາບການທີຂຽວຂາດຄືແນວນັ້ນ,ໂດຍເຫັນໄດ້ເຖີງຄວາມຈຳເປັນໃນການຮ່ວມມື້ຕ້ານພວກອິດທິກຳລັງປໍລະປັກ ທີຫວັງມາທຳລາຍປະເທດຊາດ, ປະທານໂຮຈີມີນ, ປະທານໄກສອນພົມວິຫານ, ແລະ ປະທານສຸພານຸວົງ ໄດ້ຕົກລົງສ້າງສຳພັນສູ້ຣົບ ລາວ-ຫວຽດນາມ ໃນປີ 1946 ແລະ ປະຕິບັດຕາມຄຳສັ່ງສອນຂອງລຸງໂຮທີວ່າຊ່ວຍເພື່ອນ ແມ່ນຊ່ວຍຕົນເອງໍ ລູກຫຼານຜູ້ປະເສີດຂອງປະຊາຊົນຫຽດນາມ ເປັນຈຳນວນຫຼາຍແສນຄົນ ໄດ້ຈັດສີນໃຈຂ້າມສາຍພູຫຼວງທີຍິ່ງໃຫ່ຍ ເພື່ອປະຕິບັດພັນທະສາກົນຢູ່ລາວ, ບັນດານາຍ ແລະ ພົນທະຫານຂອງຫວຽດນາມ ໄດ້ກັງເກືອກລີເລືອກັບກອງທັບ ນັກຮົບປະຕິວັດ ແລະ ປະຊາຊົນລາວ ເພື່ອຕີເອົາຊະນະກັບກຸ່ມຄົນບໍ່ດີ ຜູ້ຮຸກຮານຕ່າງຊາດ ຍ້ອນມີການປະສານສົມທົບທີແໜ້ນແຟນ ແລະ ການເສຍສະຫຼະຢ່າງໃຫ່ຍຫຼວງຂອງນັກຮົບປະຕິວັດຂອງສອງປະເທດ ໄດ້ຕີຖອຍກຸ່ມຄົນບໍ່ດີໃນບັນຮົບຕ່າງໆ ຊື່ງອັນເດັ່ນກ່ວາໝູ່ ແມ່ນໄຊຊະນະຂອງບັນຮົບ ດຽນບຽນຟູ ທີ່ລືຊື່ ໃນເດືອນພືດສະພາ 1954 ນຳໄປສູ່ການຍອມຈຳນົນຂອງພວກລ່າເມືອງຂື້ນຝຣັງ ຍອມເຊັນສັນຍາເຊີແນວ ວ່າດ້ວຍອິນດູຈິນ ເປັນການແກ້ໄຂສັງກາດເອກກະລາດ ໃຫ້ແກ່ 3 ຊາດ ອິນດູຈິນ, ທັບມ້າງເອກປົກຄອງລ່າເມືອງຂື້ນແບບເກົ່າ.

ການປະກອບສ່ວນຢ່າງຫຼວງຫຼາຍ ຂອງນັກຮົບປະຕິວັດຂອງສອງປະເທດ ຕໍ່ສາຍສຳພັນທີຍິ່ງໃຫ່ຍ ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ ສອງລັດ ແລະ ປະຊາຊົນສອງຊາດລາວ-ຫວຽດນາມ ໄດ້ຮັບການຕີລາຄາສູງໂດຍການນຳລຸ້ນ ກໍ່ຕັ້ງຂອງປະເທດ.

