27th Jan2020

ກະຊວງສາທາລະນະສຸກ ຖະແຫຼ່ງກ່ຽວກັບສະພາບການລະບາດ ຂອງພະຍາດອັກເສບປອດທີ່ເກີດຈາກ ເຊື້ອຈຸລະໂລກສາຍພັນໃໝ່

by somchan

ໃນວັນທີ 23 ມັງກອນ 2020 ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ໃຫ້ຮູ້ວ່າ: ກ່ຽວກັບສະພາບການລະບາດ ຂອງພະຍາດ ອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ທີ່ກຳລັງແຜ່ລະບາດຢູ່ທີ່ເມືອງອູ່ຮັ່ນ ແຂວງ ຫູເປີ່ຍ ສປ ຈີນ ໃນປະຈຸບັນ ສຳລັບ ສປປ ລາວ ແມ່ນບໍ່ທັນມີລາຍງານກ່ຽວກັບການຕິດເຊື້ອພະຍາດດັ່ງກ່າວເທື່ອ,

ເຖີງຢ່າງໃດກໍ່ຕາມ ກະຊວງສາທາລະນະສຸກ ແຫ່ງ ສປປ ລາວ ກໍ່ໄດ້ມີການຕິດຕາມເຝົ້າລະວັງສະຖານະການຢ່າງຕໍ່ເນື່ອງ ໂດຍໄດ້ມີການປະສານສົມທົບ ກັບອົງການອະນາໄມໂລກ ແລະ ກະຊວງສາທາລະນະສຸກ ແຫ່ງ ສປປ ຈີນ ກ່ຽວກັບຂໍ້ມູນການລະບາດຂອງເຊື້ອພະຍາດອັກເສບປອດສາຍພັນໃໝ່, ພ້ອມນີ້ກໍ່ຍັງໄດ້ປະສານສົມທົບ ກັບຫຼາຍພາກສ່ວນທີ່ກ່ຽວຂ້ອງ ເປັນຕົ້ນແມ່ນດ່ານສາກົນ ສະໝາມບີນວັດໄຕ ແລະ ບັນດາດ່ານລະຫວ່າງປະເທດ ທີ່ມີຜູ້ໂດຍສານເຂົ້າ-ອອກ, ໃຫ້ມີການກວດກາ ແລະ ຕິດຕາມເຝົ້າລະວັງຢ່າງເຂັ້ມງວດ, ນອກຈາກນີ້ກະຊວງສາທາລະນະສຸກ ຍັງໄດ້ແຈ້ງເຕືອນ ເຖີງປະຊາຊົນລາວ ໃຫ້ມີສະຕິລະວັງຕົວ, ໃນການດຳລົງຊີວິດປະຈຳວັນເຊັ່ນ: ບໍ່ຄວນໄປສຳພັດກັບຄົນ ທີ່ມີອາການເປັນໄຂ້, ມີອາການໄອ, ຈາມ, ມີນ້ຳໝູກ ແລະ ສັດໂດຍສະເພາະແມ່ນ ສັດປ່າ ແລະ ອື່ນໆ.

Off

Comments are closed.