ພາຍຫຼັງໄດ້ຮັບການປົດປ່ອຍຢ່າງສົມບູນ ໃນປີ 1975 ສອງປະເທດລາວ ແລະ ຫວຽດນາມ ໄດ້ກ່າວເຂົ້າສູ່ສັງກາດໃໝ່, ສັງກາດແຫ່ງສັນຕິພາບ, ເອກກະລາດ, ເອກກະພາບ,ແລະ ປະຕິບັດສິດເປັນເຈົ້າຕົນເອງ ໃນການປົກປັກຮັກສາ ແລະ ສ້າງສາພັດທະນາປະເທດຊາດ ໄປສູ້ຈຸດໝາຍສັງຄົມນິຍົມທີ່ວາງໄວ້ ໃນໄລຍະແຫ່ງການປົກປັກຮັກສາ, ສ້າງສາພັດທະນາປະເທດຊາດ ຕະຫຼອດ 40 ກວ່າປີຜ່ານມາຈົນເຖີງປະຈຸບັນ ເຖີງວ່າສະພາບການພາກພື້ນສາກົນມີການຜັນແປໄປຢ່າງສັບສົນ ວ່ອງໄວບວກກັບບັນດາອິດທິກຳລັງປໍລະປັກບໍ່ລົດລະໃນການເຄື່ອນໄຫວ ເພື່ອມ້າງເພທຳລາຍໝາກຜົນຂອງການປະຕິວັດຂອງປະເທດ ແຕ່ສາຍພົວພັນພິເສດອັນບໍລິສຸດຜຸດຜ່ອງໃກ້ຊິດສະນິດສະໝົມ ລະຫວ່າງປະຊາຊົນສອງຊາດ ລາວ-ຫວຽດນາມບໍ່ພຽງແຕ່ບໍ່ມີວັນຈຶດຈາງໄປ, ແຕ່ຍິ່ງໄດ້ຮັບການເສີມຂະຫຍາຍລວງກ້ວາງ ແລະ ລວງເລີກ ນັບມື້ນັບປະສິດທິຜົນ ແລະ ພວມນຳເອົາຜົນປະໂຫຍດຕົວຈິງ ມາໃຫ້ແກ່ປະຊາຊົນສອງຊາດ ລາວ-ຫວຽດນາມ ການພົວພັນດ້ານການເມືອງໄດ້ຮັບການເສີມຂະຫຍາຍຢ່າງໜັກແໜ້ນ ການແລກປ່ຽນການຢ້ຽມຢາມ ໄປມາຫາສູ່ກັນຂອງການນຳຂັ້ນສູງຂອງພັກ, ສອງລັດຂອງສອງປະເທດ ໄດ້ປະກອບສ່ວນເຂົ້າໃນການເສີມຂະຫຍາຍມູນເຊືອແຫ່ງການພົວພັນມິດຕະພາບ ຄວາມສາທັກຄີພິເສດ ແລະ ການຮ່ວມມືຮອບດ້ານສູງຂື້ນ ການຮ່ວມມືລະຫວ່າງທ້ອງຖີ່ນ ຂະແໜງການຂອງສອງປະເທດ ມີປະສິດທິຜົນຫຼາຍຂື້ນ ແລະ ການພົວພັນດ້ານເສດຖະກິດ ການຄ້າໄດ້ມີຄວາມພະຍາຍາມສູ່ຊົນ ຍົກໂຕເລກການຄ້າສອງສົ້ນ ໃຫ້ສູງຂື້ນເລື້ອຍໆ ການລົງທືນ ສສ ຫວຽດນາມ ຍັງສືບຕໍ່ຍືນຢູ່ອັນດັບແຖວໜ້າ ຂອງບັນດາປະເທດ ທີ່ພວມມີການລົງທືນຢູ່ລາວ ຂົງເຂດປ້ອງກັນຊາດ ປ້ອງກັນຄວາມສະຫງົບ ກໍ່ມີບາດກ້າວຂະຫຍາຍຕົວໃໝ່ ດ້ານການສືກສາແມ່ນນັບມືມີຄຸນນະພາບສູງຂື້ນ ດ້ານການຕ່າງປະເທດ ໄດ້ປະສານສົມທົບກັນຢ່າງແໜ້ນແຟ້ນໃນເວທີພາກພື້ນ ແລະ ທ່ອງທ່ຽວ ສາທາລະນະສຸກ ຄົມມະນາຄົມຂົນສົງ ແລະ ເຕັກນິກວິທະຍາສາດ ກໍ່ຂະຫຍາຍຕົວຢ່າງຕັ້ງໜ້າ ແລະ ນັບມື້ກ້ວາງຂວາງກ່ວາເກົ່າ ເຊີ່ງນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດ.

Off

Comments are closed.